NAHUM 1:12 - Khasi CL Bible (BSI)

¹² Kane ka long kaei kaba U Trai u ong ha ki briew jong u ki Israel: “Wat la ki nong Assyria ki khlaiñ bad ki kham bun paid, ïa ki yn pynjot thiaw bad kin jah noh. Ko ki briew jong nga, nga la pynlong ïa phi ban shahshitom, hynrei ngan ym leh shuh ïa ka.

KA BAIBL

¹² Kumne u ong U Trai: “La ki khlaiñ bha, bad ba ki bun ruh kumjuh, kumta hi keiñ, yn pynïap noh ïa ki, u te un ïaid jah noh. La nga la pynjynjar ïa me, ngan ym pynjynjar shuh ïa me.

NAHUM 1:12 Mawu Ofanana

2 SYIEM 19:35

Ha kata ka miet u angel jong U Trai u leit sha ka jaka sher dara ki Assyria bad u pynïap shi lakh phraphew san hajar ki shipai. Dang step phyrngab ha ka sngi kaba bud, hangta ki la thiah lyngktar, baroh kiba la ïap!

2 SYIEM 19:37

Ha kawei ka sngi katba u dang mane ha ka templ jong u blei jong u, u Nisrokh, ar ngut na ki khun jong u, u Adrammelekh bad u Shareser, ki pynïap ïa u da ki waitlam, bad nangta ki phet ïap sha ka ri Ararat. Uwei pat na ki khun shynrang jong u, u Esarhaddon, u long u patsha ha ka jaka jong u.

EKSODOS 12:12

“Ha kata ka miet ngan ïaid lyngba ïa ka ri Ijipt, da kaba pynïap ïa u khun nyngkong baroh, la u dei u briew ne u mrad, bad ngan pynshitom ïa ki blei ka ri Ijipt baroh. Nga long U Trai.

ISAÏAH 10:16

U Trai Badonbor Baroh un phah ka jingpang ban pynshitom ïa kito kiba la bsa bha mynta. Ha ki met jong ki yn don ka ding kaba pluh bad ïai pluh.

ISAÏAH 17:14

Ha ka por janmiet ki pynlong ka jingpyntriem, hynrei kat ban da step ki la jah noh. Kata ka dei ka kupar jong uwei uwei uba lute ïa ka ri jong ngi.

ISAÏAH 30:19

Ko phi ki briew kiba shong basah ha Jerusalem phin ym ïam shuh lano lano ruh. U Trai u long uba sngewsynei, bad haba phi kyang sha u ban ïoh jingïarap, un jubab ïa phi.

ISAÏAH 31:8

Ïa ka Assyria yn pynjot ha ka thma, hynrei ym da ka bor briew. Ki nong Assyria kin phet ïap na ka thma, bad ïa ki samla shynrang jong ki yn pynlong mraw.

ISAÏAH 37:36

U angel jong U Trai u leit sha ka jaka shong dara ki Assyria bad u pynïap shi lakh phraphew san hajar ngut ki shipai. Dang step phyrngab ka sngi kaba bud hangta ki thiah, baroh ki la ïap!

ISAÏAH 51:22

U Trai U Blei jong phi u ïada ïa phi bad u ong, “Nga shim noh ïa ka khuri kaba nga la ai ha phi ha ka jingbitar jong nga. Phin ym hap ban dih shuh ïa ka waiñ kaba pynlong ïa phi ban ïaid sheng sheng.

ISAÏAH 7:20

“Haba kata ka por ka poi, U Trai un wai uwei u nongkhap shñiuh na sha shiliang ka wah Ïuphratis — u patsha jong ka Assyria! — bad un khi ïa ki tmain jong phi bad ïa ki shñiuh halor ki khlieh bad ki met jong phi.

ISAÏAH 8:8

Kin sar lyngba ka Judah ha ka jingshlei um, da kaba kiew haduh tyrpeng bad tap lin ïa kaei kaei baroh.” U Blei u long lem bad ngi! Ki thapniang jong u ba la pyiar shabar ki ïada ïa ka ri.

DANIEL 11:10

“Ki khun shynrang jong u syiem ka Syria kin pynkhreh ïa ka thma bad ki ïalum ka kynhun shipai bakhraw. Kawei na ki kan sar kum ka jingshlei um bad kan tur ïaleh ïa ka kut jong u nongshun.

JOEL 2:19

U la jubab ïa ki: “Mynta ngan ai ïa phi u kew bad ka waiñ bad ka umphniang Olib, bad phin long kiba la sngewhun. Kiwei ki jaitbynriew kin ym ñiewbeiñ shuh ïa phi.

NAHUM 1:15

Ha khmih, u nonglamktien u wan halor ki lumbah lem bad ka khubor kaba bha! U don ha la ka lynti ban pynbna ïa ka jingjop! Ko ki paid Judah, to rakhe ïa ki Jingkhawai Niam jong phi bad to ai ha U Blei ïa kaei kaba phi la kular kyntang ha u. U bymman da lei lei ruh un ym hiarthma shuh ïa ka ri jong phi. La pynjot thiaw ïa ki baroh!

JINGPYNPAW 7:16

Lano lano ruh kin ym thngan ne kin ym sliang; ka sngi lymne ka jingshit kyr-ang kan ym thang ïa ki, namar U Khunlangbrot, uba don hapdeng jong ka khet, un long u nongaplangbrot jong ki, bad un ïalam ïa ki sha ki umpohliew jong ka um ba ai jingim. Bad U Blei un ñiad noh ïa ki ummat baroh na ki khmat jong ki.”