MATHAÏOS 4:17 - Khasi CL Bible (BSI)

¹⁷ Naduh kata ka por U Jisu u la sdang ban ïalap ïa ka khubor jong u: “To phai noh na ki pop jong phi, namar ka hima ki bneng ka la jan!”

KA BAIBL

¹⁷ Naduh kata, U Jisu u la sdang ban ïalap, bad ban ong, “To kylla-ka-bamut; naba ka hima ki bneng ka la jan.”

MATHAÏOS 4:17 Mawu Ofanana

MATHAÏOS 10:7

Khie leit bad ïalap, ‘Ka Hima ki bneng ka la jan!’

MATHAÏOS 11:12

Naduh ka por ba u Ïoannis u la ïalap ïa ka khubor jong u haduh kane ka sngi hi, ka Hima ki bneng ka la shah ïa ka jingleh jubor, bad ki nongleh jubor ki pyrshang ban kurup ïa ka.

MATHAÏOS 13:11

U Jisu u la jubab, “Ïa ka jingtip shaphang kiei kiei kiba rieh jong ka Hima ki Bneng la ai ha phi, hynrei ym ha ki.

MATHAÏOS 13:24

U Jisu u la ïathuh ha ki ïa kawei pat ka pharshi: “Ka Hima ki bneng ka long kumne. U briew u la bet ïa u symbai babha hapoh ka lyngkha jong u.

MATHAÏOS 13:47

“Kumjuh, ka Hima ki bneng ka long kumne. Katto katne ki nongtong dohkha ki bret ïa ka jar jong ki hapoh ka duriaw bad ki ïoh bun jait ki dohkha.

MATHAÏOS 13:9

Bad U Jisu u la pynkut, “To shahshkor, te, lada phi don ki shkor!”

MATHAÏOS 25:1

“Ha kata ka por ka Hima ki bneng kan long kumne. Shisien la don shiphew ngut ki theisotti kiba la rah ïa la ki sharak bad ki la mih ban ïashem ïa u nongleitkurim.

MATHAÏOS 3:2

“To phai noh na ki pop jong phi,” u la ong, “naba ka Hima ki bneng ka la jan!”

MATHAÏOS 6:10

ai ba ka Hima jong me kan wan; ai ba ka mon jong me yn leh ha ka khyndew kumba ka long ha bneng.

MATHAÏOS 9:13

Khie leit bad to wad kaei ka jingmut ha ka Jingthoh Bakhuid kaba ong: ‘Dei ïa ka jingsbun ba nga kwah, ym ki jingkñia ïa ki mrad.’ Ngam shym la wan ban khot ïa ki briew badonburom, hynrei ïa kiba la shah kyntait.”

LOUKAS 15:10

Ha kajuh ka rukom, nga ong ha phi, ki angel jong U Blei ki risa halor uwei u nongpop uba kylla-kaba-mut.”

LOUKAS 15:7

Ha kajuh ka rukom, nga ong ha phi, kan don ka jingkmen kaba kham bun ha bneng halor uwei u nongpop uba kylla-kaba-mut ban ïa ki khyndaiphew khyndai ki briew badonburom ki bymdonkam ban kylla-kaba-mut.

LOUKAS 24:47

bad ha ka kyrteng jong u ïa ka khubor shaphang ka Jingkylla-kaba-mut bad ka jingmap ïa ki pop dei ban ïalap sha ki jaitbynriew baroh, da kaba sdang na Jerusalem.

LOUKAS 3:23

Haba U Jisu u la sdang ïa la ka kam, u la dap kumba laiphew snem ka rta. U la long u khun, kumta ki briew ki la pyrkhat, jong u Joseph, uba long u khun jong u Heli,

LOUKAS 5:32

Ngam shym la wan ban khot ïa ki riewdonburom ban kylla-kaba-mut, hynrei ïa kiba la shah kyntait.”

LOUKAS 9:2

Nangta u la phah ïa ki ban ïalap ïa ka Hima U Blei bad ban pynkhiah ïa kiba pang,

KI KAM 11:18

Haba ki la ïohsngew ïa kane, ki la sangeh ïa ka jingwoh nia jong ki bad ki la ïaroh ïa U Blei, da kaba ong, “Te U Blei u la ai ruh ha ki Jentil ïa la lad ban kylla-kaba-mut bad ban lait im!”

KI KAM 17:30

U Blei u la peit lyndet ïa ki por haba ki briew kim shym la ithuh ïa u, hynrei mynta u hukum ïa ki baroh kylleng sawdong ban phai noh ïa ki lynti bymman jong ki.

KI KAM 2:38

U Petros u la ong ha ki, “Uwei pa uwei na phi u dei ban phai noh na ki pop jong u bad ba yn pynbaptis ha ka kyrteng jong U Jisu Khrist, khnang ba yn map ïa ki pop jong phi, bad phin ïohpdiang ïa U Mynsiem Bakhuid uba long ka jingai jong U Blei.

KI KAM 20:21

Ha ki Jiw bad ki Jentil kumjuh nga la ai ka jingmaham da ka jingsngewkhia ba ki dei ban phai sha U Blei na ki pop jong ki bad ban ngeit ha U Jisu uba U Trai jong ngi.

KI KAM 26:20

Nyngkong ha Damaskos bad ha Jerusalem bad nangta ha ka Judia baroh bad hapdeng ki Jentil, nga la ïalap ba ki dei ban kylla-kaba-mut na ki pop jong ki bad ban phai sha U Blei bad leh ïa kiei kiei ki ban pynpaw ba ki la kylla-kaba-mut.

KI KAM 3:19

Te, to kylla-kaba-mut, bad to phai sha U Blei, khnang ba un map ïa ki pop jong phi.

HEBRU 6:1

Te, to ngin ïaid shaphrang, sha ka jinghikai ïa kiba ïadei bad kiba la san bad ieh shadien jong ngi ïa ki jinghikai banyngkong ka khubor jong ka jingngeit. Ngim dei ban neh sah ha ka nongrim jong ka jingphai noh na ki kam bymseisoh bad ka jingngeit ha U Blei;