NAHUM 2:2 - Khasi CL Bible (BSI)

² (U Trai u la sdang artat ban pynïoh pat ïa ka burom jong ka Israel, kumba ka la long ha khmat ki nongshun kiba la lute ïa ka.)

KA BAIBL

² Naba U Trai u wallam pat ïa ka burom u Jakob, kum ka burom ki Israel: naba ki nongpynsuda ki la pynsuda noh ïa ki, bad ki la pynsniew ïa ki tnat dieng Waiñ jong ki.

NAHUM 2:2 Mawu Ofanana

SALM 47:4

U la jied na ka bynta jong ngi ïa ka ri ha kaba ngi shong ngi sah, ka jingïohkynti basngewsarong jong ki briew jong u, ïa kiba u ieit.

ISAÏAH 60:15

“Yn ym iehnoh beiñ bad isih shuh ïa pha, ka nongbah kaba la shah iehnoh beiñ bad kynjah. Ngan pynlong ïa pha kaba khraw bad kaba itynnat, ka jaka jong ka jingkmen junom la junom.

JEREMAÏAH 25:29

Ngan sdang ïa ka kam jingpynjot jong nga na la ka jong ka nongbah hi. Hato ki pyrkhat ba kin lait khlem shah pynshitom? Em, kin shah pynshitom, namar ngan sa phah ïa ka thma ha ki jaitbynriew ka pyrthei baroh. Ma nga, U Trai Badonbor Baroh, nga la kren.

JEREMAÏAH 48:11

U Trai u ong, “Ka Moab ka la ju long kaba shongshngain bad ym pat ju ïalam mraw ïa ka. Ka Moab ka long kum ka waiñ kaba la shu ieh kumta khlem pynkhih bad ka bym ju phylliew na uwei u klong sha uwei pat. Ïa ka jingsuhsieng jong ka ym pat shu pynsniew, bad ka jingmad jong ka, ka long kaba bang kumba ju long.

JEREMAÏAH 49:9

Haba ki briew ki kheit sohwaiñ, ki ieh de katto katne halor dieng, bad haba ki nonglute ki wan mynmiet, ki shim tang ïa kaei kaba ki kwah.

ESEKIEL 37:21

Nangta to ïathuh ha ki ba ma nga, U Trai Nongsynshar, ngan shim noh ïa ki briew jong nga baroh na ki jaitbynriew sha kiba ki la leit, ngan lumlang ïa ki na ki, bad wanrah pat ïa ki sha la ka jong ka ri.

ESEKIEL 37:23

Kin ym pyntngit shuh ïa lade da ki bleithaw kiba ijli lane pynjot ïa lade da ka pop. Ngan pyllait ïa ki na ki lynti jong ka jingleh pop bad ka jingshetkylla ïa nga. Ngan pynkhuid ïa ki, kin long ki briew jong nga, bad ngan long U Blei jong ki.

HOSIA 10:1

Ki paid Israel ki la long kum u dieng sohwaiñ uba dap da ki sohwaiñ. Katba ki nang manbha, katta ki nang tei kham bun ki duwan. Katba ka ri jong ki ka nang pahuh, katta ruh ki nang pynitynnat ïa ki rishot maw bakyntang ba ki mane.

NAHUM 2:10

Ïa ka Ninebeh la pynjot, la iehnoh, kaba kynjah! Ki dohnud ki um da ka jingsheptieng; ki khohsiew ki khynñiuh, ka jingkhlaiñ ka la jah noh; ki durkhmat ki la kylla lieh blaid blaid.

NAHUM 3:14

To tong ïa ka um ban pynkhreh na ka bynta ka jingshah kerkut, bad to pynkhlaiñ ïa ki kut jong pha! To ïuh ïa ka dewbyrtha ban shna ïa ki maw-it, bad to pynkhreh ïa ki tiar shna maw-it!

SEPHANAÏAH 3:11

Ha kata ka por, ma phi, ki briew jong nga phim donkam shuh ban lehrain ba phi la ïeng ïaleh pyrshah ïa nga. Ngan weng noh ïa uno uno baroh uba sarong bad uba sngewmeng, bad phin ym ïeng ïaleh pyrshah shuh da lei lei ïa nga ha u lum bakyntang jong nga.