NAHUM 1:8 - Khasi CL Bible (BSI)

⁸ Kum ka jingsyllad ka jingshlei um bakhraw u pynjot thiaw ïa ki nongshun jong u; u phah sha ka jingïap jong ki ïa kito kiba pyrshah ïa u.

KA BAIBL

⁸ Hynrei, da ka jingshlei kaba tyllep un pynkut noh khoit ïa ka jaka jong ka, bad un beh noh ïa la ki nongshun sha ka jingdum.

NAHUM 1:8 Mawu Ofanana

Ka Kitab U Job 30:15

Nga la shahjop ha ka jingshyrkhei; ka burom jong nga ka la mihnoh kum ka lyer, bad ka spah jong nga kum u lyoh.

Ka Kitab U Job 40:11

To khmih sha kito kiba sarong; theh ïa ka jingbitar jong me bad pynpoh ïa ki.

PROBERB 4:19

Ka lynti ki riewsniew ka long kaba dum tliw tliw kum ka miet. Ki kyllon, hynrei kim ïohi ha-ei ki jynthut.

ISAÏAH 13:10

Uwei pa uwei u khlur bad kawei pa kawei ka thup khlur kin sangeh ban tyngshaiñ, ka sngi kan long kaba dum haba ka mih, bad u bnai un ym ai kano kano ka jingshai.

ISAÏAH 13:9

Ka sngi ka jong U Trai ka wan — kata ka sngi barunar jong ka jingbitar bashyrkhei bad bashla jong u. Ïa ka pyrthei yn pynlong ka ri khlaw, bad ïa uwei pa uwei u nongpop yn pynjot thiaw.

ISAÏAH 28:17

Ka jingbishar hok kan long u 'sai-thew na ka bynta ka nongrim, bad ka jinglehhok kan long u 'sai-sawar jong ka.” U phria un sar noh ïa baroh ki jingshukor ha kiba phi shaniah, bad ki jingshlei kin pynjot ïa ki jingsngewshngain jong phi.

ISAÏAH 28:18

Ka jingïateh kular kaba phi la pynlong bad ka jingïap yn pynduh, bad ïa ka jingïakut jong phi bad ka pyrthei kiba ïap yn pyndam noh. Haba ka jingjot ka sar, phin shahjop noh.

ISAÏAH 28:2

U Trai u don ïa uta uba khlaiñ bad badonbor uba la kloi ban tur ïaleh ïa ki, uta u ban wan kum u phria bajur, kum u 'lapbah, kum ka jingshlei um bakhlaiñbor, bad kan tap lup ïa ka ri.

ISAÏAH 8:22

lane peit shlip ha ka khyndew, pynban kin ym ïohi ei ei hynrei ka jingjynjar bad ka jingdum, ka jingdum kaba pyntriem sha kaba la beh ïa ki.

JEREMAÏAH 13:16

To pyndonburom ïa U Trai, U Blei jong phi, ha shuwa ba un wallam ïa ka jingdum, bad ba phi jynthut halor ki lumbah; ha shuwa ba un pynkylla sha ka jingdum synñia ïa ka jingshai kaba phi la kyrmen.

JEREMAÏAH 51:64

‘Kane ka long kaei ka ban jia ïa ka Babilonia — kan ngam bad kan ym lah khie shuh, namar ka jingpynjot ba U Trai un wallam ha ka.’ ” Ki ktien jong u Jeremaïah ki kut hangne.

ESEKIEL 13:13

Mynta kane ka dei kaei kaba U Trai Nongsynshar u ong: “Ha ka jingbitar jong nga ngan phah ïa ka lyer bajur, u slap bajur, bad u phria ban pynjot ïa ka kynroh.

DANIEL 11:10

“Ki khun shynrang jong u syiem ka Syria kin pynkhreh ïa ka thma bad ki ïalum ka kynhun shipai bakhraw. Kawei na ki kan sar kum ka jingshlei um bad kan tur ïaleh ïa ka kut jong u nongshun.

DANIEL 11:22

Ïa uno uno uba pyrshah ïa u, wat u Rangbah Lyngdoh jong U Blei, un shah sar noh bad shah pynduh.

DANIEL 11:40

“Haba ka kynta kaba khatduh jong u syiem ka Syria ka la jan wan artat, u syiem ka Ijipt un tur ïaleh ïa u, bad u syiem ka Syria un ïaleh pyrshah da la ka bor baroh, da kaba pyndonkam ïa ki kali ïapom, ki kulai, bad ki liengbah kiba bun. Un hiarthma ïa kiba bun ki ri, kum ka jingshlei ki um.

DANIEL 9:26

Bad ha kaba kut jong kata ka por ïa u nongïalam ba la jied jong U Blei yn pynïap khlem bishar hok. Ïa ka nongbah bad ïa ka Templ yn pynjot da ka kynhun shipai kaba hiarthma jong u nongsynshar badonbor. Kaba kut kan wan kum ka jingshlei um, ka da wallam ïa ka thma bad ïa ka jingpynjot kaba U Blei u la lah pynkhreh.

AMOS 8:8

Bad kumta ka khyndew kan khynñiuh, bad uwei pa uwei ha ka ri un long ha ka jinglanot. Ka ri baroh kawei kan khynñiuh; kan kiew bad kan hiar kum ka wah Nile.

NAHUM 1:1

Kane ka long ka khubor shaphang ka Ninebeh, ka jingïathuh shaphang ka jingïohipaw kaba la ïohi da u Nahum, uba dei na Elkosh.

NAHUM 2:8

Kum ka um na ka jaka den um ba la pra ki briew ki mareh napoh ka Ninebeh! “Sangeh! Sangeh!” ka jingpyrta ka sawa — hynrei ym don mano mano ba phai dien.

SEPHANAÏAH 2:13

U Trai un pyndonkam ïa ka bor jong u ban pynjot ïa ka Assyria. Un pynlong ïa ka nongbah Ninebeh ka jingjot ba la shah iehnoh, ka ri shyiap bym don um.

MATHAÏOS 7:27

U slap u la hap, ki wah ki la shlei, ka lyer ka la beh jur pyrshah ïa kata ka ïing, bad ka la khyllem. Bad katno ka jingkhyllem bashyrkhei ka la long!”

MATHAÏOS 8:12

Hynrei ïa kito kiba dei ban don hapoh ka Hima yn bret noh sha ka jingdum, ha kaba kin lynñiar bad kyr-iat la ki bniat.”

1 SAMUEL 2:9

“U ïada ïa ka jingim jong kito kiba shaniah ha u, hynrei kiba bymman kin shu jah lngaid ha ka jingdum; u briew u jop ym da ka bor la jong.