NAHUM 1:2 - Khasi CL Bible (BSI)

² U Trai U Blei um lah shah ïa kino kino ki nongïaleh pyrshah; u pynshitom ïa kito kiba ïeng pyrshah ïa u. Ha ka jingbitar jong u, u siew kylliang ïa ki.

KA BAIBL

² U Trai u long U Blei u bathut shen bad u pynhiar kput; U Trai u pynhiar kput bad uba dap ka jingbitar; U Trai u pynhiar kput halor kiba ïaleh pyrshah ïa u, bad u buh tyngkai ïa ka jingbitar ïa ki nongshun jong u.

NAHUM 1:2 Mawu Ofanana

Ka Kitab U Job 20:23

Ai un bam kat kaba u kwah! U Blei un pynshitom ïa u ha ka jingbitar shla.

SALM 94:1

A Trai, me long U Blei uba pynshitom; to pynpaw ïa ka jingbitar jong me!

EKSODOS 20:5

Wat dem lane mane ïa kano kano ka bleithaw, naba nga, nga long U Trai U Blei jong phi bad ngam lah shah ïano ïano ba pyrshah ïa nga. Nga wallam ka jingpynshitom ha kito kiba isih ïa nga bad ha ki khun ki ksiew jong ki haduh kaba lai bad kaba saw pateng bynriew.

EKSODOS 34:14

“Wat mane ïa uno uno uwei pat u blei, namar ba ma nga, U Trai, ngam lah shah ïa kino kino ki ban ïakob ïa nga.

EKSODOS 34:7

Nga bat ïa la ka kular na ka bynta ki bun hajar ki pateng bynriew bad nga map ïa ka jingbymman, bad ïa ka pop; hynrei, ngan pynshitom ïa ki khun ki ksiew haduh ka pateng bynriew kaba lai bad kaba saw namar ki pop jong ki kmie ki kpa jong ki.”

ISAÏAH 42:13

U Trai u leit mih ban ïaleh kum u riewkieng atiar; u long uba la kloi bad kwah eh ban ïaleh thma, u kyang-thma, u pyrta ban ïaleh thma; u pyn-i ïa la ka bor pyrshah ïa la ki nongshun.

ISAÏAH 51:17

Ko Jerusalem, to khie noh! Khie joit ïa lade bad ïeng! Pha la dih ïa ka khuri ka jingpynshitom kaba U Trai ha ka jingbitar jong u, u la ai ba phan dih; pha dih lut ïa ka, bad ka la pynlong ïa pha ban ïaid sheng sheng.

ISAÏAH 51:20

Ha ki khongdong ha man ki surok bah ki briew jong pha ki kyllon noh na ka jingtlot; ki long kum ka skei kaba la ngat ha ka jar jong u nongbeh mrad. Ki la mad ïa ka bor jong ka jingbitar U Blei.

ISAÏAH 66:15

U Trai un wan bad ka ding. Un shong ha ki thapniang jong ka 'erïong, ban pynshitom ïa kito kiba u la bitar.

JEREMAÏAH 25:15

U Trai, U Blei ki Israel, u la ong ha nga, “Kane ka long ka khuri waiñ kaba la pyndap da ka jingbitar jong nga. Rah ïa ka sha ki jaitbynriew baroh sha kiba ngan phah ïa me, bad ai ïa ki ban dih na ka.

JEREMAÏAH 28:8

Ki nongïathuhlypa kiba la kren slem bah mynshuwa, ha shuwa ka por jong nga bad jong phi, ki la ïathuhlypa shaphang kata ka thma, ka jingïapthngan, bad ïa ka jingpang ki ban wan ha ki jaitbynriew babun bad ha ki hima bakhrawbor.

JEREMAÏAH 3:5

Men ym ïai bitar; men ym khih bitar ïa nga shi junom.’ Ko Israel kata ka dei kaei kaba pha la ong, hynrei pha la leh ïa ka jingsniew kat kaba pha lah.”

JEREMAÏAH 36:7

Lehse kin duwai ha U Trai bad phai pat na ki lynti bymman jong ki, namar U Trai u la byrngem ïa kane ka jaitbynriew da ka jingbitar bad ka jingbitar shla bashyrkhei.”

JEREMAÏAH 4:4

Sumar ïa ka jutang jong phi bad nga, U Trai jong phi, bad pynkyntang ïa lade ha nga, phi ki briew jong ka Judah bad Jerusalem. Lymda kumta, ka jingbitar jong nga kan ing kum ka ding namar kiei kiei kiba sniew kiba phi la leh. Kan pluh, bad yn ym don mano mano ba pynlip ïa ka.”

JEREMAÏAH 50:15

Pynjam ïa ka jingkyang thma baroh sawdong ka nongbah! Mynta ka Babilon ka la wan pyndem. Ki kynroh jong ka ki la pei lyngba bad la pyntwa. Nga siew kylliang ïa ki nong Babilonia. Te to siew kylliang ïa ki, bad leh ïa ki kumba ki la leh ïa kiwei.

SNGEWSYNEI 4:11

U Trai u la pyllait ïa ka bor ba-pura jong ka jingbitar jong u; u la pynmeh ka ding ha Seïon kaba la thang duh ïa ka haduh khyndew.

ESEKIEL 36:6

“Kumta to ïathuhlypa ha ka ri Israel; ïathuh ha ki lumbah bad ki lumrit, ha ki wahduid bad ki jaka them, ïa kaei kaba ma nga, U Trai Nongsynshar nga ong ha ka jingbitar lep namar ka rukom ha kaba ki jaitbynriew ki la krenbeiñ bad pynpoh ïa ki.

