MATHAÏOS 8:2 - Khasi CL Bible (BSI)

² Nangta u briew uba shitom na ka jingpang 'ñiangthohlieh u la wan sha u, u la dem khohsiew ha khmat jong u, bad u la ong, “Ko Kynrad, lada me mon, me lah ban pynlong khuid ïa nga.”

KA BAIBL

² Ha khmih ruh, u bapang 'ñiangthohlieh u la wan, bad u la mane dem ïa U, u da ong, “Ko Kynrad, lada me mon, me lah ban pynkhuid ïa nga.”

MATHAÏOS 8:2 Mawu Ofanana

2 SAMUEL 3:39

Wat la nga long u syiem uba la jied da U Blei, nga sngewtlot mynta ka sngi. Kine ki khun shynrang jong ka Seruïah ki long ka jingma ïa nga. To U Trai un pynshitom ïa kine ki nongkamsniew kumba ki dei ban ïoh!”

2 SYIEM 15:5

U Trai u shoh ïa u Ussaïah da ka jingpang sniehdoh kaba shyrkhei kaba la sah bad u shi lynter ka jingim jong u. U sah hi marwei ha la ka jong ka ïing, la pyllait ïa u na ki kamram baroh, katba u Jotham u khun jong u, u pynïaid ïa ka hima.

2 SYIEM 5:1

U Naaman, u rangbah ai hukum jong ka kynhun shipai Syria, u long u briew ïa uba la burom shikatdei eh bad ñiewkor shibun da u syiem Syria, namar lyngba u Naaman, U Trai u la ai ka jingjop ïa ki shipai Syria. U la long u shipai bakhraw, hynrei u don ka jingpang 'ñiangthohlieh.

2 SYIEM 5:27

Bad mynta ka jingpang jong u Naaman kan wan halor jong me, bad ma me bad ki khun ki ksiew jong me kin ïoh ïa ka shi junom!” Haba u Gehasi u la mihnoh, u la ïoh ïa ka jingpang — ka sniehdoh jong u ka la lieh kum ka ïor.

JINGKHEIÑ 12:10

bad u lyoh u kynriah noh na ka Ïingjaiñ, hangta hi ka sniehdoh jong ka Miriam ka la tap da ka jingpang 'ñiangthohlieh bad ka la kylla lieh kum ka ïor. Haba u Aaron u peit ïa ka bad u ïohi ba ka la ngat ïa kata ka jingpang,

MATHAÏOS 10:8

To pynkhiah ïa kiba pang, to pynim pat ïa kiba ïap, to pynkhiah ïa kito kiba shitom na ki jingpang 'ñiangthohlieh, bad to beh noh ïa ki ksuid. Phi la ïohpdiang ei, kumta to ai ei.

MATHAÏOS 13:58

Namar ba kim don ka jingngeit, um shym la leh shibun ki kambah hangta.

MATHAÏOS 14:33

Nangta ki synran hapoh ka lieng ki la mane ïa U Jisu. “Da shisha me long U Khun U Blei!” ki la pynbna.

MATHAÏOS 15:25

Ha kane, ka briew ka la wan bad dem khrup ha ki kjat jong u. “To ïarap ïa nga, ko Kynrad!” ka la ong.

MATHAÏOS 18:26

U shakri u la dem khrup ha ki khohsiew ha khmat u Syiem. ‘To ïaishah bad nga,’ u la kyrpad, ‘bad ngan siew ïa phi ïa kaei kaei baroh!’

MATHAÏOS 2:11

Ki la leit rung shapoh ka ïing, bad haba ki la ïohi ïa u khunlung lem bad ka kmie jong u ka Mari, ki la dem khohsiew bad ki la mane ïa u. Ki la sei ïa ki jingai sngewbha jong ki da ka ksiar, ka jingiwbih bad ka Mirr, bad ki la ai ïa ki ha u.

MATHAÏOS 20:20

Nangta ka tnga jong u Sebedi ka la wan sha U Jisu lem bad ar ngut ki khun shynrang jong ka, ka la nguh dem ha khmat jong u, bad ka la kyrpad ïa u ban leh ei ei.

MATHAÏOS 26:6

U Jisu u la don ha Bethania ha ka ïing jong u Simon, u briew uba la pang 'ñiangthohlieh.

MATHAÏOS 28:17

Haba ki la ïohi ïa u, ki la mane ïa u, wat la don na ki, kiba la sngew artatien.

MATHAÏOS 28:9

Kynsan U Jisu u la ïakynduh ïa ki bad u la ong, “To ka jingsuk kan long bad phi.” Ki la leit sha u, bad ki la bat ïa ki kjat jong u, bad ki la mane ïa u.

MATHAÏOS 4:9

“Ïa kine baroh ngan ai ha me,” u Soitan u la ong, “lada men dem khohsiew bad mane ïa nga.”

MATHAÏOS 8:1

Haba U Jisu u la wan hiar na u lum, ki paidbah babun ki la bud ïa u.

MATHAÏOS 8:25

Ki synran ki la ïaleit sha u bad kyrsiew ïa u. “Pyllait im ïa ngi, A Trai!” ki la ong. “Ngin sa ïap!”

MATHAÏOS 9:18

Katba U Jisu u dang kren ïa kane, u rangbah synshar ki Jiw u la wan sha U, u la dem khohsiew ha khmat jong u, bad u la ong, “Ka khun jong nga ka dang shu ïap; hynrei wan ban buh ïa ki kti jong me halor jong ka, bad kan im pat.”

LOUKAS 4:27

Bad la don bun ki briew kiba pang 'ñiangthohlieh kiba la im ha Israel ha ka por jong u Elisha u nongïathuhlypa; pynban ym shym la pynkhiah ïa uno uno na ki, hynrei, tang ïa u Naaman u nong Syria.”

ÏOANNIS 9:38

“Nga ngeit, ko Trai!” uta u briew u la ong, bad u la dem khohsiew ha khmat U Jisu.

KI KAM 10:14

Hynrei u Petros u la ong, “Da lei lei ruh em, ko Trai! ngam pat ju bam mynno mynno ïa kaei kaei ka bymkhuid lane kaba sang kat kum ka jinglehniam.”

KI KAM 10:25

Katba u Petros u dang rung, u Kornelios u la leit kynduh ïa u, u la dem khrup ha ki kjat jong u, bad u la nguh dem ha khmat jong u.

1 KORINTH 14:25

Yn bishar ïa u da kiei kiei baroh kiba u ïohsngew; ïa ki jingpyrkhat barieh jong u yn pynpaw madan, bad un dem ngon bad mane ïa U Blei, da kaba phla, “Da shisha U Blei u don hangne hapdeng jong phi.”

JINGPYNPAW 19:10

Nga la dem khrup ha ki kjat jong u ban mane ïa u, hynrei u la ong ha nga, “Wat leh kumne! Nga long u para shakri bad me bad kita ki parabangeit jong me, kito baroh kiba bat ïa ka jingshisha kaba U Jisu u la pynpaw. To mane ïa U Blei!” Naba ka jingshisha kaba U Jisu u la pynpaw ka long kata kaba pyrsad mynsiem ïa ki nongïathuhlypa.