NAHUM 1:5 - Khasi CL Bible (BSI)

⁵ Ki lumbah ki khynñiuh ha ka jingdon ryngkat U Trai; ki lumrit ki um noh ha khmat jong u. Ka pyrthei ka khih haba U Trai u mihpaw; ka pyrthei bad ki briew jong ka baroh ki kyiuh.

KA BAIBL

⁵ Ki lum bah ki khynñiuh ha u, bad ki lum rit ki um noh; ïa ka khyndew la pyn-at phyllung ha khmat jong u, ïa ka pyrthei ruh, bad baroh kat kiba shong ha ka.

NAHUM 1:5 Mawu Ofanana

2 SAMUEL 22:8

Nangta ka khyndew ka kyiuh bad khynñiuh; ki nongrim jong ka suiñbneng ki khih bad ki kyiuh, namar ba U Blei u la bitar!

Ka Kitab U Job 26:11

Haba u byrthen ïa ki rishot kiba bat ïa ka suiñbneng, ki khih bad ki khynñiuh da ka jingsheptieng.

Ka Kitab U Job 9:5

Khlem jingmaham u pynkynriah ïa ki lum, bad da ka jingbitar u pynjot ïa ki.

SALM 104:32

U khmih ha ka pyrthei, bad ka khynñiuh; u ktah ïa ki lumbah, bad ki pynmih ïa ka tdem.

SALM 114:4

Ki lumbah ki ryngkoh kum ki blang; ki lumrit, ki kynthih kum ki khunlangbrot.

SALM 114:6

Phi ki lumbah, balei phi ryngkoh kum ki blang? Phi ki lumrit, balei phi kynthih kum ki khunlangbrot?

SALM 18:7

Nangta ka khyndew ka la khynñiuh bad ka la khih; ki nongrim jong ki lumbah ki la khynñiuh bad kyiuh, namar ba U Blei u la bitar.

SALM 18:8

Ka tdem ka la mih na ki thliew khmut jong u, bad ka ding kaba bam duh bad ki rnga kiba rhem na ka shyntur jong u.

SALM 46:6

Ki jaitbynriew ki sngewtriem, ki hima ki khynñiuh; U Blei u byrthen, bad ka pyrthei ka um.

SALM 68:8

ka khyndew ka khynñiuh, bad ka suiñbneng ka pynhap slap, namar ka jingwan jong U Blei u Lum Sinai, ka jingwan jong U Blei ki Israel.

SALM 98:7

To kyrhuh, ko ka duriaw, bad ki jingthaw baroh kiba don ha pha; rwai, ko ka pyrthei, bad baroh kiba shong ha pha!

EKSODOS 19:18

Ïa u Lum Sinai baroh uwei la tap da ka tdem, namar U Trai u la wan hiar ha u ha ka ding. Ka tdem ka kiew kum kaba mih na ka lawar ding, bad ki briew baroh ki la kyiuh shibun eh.

ISAÏAH 24:1

U Trai un sa pynjot ïa ka pyrthei bad un pynlong kynjah ïa ka. Un sa khyrwait ïa ka khmat jong ka pyrthei bad pynsakma ïa ki briew jong ka.

ISAÏAH 24:20

Ka pyrthei hi kan khih kum u nongbuaid bad khih shane bad shatai kum ka ïingtrep ha ka 'erïong. Ïa ka pyrthei la pynkhia da ki pop jong ka; kan khyllem bad kan ym lah khie khlieh shuh.

ISAÏAH 5:25

U Trai u la bitar ïa la ki briew bad u la kner ïa la ka kti ban pynshitom ïa ki. Ki lumbah kin khynñiuh bad ïa ki met jong kito kiba la ïap yn ieh ha ki lynti kum ka synrum. Pynban wat la katta ruh ïa ka jingbitar U Trai ym shym la pynkut, hynrei ka kti jong u kan ïai kner ban pynshitom.

JEREMAÏAH 10:10

Hynrei ma me, A Trai, me long U Blei bashisha, me long U Blei uba im bad u syiem bymjukut. Haba me bitar, ka pyrthei ka khynñiuh; ki jaitbynriew kim lah shah ïa ka jingbitar jong me.

JEREMAÏAH 4:24

Nga la khmih ha ki lumbah — ki la khynñiuh, bad ki lumrit ki khih shadien bad sha khmat.

ESEKIEL 38:20

Man la ka dohkha bad ka sim, man la ka mrad, barit bad baheh, bad man la u briew halor ka sla pyrthei kin khynñiuh da ka jingsheptieng ïa nga. Ki lumbah kin khyllem, ki riat kin twa, bad kawei pa kawei ka kynroh kan kyllon.

JOEL 2:10

Ka pyrthei ka khih katba ki nang tur; ka sahit bneng ka khynñiuh. Ka sngi bad u bnai ki kylla dum, bad ki khlur kim shai shuh.

AMOS 9:5

U Trai Nongsynshar Badonbor Baroh u ktah ïa ka pyrthei, bad ka khynñiuh baroh kiba shong ha ka ki ïambriew, ka pyrthei baroh kawei ka kiew ka hiar kum ka wah Nile.

MIKAH 1:4

Te ki lum kin um hapoh jong u kum ka bthing ha ka ding, kin noh sha ki jaka them kum ka um batuid arsut ïa u lumrit.

HABAKKUK 3:10

Haba ki lumbah ki la ïohi ïa me, ki kyiuh; ka um ka hap na ki sahit bneng. Ki um hapoh ka khyndew ki kyrhuh, bad ki jingat phyllung jong ki, ki kiew shalor.

SEKHARAÏAH 4:7

Ki jingjynthut kiba khraw kat ki lumbah kin jah noh ha khmat jong me. Men tei pat ïa ka Templ, bad katba me dang buh ïa u maw bakhatduh ha la ka jaka, ki briew kin pyrta ‘Kaba itynnat, kaba itynnat!’ ”

MALAKHI 4:1

U Trai Badonbor Baroh u ong, “Ka sngi ka la nang wan ha kaba ïa kiba sarong baroh bad ïa ki briew kiba sniew yn thang kum u phlangïap. Ha kata ka sngi kin shah thang lut, bad yn ym don kaba sah na ki.

MATHAÏOS 27:51

Nangta ïa ka pyrda kaba la wah hapoh ka Templ la kad arliang naduh khlieh haduh tbian. Ka khyndew ka la khynñiuh, ki mawsiang ki pra la ka jong ka jong,

MATHAÏOS 28:2

Kynsan kynsan la don ka jingkhih jumai kaba jur; u angel U Trai u la wan hiar na bneng, u la pyntyllun ïa u maw, bad u la shong halor jong u.

JINGPYNPAW 20:11

Nangta nga la ïohi ïa ka khet balieh kaba khraw bad ïa uta uba shong ha ka. Ka pyrthei bad ka bneng ki la phet na khmat jong u bad ym shym la ïohi shuh ïa ki.

JINGPYNPAW 6:14

Ka sahit bneng ka la jah noh kum ka kot kli ba la kli, bad ïa ki lum bad ki dewlynnong baroh la pynkynriah na ka jaka ba ki don.

NONGBISHAR 5:5

Ki lumbah ki khynñiuh ha khmat U Trai jong u Lum Sinai, Ha khmat U Trai, U Blei ki Israel.