NEHEMAÏAH 9:5 - Khasi CL Bible (BSI)

⁵ Kine ki Lebi harum ki ai ïa ka jingkhot sha ka jingmane: u Jeshua, u Kadmiel, u Bani, u Hashabneïah, u Sherebaïah, u Hodaïah, u Shebanaïah, bad u Pethahaïah. Ki ong: “Ïeng bad ïaroh ïa U Trai U Blei jong phi; ïaroh ïa u junom la junom! Ai ba baroh kin ïaroh ïa ka kyrteng badonburom jong u, wat la ym don ka jingïaroh ba kynja briew kaba khraw palat.”

KA BAIBL

⁵ Te ki Lebi, u Jeshua, u Kadmiel, u Bani, u Hashabneïah, bad u Sherebiah, u Hodiah, u Shebaniah, bad u Pethahiah, ki la ong, “To ïeng joit bad kyrkhu ïa U Trai U Blei jong phi na ka bymjukut sha ka bymjukut: bad long ba la kyrkhu ïa ka kyrteng ba-donburom jong me, ïa kaba la kyntiew halor ka jingkyrkhu bad ka jingïaroh baroh.

NEHEMAÏAH 9:5 Mawu Ofanana

1 SYIEM 8:14

Katba u paidbah u dang ïeng hangta, u Syiem Solomon u phai khmat sha ki bad pan ka jingkyrkhu U Blei halor jong ki.

1 SYIEM 8:15

U ong, “Ïaroh ïa U Trai U Blei ki Israel! uba la bat ïa la ka kular ba u la pynlong bad u Dabid u kpa jong nga, mynba u ong,

1 SYIEM 8:22

Nangta ha ka jingdon ryngkat u paidbah, u Solomon u leit bad u ïeng ha khmat ka duwan, u rah ïa la ki kti,

1 SYIEM 8:27

“Hynrei me lah mo, A Blei, ban shong shisha ha ka pyrthei? Wat ka bneng baroh kam biang pura ban ngiam ïa me, kumta kumno ka lah ban long ba kane ka Templ ïa kaba nga la tei kan heh haduh katta?

1 KHRONIKL 16:36

Ïaroh ïa U Trai, U Blei ki Israel! Ïaroh ïa u mynta bad junom! Nangta baroh u paidbah u ong, “Amen,” bad ïaroh ïa U Trai.

1 KHRONIKL 29:11

Me long uba khraw bad uba donbor, uba donburom, uba itynnat bad uba iphieng. Kiei kiei baroh ha bneng bad ha khyndew ki dei ki jong me; me dei u syiem, u nongsynshar bahakhlieh duh halor baroh.

1 KHRONIKL 29:13

Mynta ko Blei jong ngi, ngi ainguh ïa me, bad ngi ïaroh ïa ka kyrteng kaba donburom jong me.

1 KHRONIKL 29:20

Nangta u Dabid u la hukum ïa u paidbah, “Ïaroh ïa U Trai U Blei jong phi!” Bad kiba la ïalumlang baroh ki la ïaroh ïa U Trai, U Blei jong ki kpa tymmen jong ki, bad ki la pyndem la ki khlieh bad ai burom ïa U Trai bad ruh ïa u syiem.

2 KHRONIKL 20:13

Baroh ki rangbah ka Judah, ryngkat bad ki tnga bad ki khun jong ki, ki ïeng hangta ha ka Templ.

2 KHRONIKL 20:19

Ki Lebi kiba dei na ka kur u Kohath bad u Korah ki ïeng bad da ka sur kaba jam ki ïaroh ïa U Trai, U Blei ki Israel.

ESRA 3:11

Ki rwai ki jingïaroh ïa U Trai, da kaba ïai rwai ïa ka banktien: “U Trai u long uba bha, bad ka jingieit jong u ïa ki Israel ka long bymjukut.” Baroh ki pyrta jam katba don ka bor, da kaba ïaroh ïa U Trai, namar ka jingtei ïa ka nongrim jong ka Templ ka la sdang.

NEHEMAÏAH 9:4

Ka don ka jaka bakynjang, na ka bynta ki Lebi bad halor jong ka, u ïeng u Jeshua, u Bani, u Kadmiel, u Shebanaïah, u Bunni, u Sherebaïah, u Bani, bad u Khenani. Ki la duwai jam ha U Trai U Blei jong ki.

