MATHAÏOS 26:55 - Khasi CL Bible (BSI)

⁵⁵ Nangta U Jisu u la kren ha u paidbah, “Hato phi donkam ban wan bad ki waitlam bad ki dieng tangon ban kem ïa nga, la kumba nga dei u riewsniew? Man la ka sngi nga la shong bad hikai hapoh ka Templ, bad phim shym la kem ïa nga.

KA BAIBL

⁵⁵ Ha kata ka por, U Jisu u la ong ha kita ki paidbah, “Kumba ïa u nongtuh phi la mih bad ki waitlam bad ki diengduh ban kem ïa nga? Ha la ka sngi bad phi nga ju shong hikai ha ka templ, te phim shym la kem ïa nga.

MATHAÏOS 26:55 Mawu Ofanana

MATHAÏOS 21:23

U Jisu u la wan pat sha ka Templ; bad katba u dang hikai, ki rangbah lyngdoh bad ki tymmen ki san ki la wan sha u bad ki la kylli, “Me don hok aïu ban leh ïa kine kiei kiei? Mano ba ai ha me ïa kane ka hok?”

MATHAÏOS 26:47

U Jisu u dang kren haba u Judas, uwei na ki khat-ar ngut ki synran, u la wan poi. Ryngkat bad u, la don u paidbah babun uba la kieng atiar da ki waitlam bad ki dieng tangon, ïa kiba la phah da ki rangbah lyngdoh bad ki tymmen ki san.

MARKOS 10:1

Nangta, U Jisu u la mihnoh na kata ka jaka, u la leit sha ka probins jong ka Judia, bad u la jam sha shiliang ka wah Jordan. Ki paidbah ki la ïalum biang ha u, bad u la hikai ïa ki, kumba u ju leh.

MARKOS 12:35

Katba U Jisu u dang hikai ha ka Templ, u la kylli ka jingkylli, “Kumno ki nonghikai jong ka Hukum ki ong ba U Messaïah un long uba hiarpateng na u Dabid?

LOUKAS 19:47

Man ka sngi, U Jisu u la hikai ha ka Templ. Ki rangbah lyngdoh, ki nonghikai ka Hukum, bad ki nongïalam jong ki paidbah ki la kwah ban pynïap ïa u,

LOUKAS 20:1

Ha kawei ka sngi mynba U Jisu u don ha ka Templ, u da hikai ïa ki briew bad ïalap ïa ka Khubor Babha; ki rangbah lyngdoh bad ki nonghikai ka Hukum, lem bad ki tymmen ki san, ki la wan bad ong ha u,

LOUKAS 4:20

U Jisu u la kli pat ïa ka kot kli, u la ai pat ïa ka ha u shakri, bad u la shong. Baroh ki briew ha ka synagog ki la peit shlip sha u,

ÏOANNIS 7:14

Hamar kaba shiteng na ka Jingkhawai Niam ka la jan kut U Jisu u la leit sha ka Templ bad u la sdang ban hikai.

ÏOANNIS 7:28

Katba U Jisu u dang hikai ha ka Templ, u la kren ha ka sur kaba jam, “Hato phi ithuh da shisha ïa nga bad tip nangno nga wan? Ngam shym la wan da ka bor jong nga hi. Uta uba la phah ïa nga, pynban, u long uba shisha.

ÏOANNIS 8:2

Dang step phyrngab ha ka sngi kaba bud u la leit phai sha ka Templ. Baroh ki briew ki la ïalum sawdong jong u, bad u la shong bad u la sdang ban hikai ïa ki.

ÏOANNIS 8:20

U Jisu u la kren ïa kane baroh katba u dang hikai ha ka Templ, ha ka kamra ha kaba la buh ïa ki synduk pdiang jingainguh. Bad ym don mano mano ba la kem ïa u, namar ba ka kynta jong u kam pat poi.