MATHAÏOS 9:23 - Khasi CL Bible (BSI)

²³ Nangta U Jisu u la leit shapoh ka ïing jong u rangbah synshar. Haba u la ïohi ïa ki nongput nongtem na ka bynta ka jingontep bad ba ki briew baroh ki la khihwin,

KA BAIBL

²³ Te haba U Jisu u la poi ha ïing uta u rangbah, bad ba U la ïohi ïa ki duhalia, bad ïa ki paidbah ba ïambriew,

MATHAÏOS 9:23 Mawu Ofanana

2 KHRONIKL 35:25

U Jeremaïah u nongïathuhlypa u thaw ïa ka jingrwai pangnud ïa u syiem Josaïah. Ka long ka rukom ha Israel na ka bynta ki nongrwai, kynthei bad shynrang, ban rwai ïa kane ka jingrwai haba ki ïambriew namar jong u. La shem ïa kane ka jingrwai ha ki jingrwai pangnud ba la lumlang.

JEREMAÏAH 16:6

Kiba riewspah bad kiba duk kin ïap ha kane ka ri, hynrei ym don mano mano ban tep ïa ki lane ban ïambriew na ka bynta jong ki. Ym don mano mano u ban ot ïa lade lane u ban khi ïa la ka khlieh ban pyn-i ïa ka jingsngewsih jong u.

ESEKIEL 24:17

Wat ai ba yn pynsngew ïa ki jingïam jong pha. Wat leit kumto khlem tapkhlieh lane khlem jingsopkjat kum ka dak jong ka jingïam pangnud. Wat tap ïa la ka khmat lane bam ïa ka jingbam kaba ki nongïam pangnud ki bam.”

MATHAÏOS 11:17

‘Ngi la tem ka jingrwai shongkurim na ka bynta jong phi, hynrei phim shym la shad! Ngi la rwai ïa ki jingrwai ïapbriew, hynrei phim shym la ïam!’

LOUKAS 7:32

Ki long kum ki khynnah kiba shong ha ki jaka ïew. Kawei ka kynhun ka pyrta ïa kawei pat, ‘Ngi la tem ka jingtem shongkurim na ka bynta jong phi, hynrei phim shym shad! Ngi la rwai ki jingrwai ïapbriew, hynrei phim shym ïam!’

KI KAM 20:10

Hynrei u Paul u la leit hiar, bad u la dem pyllup halor jong u bad u la kdup ïa u. “Wat khuslai,” u la ong, “u dang im!”

KI KAM 9:39

Kumta u Petros u la khreh bad u la leit bad ki. Haba u la poi, la ïalam ïa u sha ka kamra kaba haneng, ha kaba ki riewkynthei baroh ki la ïalum sawdong ïa u, ki da ïam bad pyn-i ïa ki sopti bad ki jaiñkup kiba ka Dorkas ka la suh mynba ka dang im.

JINGPYNPAW 18:22

Ïa ka sur jingtem jong ki duitara bad ka sur jong ki nongrwai, jong ki nongput ïa ka tangmuri bad ïa ka turoi, yn ym ïohsngew shuh ha pha! Ïa uno uno u nongtrei ha kano kano ka kam yn ym shem shuh ha pha; bad ïa ka jingsawa jong u mawtylliat yn ym ïohsngew shuh!