MATHAÏOS 9:2 - Khasi CL Bible (BSI)

² ha kaba katto katne ki briew ki la wallam sha u ïa u briew uba ïapshiliang, uba thiah ha ka jingthiah. Haba U Jisu u la ïohi haduh katno ka jingngeit ki don, u la ong ha u briew uba ïapshiliang, “To long shlur, ko khun jong nga! Ïa ki pop jong me la map.”

KA BAIBL

² Ha khmih ruh, ki la ïawallam ha u ïa u bapang ïapshiliang, uba thiah ha ka jingthiah: te haba U Jisu u la ïohi ïa ka jingngeit jong ki, u la ong ha uta u bapang ïapshiliang, “To kyrmen, ko khun; la map noh ïa me ïa ki pop jong me.”

MATHAÏOS 9:2 Mawu Ofanana

EKLESIASTIS 9:7

To leh — bam ïa ka jingbam jong phi bad long uba kmen; dih ïa ka waiñ jong phi bad to long kiba dap da ka jingkmen. Ka long kaba biang bad U Blei.

ISAÏAH 44:22

Nga la weng noh ïa ki pop jong phi kum ïa u lyoh. To wan phai pat sha nga; nga long uta uba la pynim ïa phi.”

MATHAÏOS 14:27

U Jisu u la kren ha ki shisyndon. “To long shlur!” u la ong. “Dei ma nga. To wat sheptieng!”

MATHAÏOS 4:24

Ka khubor shaphang jong u ka la phriang kylleng ka ri Syria baroh kawei, ba ki briew ki la wallam ha u ïa baroh kito kiba pang, kiba shahshitom na ki jingpang babun jait, bad kiba pang bhur, bad kiba ïapshiliang — bad U Jisu u la pynkhiah ïa ki baroh.

MATHAÏOS 6:12

To map ïa ngi ïa ki jingpalat kiba ngi la leh, kumba ngi map ïa ki jingpalat kiba kiwei ki la leh ïa ngi.

MATHAÏOS 8:10

Haba U Jisu u la ïohsngew ïa kane, u la lyngngoh bad u la ong ha ki briew kiba bud ïa u, “Nga ong ha phi, ngam pat ju shem ïano ïano ha Israel lem bad ka jingngeit kaba kum kane.

MATHAÏOS 8:16

Haba ka janmiet ka la poi, ki briew ki la wallam sha U Jisu shibun kiba la don ki ksuid hapoh jong ki. U Jisu u la beh noh ïa ki mynsiem bymkhuid da ka ktien bad u la pynkhiah ïa baroh kiba la shitom.

MATHAÏOS 9:22

U Jisu u la phai sawdong bad u la ïohi ïa ka, bad u la ong, “To long shlur, ko ka khun jong nga! Ka jingngeit jong pha ka la pynkoit ïa pha.” Ha kata ka khyllipmat ka kynthei ka la koit.

MATHAÏOS 9:5

Hato ka kham suk ban ong, ‘La map ïa ki pop jong me,’ lane ban ong, ‘To ïeng joit bad to ïaid?’

MATHAÏOS 9:6

Ngan pynshisha ha phi, te, ba U Khun U Briew u don ka iktiar ha ka khyndew ban map ïa ki pop.” Kumta u la ong ha u briew uba ïapshiliang, “To ïeng joit, to rah ïa la ka jingthiah, bad leit sha ïing!”

MARKOS 1:32

Hadien ba ka sngi ka la sep bad ba ka janmiet ka la poi, ki briew ki la wallam sha U Jisu ïa baroh kiba pang bad kito kiba shongksuid.

MARKOS 10:49

U Jisu u la sangeh bad u la ong, “Khot ïa u.” Kumta ki la khot ïa uta u briew uba matlah. “To lehkmen!” ki la ong. “Ïeng joit, u khot ïa me.”

MARKOS 5:34

U Jisu u la ong ha ka, “Ko khun jong nga, ka jingngeit jong pha ka la pynkhiah ïa pha. Khie leit ha kaba suk, bad to long kaba la khiah na ka jingshitom jong pha.”

MARKOS 6:50

Ki la sheptieng haduh katta katta haba ki la ïohi ïa u. Mar kumta hi U Jisu u la kren ïa ki, “Long shlur!” u la ong. “Dei ma nga. Wat sheptieng!”

ÏOANNIS 16:33

Nga la ïathuh ha phi ïa kane khnang ba phin ïoh ïa ka jingsuk da kaba phi long lem bad nga. Ka pyrthei kan pynlong ïa phi ban shahshitom. Hynrei to long shlur! Nga, nga la jop ïa ka pyrthei!”

ÏOANNIS 2:25

Ym da donkam mano mano ban ïathuh ha u shaphang jong ki, namar u hi u la tip kaei kaba don ha ka dohnud jong ki.

ÏOANNIS 21:5

Kumta u la kylli ïa ki, “Ko samla, phi la ïangat ei ei?” “Ei ei ruh em,” ki la jubab.

KI KAM 14:9

U la shong hangta bad u la pynshahshkor ïa ki ktien jong u Paul. U Paul u la ïohi ba u la ngeit bad ba u lah ban ïohkhiah, kumta u la khmih shlip sha u bad u la ong ha ka sur kaba jam,

KI KAM 19:12

Wat ïa ki rumal bad ki jaiñ-da kiba u la pyndonkam la leit lam sha kito kiba pang, bad ïa ki jingpang jong ki la beh noh, bad ki mynsiem bymman ki ju mihnoh na ki.

KI KAM 23:11

Ha kata ka miet U Trai u la ïeng hajan u Paul bad u la ong, “Wat sheptieng! Me la ai ka jingsakhi na ka bynta jong nga hangne ha Jerusalem, bad me dei ban leh kumjuh ruh ha Rom.”

Ka Shithi U Paul Sha Ki Nong Rom 5:11

Hynrei kam long tang kumta; ngi lehkmen na ka bynta kaei kaba U Blei u la leh lyngba U Jisu Khrist uba U Trai jong ngi, uba mynta u la pynlong ïa ngi ki paralok jong U Blei.

JAKOB 2:18

Hynrei don u ban ong, “Uwei u briew u don ka jingngeit, uwei pat u don da ki kam.” Ka jubab jong nga ka long “To pyn-i ha nga kumno uno uno u lah ban don ka jingngeit khlem ki kam. Ngan sa pyn-i ïa phi ïa ka jingngeit jong nga da ki kam.”