OBADAÏAH 1:9 - Khasi CL Bible (BSI)

⁹ Ki rangbah nongïaleh jong ka Teman kin kyiuh, bad ïa uwei pa uwei u shipai ha Edom yn pynïap.”

KA BAIBL

⁹ Bad ki rangbah bakhlaiñ jong me, ko Teman, kin kyiuh noh, khnang ban pynduh noh ïa uwei uwei baroh na u lum u Iso da ka jingpynïap.

OBADAÏAH 1:9 Mawu Ofanana

Ka Kitab U Job 2:11

Lai ngut na ki paralok u Job ki long u Eliphas na ka nongbah Teman, u Bildad na ka ri Shuah, bad u Sophar na ka ri Naamah. Ynda ki la ïohsngew katno ba u Job u shah jynjar, ki ïakut ban leit bad pyntngen ïa u.

JEREMAÏAH 49:20

Kumta to shahshkor ïa ka jingthmu kaba nga don pyrshah ïa ki briew ka Edom, bad ïa kaei kaba nga thmu ban leh ïa ki briew jong ka nongbah Teman. Wat ïa ki khynnah yn paring ïa ki, bad uwei pa uwei un sngewtriem.

JEREMAÏAH 49:22

U nongshun un tur ïaleh ïa ka Bosrah kum u pukni uba suh wia sha tbian lem bad ki thapniang ba-pyiar. Ha kata ka sngi ki shipai Edom kin sheptieng kum ka briew kaba suh kha.”

JEREMAÏAH 49:7

Kane ka dei kaei kaba U Trai Badonbor Baroh u ong shaphang ka Edom: “Hato ki briew ka Edom ki la duh noh ïa la ka jingbishar babha? Hato ki nongaibuit jong ki kim lah shuh ban ïathuh ïa ki kaei ba ki dei ban leh? Hato ka jingstad jong ki baroh ka la jah noh?

ESEKIEL 25:13

Mynta nga pynbna ba ngan pynshitom ïa ka Edom bad pynïap ïa uwei pa uwei u briew bad u mrad hangta. Ngan pynlong ïa ka kaba sah shrah, na ka nongbah Teman haduh ka nongbah Dedan, bad ki briew kin shah pynïap ha ka thma.

AMOS 1:12

Kumta ngan phah ka ding ha nongbah Teman, bad kan thang duh ïa ki kut ka Bosrah.”

AMOS 2:16

Ha kata ka sngi wat ki shipai bashlur tam kin pynhap ïa la ki tiar ïapom bad kin mareh.” U Trai u la kren.

OBADAÏAH 1:21

Ki rangbah nongjop jong ka Jerusalem kin tur ïaleh ïa ka Edom bad kin synshar halor jong ka. Bad U Trai da lade hi un long u Syiem.”

OBADAÏAH 1:5

“Haba ki nongtuh ki wan mynmiet, ki rah tang ïa kaei kaba ki kwah. Haba ki briew ki lum ïa ki sohwaiñ, borabor ki pynsah khyrdong khyndiat. Hynrei ki nongshun jong pha ki la pyndam noh khoit ïa pha.

NAHUM 3:13

Ki shipai jong pha ki long kum ki kynthei, bad ka ri jong pha ka ïeng khlem ka jingïada ha khmat ki nongshun jong pha. Ka ding kan pynjot ïa ki dieng khang khyrdop jong pha.

HABAKKUK 3:3

U Blei u wan biang na Edom; U Blei bakhuid u wan na ki lumrit ka Paran. Ka burom jong u ka dap ïa ki bneng, bad ka pyrthei ka dap da ka jingïaroh ïa u.

DEUTERONOMI 2:5

Kin tieng ïa phi, hynrei phim dei ban ïaknieh jaka bad ki, namar ngan ym ai ha phi wat tang khyndiat ruh na kata ka ri jong ki. Nga la ai ïa ka Edom ha ki khun ki ksiew u Iso.