MATHAÏOS 7:13 - Khasi CL Bible (BSI)

¹³ “Rung shapoh lyngba ka khyrdop kaba khim, namar ka khyrdop sha ka dujok ka long kaba kylluid bad ka lynti kaba ïalam sha ka, ka long kaba suk, bad don shibun kiba ïaid na ka.

KA BAIBL

¹³ “To bsut lyngba ïa ka khyrdop bakhim: naba ka kylluid ka khyrdop, kaba jlan ruh ka lynti, kaba lam sha ka ban jot; bun ruh kiba ïabsut na kata.

MATHAÏOS 7:13 Mawu Ofanana

JENESIS 6:12

U Blei u la khmih ïa ka pyrthei bad u la ïohi ba ka la sniew, namar ki briew baroh ki la im ka jingim kaba sniew.

JENESIS 6:5

Haba U Trai u la ïohi haduh katno ka jingsniew jong uwei pa uwei u briew ha ka pyrthei bad katno ki jingmut jingpyrkhat bymman jong ki ha ki por baroh,

PROBERB 16:25

Kaei kaba phi pyrkhat ba ka long ka lynti kaba dei ka lah ban ïalam sha ka jingïap.

PROBERB 7:27

Lada me leit sha ka ïing jong ka, me don ha ka lynti sha ka ri kiba ïap. Ka dei ka lynti kaba jan tam sha ka jingïap.

PROBERB 9:6

Iehnoh ïa ka kynhun ki briew kiba bieit, bad men ïoh im. Ïaid ruh ha ka lynti ka jingtip.”

ISAÏAH 1:9

Lada U Trai Badonbor Baroh um shym ailad ïa ki katto katne ki briew ban lait im, yn jin da la pynjot hi thiaw ïa ka Jerusalem, kumba long ïa ka Sodom bad Gomorrah.

ISAÏAH 35:8

Kan long ka lynti bah hangta, ba la khot “Ka Lynti jong ka Jingkhuid.” Yn ym don nongpop u ban ïaid ha kata ka lynti; ym don ki riewbieit ki ban ïalam bakla ïa kito kiba bud ïa ka.

ISAÏAH 55:7

To ai ba ki bymman kin iehnoh ïa la ka rukom im bad ban kylla ïa ka rukom pyrkhat. To ai ba kin phai sha U Trai. U Blei jong ngi u long uba dap da ka jingisynei bad uba kloi ban map ei.

MATHAÏOS 23:13

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi khang ïa ka jingkhang sha ka Hima ki bneng na khmat ki briew, hynrei ma phi da lade hi phim leit rung shapoh, lymne ba phi shah shapoh ïa kito kiba pyrshang ban rung!

MATHAÏOS 25:41

“Nangta un ong ha kito kiba ha ka liang kadiang jong u, ‘Khie leit noh na nga, phi kiba hapoh ka jingtim jong U Blei! Khie leit noh sha ka ding bymjukut ïa kaba la pynkhreh na ka bynta u Ksuid bad ki angel jong u!

MATHAÏOS 25:46

Te, ïa kine, yn phah noh sha ka jingpynshitom bymjukut, hynrei kiba hok kin leit sha ka jingim bymjukut.”

MATHAÏOS 3:2

“To phai noh na ki pop jong phi,” u la ong, “naba ka Hima ki bneng ka la jan!”

MATHAÏOS 3:8

To leh ïa kito kiei kiei ki ban pyn-i ba phi la phai noh na ki pop jong phi.

MATHAÏOS 7:14

Hynrei ka khyrdop sha ka jingim ka long kaba khim bad ka lynti kaba ïalam sha ka, ka long kaba eh, bad don khyndiat ki briew kiba shem ïa ka.

LOUKAS 14:33

Ha kajuh ka rukom,” U Jisu u la pynkut, “ym don uno uno na phi uba lah ban long u synran jong nga lymda u iehnoh ïa kiei kiei baroh kiba u don.

