NEHEMAÏAH 11:3 - Khasi CL Bible (BSI)

^3-8 Ha kiwei pat ki shnong bad ki nongbah, ki Israel, ki lyngdoh, ki Lebi, ki nongtrei ka Templ bad ki khun ki ksiew jong ki nongtrei u Solomon, ki shong ki sah ha ki jaka la jong ha ki shnong jong ki. Kane ka long ka thup jong ki nongshong shnong bapawkhmat jong ka probins jong ka Judah kiba shong basah ha Jerusalem: Ki dkhot jong ka jait Judah: U Athaïah, u khun jong u Ussaïah bad u ksiew jong u Sekharaïah. Kiwei pat ki kpa tymmen ki kynthup ïa u Amaraïah, u Shephataïah, bad u Mahalalel, ki khun ki ksiew u Peres, u khun jong u Judah. U Maaseïah, u khun jong u Barukh bad u ksiew jong u Kolhoseh. Kiwei ki kpa tymmen ki kynthup ïa u Hasaïah, u Adaïah, u Joïarib bad u Sekharaïah, ki khun ki ksiew jong u Shelah, u khun jong u Judah. Na ki khun ki ksiew u Peres, sawspah hynriewphew phra ngut ki rangbah bapawkhmat ki shong ki sah ha Jerusalem. Ki dkhot jong ka jait Benjamin: U Sallu, u khun jong u Meshullam bad u ksiew jong u Joed. Kiwei ki kpa tymmen jong u ki kynthup ïa u Pedaïah, u Kolaïah, u Maaseïah, u Ithiel bad u Jeshaïah. U Gabbai bad u Sallai, ki long ki ba-ha-ïing bajan jong u Sallu. Ha baroh, Khyndaispah arphew phra ngut ki Benjamin ki shong ki sah ha Jerusalem.

KA BAIBL

³ Kine te ki long ki rangbah ka shnat kiba la shong duh ha Jerusalem: hynrei, ha ki shnong Judah uwei uwei u la shong ha la ka bynta trai ha ki shnong jong ki, kita ki long, ki Israel, ki lyngdoh, bad ki Lebi, bad ki Nethin, bad ki khun ki shakri u Solomon.

NEHEMAÏAH 11:3 Mawu Ofanana

ESRA 2:1

Bun na kiba la shah ringmraw, ki la mihnoh na ka probins jong ka Babilon bad wan phai pat sha Jerusalem bad Judah, uwei pa uwei sha la ka jong ka nongbah. Ki longïing jong ki, ki la shong la sah ha ka jingshah ringmraw ha Babilon naduh ka por ba u Nebukhadnessar u la lah rah ïa ki hangta kum ki koidi.

ESRA 2:43

Ki kur jong ki nongtrei ka Templ kiba wan phai na ka jingshah ringmraw: Siha, Hasupha, Tabbaoth, Keros, Siaha, Padon, Lebanah, Hagabah, Akkub, Hagab, Shamlai, Hanan, Giddel, Gahar, Reaïah, Resin, Nekoda, Gassam, Ussa, Paseah, Besai, Asnah, Meunim, Nephisim, Bakbuk, Hakupha, Harhur, Basluth, Mehida, Harsha, Barkos, Sisera, Temah, Nesaïah, bad Hatipha.

ESRA 2:70

Ki lyngdoh, ki Lebi bad katto katne na ki briew ki la shongduh ha Jerusalem ne ki jaka ba-marjan; ki nongtem nongput, ki nongap phira ka Templ, bad ki nongtrei shynrang ka Templ ki la shongduh ha ki shnong ba-marjan; bad kiba sah na ki Israel ki shongduh ha ki shnong kiba ki kpa tymmen jong ki, ki la shong la sah.

NEHEMAÏAH 11:20

Kiba sah na ki Israel bad kiba sah na ki lyngdoh bad ki Lebi, ki shong ki sah ha la ki jong ki jaka ha kiwei ki nongbah bad ki shnong jong ka Judah.

NEHEMAÏAH 7:39

Kane ka dei ka thup kyrteng jong kiba na ka kur lyngdoh kiba wan phai na ka jingshah ringmraw: Jedaïah (ki khun ki ksiew jong u Jeshua) — Khyndaispah hynñiewphew lai ngut Immer — Shihajar sanphew ar ngut Pashhur — Shihajar arspah sawphew hynñiew ngut Harim — Shihajar khathynñiew ngut

NEHEMAÏAH 7:43

Ki kur jong ki Lebi kiba wan phai na ka jingshah ringmraw: Jeshua bad Kadmiel (ki khun ki ksiew jong u Hodabaïah) — Hynñiewphew saw ngut Ki nongtem nongput ka Templ (ki khun ki ksiew jong u Asaph) — Shispah sawphew phra ngut Ki nongap phira ka Templ (ki khun ki ksiew jong u Shallum, u Ater, u Talmon, u Akkub, u Hatita bad Shobai) — Shispah laiphew phra ngut

NEHEMAÏAH 7:46

Ki kur jong ki nongtrei ka Templ kiba wan phai na ka jingshah pynryngkang par: Siha, Hasupha, Tabbaoth, Keros, Sia, Padon, Lebana, Hagaba, Shalmai, Hanan, Giddel, Gahar, Reaïah, Resin, Nekoda, Gassam, Ussa, Paseah, Besai, Meunim, Nephushesim, Bakbuk, Hakupha, Harhur, Baslith, Mehida, Harsha, Barkos, Sisera, Temah, Nesaïah, bad Hatipha.

NEHEMAÏAH 7:6

Bun na kiba shah ringmraw, ki la mihnoh na ka probins Babilon bad wan phai sha Jerusalem bad Judah, uwei pa uwei sha la ka jong ka nongbah. Ki longïing jong ki, ki la shong la sah ha ka jingshah ringmraw ha Babilon naduh ba u syiem Nebukhadnessar u la rah ïa ki shata kum ki koidi.

NEHEMAÏAH 7:7

Ki nongïalam jong ki, ki long u Serubbabel, u Joshua, u Nehemaïah, u Asaraïah, u Raamaïah, u Nahamani, u Mordekai, u Bilshan, u Mispereth, u Bigbai, u Nehum bad u Baanah.

NEHEMAÏAH 7:73

Ki lyngdoh, ki Lebi, ki nongap phira ïa ka Templ, ki nongtem nongput, kiba bun na ki riewpaidbah, ki nongtrei ka Templ — baroh u paid Israel — ki la shongduh ha ki shnong bad nongbah jong ka Judah.