ESEKIEL 38:18

U Trai Nongsynshar u ong: “Ha ka sngi haba u Gog u hiarthma ïa ka Israel, ngan sa bitar lep.

ESEKIEL 38:19

Nga pynbna ha ka jingbitar bameh ding jong nga ba ha kata ka sngi kan don ka jingkhih jumai kaba jur ha ka ri Israel.

ESEKIEL 39:25

U Trai Nongsynshar u ong, “Hynrei mynta ngan sngewsynei ïa ki khun ki ksiew u Jakob, ki briew ka Israel, bad ngan pynmanbha biang ïa ki. Ngan ïada ïa la ka kyrteng bakhuid jong nga.

ESEKIEL 5:13

“Phan sa sngew ïa ka jingshyrkhei ka jingbitar bad ka jingbitar shla jong nga haduh ba ngan da sngewhun. Haba kane baroh ka jia, phan sa sngewthuh ba ma nga, U Trai, nga la kren ïa pha namar nga la bitar shla ïa ka jingbymïaineh jong pha.

ESEKIEL 6:12

Kito kiba sha jngai bah kin ïohpang bad ïap noh; kito kiba hajan kin ïap ha ka thma; kito kiba lait im kin ïapthngan. Kin sngew ïa ka jingbitar jong nga kaba nga la pynmih lut.

ESEKIEL 8:18

Kin sa sngew ïa ka jingbitar lep jong nga baroh; ngan ym tyngkai ïa ki ne pyn-i ka jinglehisynei ei ei ïa ki. Kin kyang ha nga da ki jingduwai jam katba ki lah, hynrei ngan ym shahshkor ïa ki.”

JOEL 2:18

Te U Trai u la pyn-i ïa ka jingsngewkhia na ka bynta la ka ri; u la don ka jingisynei ïa la ki briew.

LEBITIKOS 26:28

te ha ka jingbitar ngan phai pyrshah ïa phi, bad sa shisien ngan pynshitom jur shuh shuh ïa phi sa hynñiew shah ban ïa kaba la long mynshuwa.

MIKAH 5:15

Bad ha ka jingbitar bakhraw jong nga, ngan pynhiarkput ïa ki jaitbynriew baroh ki bym shym la kohnguh ïa nga.”

MIKAH 7:18

Ym don uwei pat u blei kum ma me, A Trai; me map ïa ki pop jong ki briew jong me kiba la lait im. Mem neh junom ha ka jingbitar, hynrei me sngewbha haba me pynpaw ïa ka jingieit baïaineh jong me.

SEKHARAÏAH 1:14

bad uta u angel u la bthah ïa nga ban pynbna ïa kaei kaba U Trai Badonbor Baroh u la lah ong: “Nga la don ka jingieit bajylliew bad jingsngewkhia ïa ka Jerusalem ka nongbah bakhuid jong nga,

SEKHARAÏAH 8:2

“Nga la angnud ban ïarap ïa ka Jerusalem namar ka jingieit bajylliew jong nga ïa ki briew jong ka, ka jingieit kaba la pynlong ïa nga ban bitar ïa ki nongshun jong ka.

JINGKHEIÑ 25:11

“Namar kaei kaba u Phinehas u la leh, ngam bitar shuh ïa ki paid Israel. U kyntait ban shah ïa ka jingmane ïa uno uno u blei lait tang ïa nga, bad namar kata ngam shym la pynjot ïa ki wat haba nga la bitar.

Ka Shithi U Paul Sha Ki Nong Rom 12:19

Wat ju pynhiarkput, ko ki paralok jong nga, hynrei pynban, to ai ba ka jingbitar jong U Blei kan leh ïa kata. Namar ka Jingthoh Bakhuid ka ong, “Ngan pynhiarkput, ngan siew kylliang, ong U Trai.”

Ka Shithi U Paul Sha Ki Nong Rom 13:4

namar u long u shakri jong U Blei uba trei na ka bynta ka jingbha jong phi hi. Hynrei lada phi leh ïa kaba sniew, te to sheptieng ïa u, namar ka bor jong u ban pynshitom ka long kaba dei. U long u shakri jong U Blei bad u pyntreikam ïa ka jingpynshitom U Blei halor kito kiba leh ïa kaba sniew.

DEUTERONOMI 4:24

namar U Trai U Blei jong phi u long kum ka ding kaba bam duh; um lah shah ba ki Israel kin mane ïa kiwei pat ki blei.

DEUTERONOMI 7:10

hynrei un ym pynslem ban pynshitom ïa kito kiba isih ïa u.

HEBRU 10:30

Namar ngi tip uei uta uba la ong, “Ngan sa pynhiarkput, ngan siew kylliang;” bad uba la ong ruh, “U Trai un bishar ïa la ki briew.”

JOSHUA 24:19

U Joshua u ong ha u paidbah, “Hynrei phin ym lah ban shakri ïa U Trai. U long U Blei uba khuid bad un ym map ïa ki pop jong phi.

2 PETROS 2:9

Bad kumta U Trai u tip kumno ban pyllait im ïa ki briew kiba riewblei na ki jingtynjuh jong ki bad kumno ban pynhap ïa ki bymman ha ka jingpynshitom ha ka Sngi ka Jingbishar, khamtam ïa kito kiba beh ïa ki jingkwah brai jakhlia jong ka met bad kiba ñiewbeiñ ïa ka bor synshar jong U Blei.