NEHEMAÏAH 9:6

Bad nangta ki Israel ki duwai ïa kane ka jingduwai: “Ma me, Ko Trai, tang ma me hi marwei me long U Trai; me thaw ïa ki bneng bad ki khlur jong ka sahit bneng. Me thaw ïa ka ryngkew bad ïa ka duriaw bad baroh kiba don ha ki; me ai jingim ïa baroh. Ki bor ha bneng ki dem bad ki mane ïa me.

Ka Kitab U Job 1:21

U ong, “La kha ïa nga lyngkhuit khlem don ei ei bad ngan ïap lyngkhuit khlem don ei ei. U Trai u la ai, bad mynta u la shim noh. To ai ba yn ïaroh ïa ka kyrteng jong u!”

SALM 106:2

Mano ba lah ban ïathuh ïa baroh kiei kiei kiba khraw kiba u la leh? Mano ba lah ban ïaroh ïa u kumba dei biang?

SALM 134:1

To wan, to ïaroh ïa U Trai, phi ki shakri jong u baroh, phi baroh kiba shakri ha ka Templ jong u mynmiet.

SALM 145:2

Man ka sngi ngan ainguh ïa me; ngan ïaroh ïa me junom la junom.

SALM 145:5

Kin kren shaphang ka burom bad ka jinglong syiem jong me, bad ngan puson ïa ki kam baphylla jong me.

SALM 146:2

Ngan ïaroh ïa u katba nga dang im; ngan rwai ha U Blei jong nga baroh shi lynter ka jingim jong nga.

SALM 16:2

Nga ong ha U Trai, “Me long U Trai jong nga; kiei kiei kiba bha baroh kiba nga don ki la wan na me.”

SALM 66:2

To rwai pyndonburom ïa ka kyrteng jong u, to ai ha u ki jingïaroh pyndonburom!

SALM 99:3

Baroh kin ïaroh ïa ka kyrteng kaba khraw bad kaba kynja syiem jong u. Uba Khuid long ma u!

EKSODOS 15:11

“Ko Trai, uei uba kat ma me hapdeng ki blei? Uei keiñ uba kum ma me, uba phylla ha ka jinglongkhuid? Uei uba lah ban leh ki kambah bad ki kamphylla kum ma me?

EKSODOS 15:6

“Ka kti kamon jong me, A Trai, ka long kaba khraw eh ha ka bor; ka pynlwet thiaw ïa u nongshun.

DANIEL 2:20

“U Blei u long uba stad bad uba donbor! to ïaroh ïa u junom la junom.

MATHAÏOS 11:25

Ha kata ka por U Jisu u la ong, “Ko Kpa, U Trai ka bneng bad ka pyrthei! Nga ainguh ïa me namar ba me la pyn-i ha ki bymstad ïa kaei kaba me la buhrieh na kiba stad bad kiba la ïoh jinghikai.

2 KORINTH 4:6

U Blei uba la ong, “Na ka jingdum ka jingshai kan tyngshaiñ!” u long ujuh U Blei uba la pynlong ïa ka jingshai jong u ban tyngshaiñ ha ki dohnud jong ngi, ban wanrah ha ngi ïa ka jingtip shaphang ka burom U Blei kaba tyngshaiñ ha U Khrist.

DEUTERONOMI 28:58

“Lada phim kohnguh ïa ki jinghikai U Blei ïa kiba la thoh ha kane ka kitab, bad lada phim ñiewburom ïa ka kyrteng kaba phylla bad kaba khraw jong U Trai U Blei jong phi,

1 PETROS 1:3

To ngin ainguh ïa U Blei bad ïa U Kpa U Jisu Khrist uba U Trai jong ngi. Namar ka jingisynei bakhraw jong u, u la ai ha ngi ïa ka jingim bathymmai da kaba pynmihpat ïa U Jisu Khrist na ka jingïap.

NONGBISHAR 13:18

U angel u kylli, “Balei ba phi da kwah ban tip ïa ka kyrteng jong nga? Ka long ka kyrteng kaba phylla.”