NEHEMAÏAH 6:10 - Khasi CL Bible (BSI)

¹⁰ Hamar kane ka por, nga leit ban jngoh ïa u Shemaïah, u khun jong u Delaïah bad u ksiew jong u Mehetabel, u bym shym lah ban mih na ïing jong u. U ong ïa nga, “Ma phi bad nga, ngi dei ban ïaleit bad rieh lang ha ka Jaka Kyntang jong ka Templ bad khang tala ïa ki jingkhang, namar kin wan ban pynïap ïa phi.”

KA BAIBL

¹⁰ Bad nga la leit ha ka ïing u Shemaïah u khun u Delaïah u khun u Mehetabel, uba la khang khop ïa lade; bad u la ong, “To ngin ïashem ha ka ïing U Blei, hapoh ka templ, bad ngin khang ïa ka jingkhang ka templ: namar kin wan ban pynïap ïa me; shisha keiñ, ha kaba mynmiet kin wan ban pynïap ïa me.”

NEHEMAÏAH 6:10 Mawu Ofanana

1 SYIEM 6:5

Ha syndah ki kynroh na shabar, ha krung bad hadien jong ka Templ, u pynïeng ïa ka jingtei kaba lai mala, kawei kawei ka mala ka long 2.2 mitar ka jingjrong.

2 SYIEM 11:3

Ka Jehosheba ka sumar ïa u khynnah haduh hynriew snem bad ka pynrieh ïa u ha ka Templ, katba ka Athalaïah ka dang synshar kum ka syiem.

2 SYIEM 9:8

Baroh kiba na ka longïing jong u Ahab bad ki khun ki ksiew ki dei ban ïap; ngan sar lin ïa uwei pa uwei u shynrang na ka longïing jong u, ïa u samla bad u tymmen kumjuh.

2 KHRONIKL 28:24

Nalor kata u shim ïa baroh ïa ki khiew ki pliang jong ka Templ, bad u pynpait lyngkhot lyngkhai ïa ki; u khang noh ïa ka Templ, bad u tei ki duwan ha man la ki dong jong ka Jerusalem.

2 KHRONIKL 29:3

Ha u bnai uba nyngkong jong ka snem hadien ba u Hesekaïah u la long syiem, u plie biang ïa ki jingkhang jong ka Templ, bad u phah shna pynbha ïa ki.

2 KHRONIKL 29:7

Ki la khang ïa ki jingkhang jong ka Templ, ki la pynlip ïa ki sharak, bad kim shym la thang ïa ki jingiwbih lane kñia ïa ki jingainguh thang ha ka Templ jong U Blei ka Israel.

ESRA 10:31

Ka kur u Harim: u Elieser, u Isshijah, u Malkhijah, u Shemaïah, u Shimeon, u Benjamin, u Mallukh bad Shemaraïah.

ESRA 8:16

Nga phah khot khyndai ngut na ki nongïalam: u Elieser, u Ariel, u Shemaïah, u Elnathan, u Jarib, u Elnathan, u Nathan, u Sekharaïah bad u Meshullam bad ïa ar ngut ki nonghikai, u Joïarib bad u Elnathan.

NEHEMAÏAH 6:12

Haba nga la pyrkhat bha ïa ka, nga sngewthuh ba U Blei um pat shym la kren ha u Shemaïah, hynrei ba u Tobiah bad u Sanballat ki la pynbam pisa ïa u ban ai ïa nga ïa kane ka jingmaham.

SALM 12:2

Baroh na ki, ki lamler iwei ïa iwei pat; ki shukor iwei ïa iwei pat da ki kyntien pynroh.

SALM 37:12

U briew bymman u sylla pyrshah ïa u briew babha, bad u peitsuh ïa u da ka jingisih;

PROBERB 11:9

Phi lah ban jot noh da ka jingkren ki briew kiba khlem blei, hynrei ka jingstad jong kiba hok ka lah ban pyllait im ïa phi.

JEREMAÏAH 36:5

Nangta nga la ai ha u Barukh ïa kine ki jingbthah harum: “Ym shah shuh ïa nga ban rung hapoh ka Templ.

ESEKIEL 3:24

Nga dem khrup da pyllup ha madan, hynrei U Mynsiem jong U Blei u rung hapoh jong nga bad u pynïeng ïa nga. U Trai u la ong ha nga: “Khie leit sha ïing bad set khop ïa lade hapoh ïing.

MALAKHI 1:10

U Trai Badonbor Baroh u ong, “Nga kwah ba uwei na phi un khang ïa ki jingkhang bah ka Templ khnang ba yn ym shah ïa phi ban pynmeh ïa ki ding bymmyntoi ha ka duwan jong nga. Ngam sngewbha ïa phi; ngan ym pdiang ïa ki jingainguh kiba phi wanrah sha nga.

MATHAÏOS 7:15

“To sumar ïa lade na ki nongïathuhlypa balamler; ki wan sha phi ki da i kum ki langbrot ha kaba shabar, hynrei ha kaba shapoh ki long shisha kum ki suri barunar.

ÏOANNIS 3:20

Uno uno uba leh ïa kiei kiei kiba sniew u isih ïa ka jingshai bad un ym wan sha ka jingshai, namar um kwah ba ïa ki kam sniew jong u yn paw.

KI KAM 21:30

Ka jingkulmar ka la pur ha ka nongbah baroh kawei, bad ki briew ki la ïamareh lang, ki la kem ïa u Paul, bad ki la patan ïa u shabar jong ka Templ. Shisyndon hi la khang ïa ki jingkhang jong ka Templ.