LOUKAS 9:33

Katba kita ki rangbah ki dang leit noh na U Jisu, u Petros u la ong ha u, “Ko Kynrad, katno ka long kaba bha ba ngi ïadon hangne! Ngin shna lai tylli ki ïingjaiñ, kawei na ka bynta jong me, kawei na ka bynta u Moses, bad kawei na ka bynta u Elijah.” (Um tip da shisha ïa kaei kaba u kren.)

ÏOANNIS 10:9

Nga, nga long kata ka jingkhang. Uno uno uba rung shapoh da nga un ïoh im; kin ïohrung shapoh bad mih shabar bad shem ïa ka jaka bam phlang.

ÏOANNIS 14:6

U Jisu u la jubab ïa u, “Nga long ka lynti, ka jingshisha, bad ka jingim, ym don uno uno u ba leit sha U Kpa lait na nga.

KI KAM 3:19

Te, to kylla-kaba-mut, bad to phai sha U Blei, khnang ba un map ïa ki pop jong phi.

Ka Shithi U Paul Sha Ki Nong Rom 9:22

Bad kane ka long kumjuh ïa kaei kaba U Blei u la leh. U la kwah ban pynpaw ïa ka jingbitar jong u bad ban pynpaw ïa ka bor jong u. Hynrei u la long uba ïaishah haduh katta katta ïa kito kiba long ka daw jong ka jingbitar jong u, kiba la don ha ka lynti sha ka jingshah pynjot.

2 KORINTH 4:4

Kim shym la ngeit, namar ba ïa ki jingmut jong ki la kah dum da u blei basniew jong kane ka pyrthei. U khang ïa ki ba kin ïohi ïa ka jingshai kaba tyngshaiñ ha ki, ka jingshai kaba mihnoh na kata ka Khubor Babha shaphang ka burom jong U Khrist, uba long ka dur jong U Blei.

2 KORINTH 6:17

Bad kumta U Trai u ong, “Phi dei ban iehnoh ïa ki bad pynïakhlad ïa lade na ki. Wat ïadon bynta bad kaei kaei ka bymkhuid, bad ngan pdiang ïa phi.

GALATIA 5:24

Bad kita kiba long ki jong U Khrist Jisu ki la pynïap ïa ka jinglong ba kynja briew lem ïa ki jingthrew bad ki jingkwah brai jong ka baroh.

PHILIPPI 3:19

Ka jingkut jong ki kan long ha dujok, namar u blei jong ki u long ki jingkwah brai ka doh jong ki. Ki sngewsarong ïa kaei kaba ki dei ban sngewlehrain, bad ki pyrkhat tang ïa kiei kiei kiba long ki jong kane ka pyrthei.

1 ÏOANNIS 5:19

Ngi tip ba ngi long ki jong U Blei, wat la ka pyrthei baroh kawei ka don hapoh ka jingsynshar jong u Basniew.

JINGPYNPAW 12:9

Ïa u Ïakjakor uba heh la bret shabar — ïa uta u bseiñ na mynbarim, ïa uba la khot u Ksuid, lane u Soitan, uta uba la shukor ïa ka pyrthei baroh kawei. La bret arsut ïa u sha ka khyndew, bad ïa ki angel baroh jong u lem bad u.

JINGPYNPAW 13:8

Baroh ki briew kiba shong ha ka pyrthei kin mane ïa u, lait noh ïa kito kiba ïa ki kyrteng jong ki la thoh ha shuwa ka jingpynlong ïa ka pyrthei ha ka kitab jong kiba im kiba dei ki jong uta U Khunlangbrot ïa uba la shah pynïap.

JINGPYNPAW 20:15

Ïa uno uno uba ïa ka kyrteng jong u ym shym la thoh ha ka kitab kiba im la bret sha ka pung ka ding.

JINGPYNPAW 20:3

U angel u la bret ïa u sha ka 'liewlong khlem trai, u la khang tala ïa ka, bad u la pynskhem ïa ka, khnang ba un ym lah ban shukor shuh ïa ki jaitbynriew tad haduh ba ki shihajar snem ki la kut. Hadien kata ïa u dei ban pyllait shipor.