MATHAÏOS 26:15 - Khasi CL Bible (BSI)

¹⁵ bad u la kylli, “Phin ai aïu ïa nga lada nga shetkylla ïa U Jisu ha phi?” Ki la ñiew laiphew tylli ki sbai rupa bad ki la ai ïa kita ha u.

KA BAIBL

¹⁵ u la ong, “Phin ai aïu ha nga, ba ngan die noh ïa U ha phi?” Ki la thew te ha u laiphew ki sbai rupa.

MATHAÏOS 26:15 Mawu Ofanana

JENESIS 38:16

U leit sha ka harud jong ka lynti bad u ong, “To ong, katno phi buh dor?” (Um shym tip ba ka dei ka pyrsa kurim jong u.) Ka ong “Phin ai aïu ïa nga?”

EKSODOS 21:32

Lada uta u masi kyrtong u pynïap ïa u mraw, shynrang ne kynthei, uta u trai masi u dei ban siew ïa u kynrad jong uta u mraw laiphew ki sbai rupa, bad ïa uta u masi dei ban lynthem maw.

ISAÏAH 56:11

Ki long kum ki ksew kiba jlawnguid, ki bym ju ïoh bam kdang. Kine nongïalam ruh kim don ka jingshemphang. Uwei pa uwei na ki u leh katba u sngewbit, bad wad ïa la ka jong ka jingmyntoi.

MATHAÏOS 10:4

u Simon u Riew-ieit ri, bad u Judas Iskariot uba la die noh ïa U Jisu.

MATHAÏOS 26:16

Naduh kata u Judas u la khmih ïa ka lad kaba biang ban aiti noh ïa U Jisu ha ki.

KI KAM 1:18

(Da ka pisa kaba u Judas u la ïoh na ka bynta ka kam sniew jong u, u la thied ïa ka lyngkha, ha kaba u la noh ïap ïa lade; u la pait bad ki snier jong u baroh ki la mih shabar.

2 PETROS 2:3

Ha ka jinglalot jong ki, kine ki nonghikai balamler kin kamai da kaba ïathuh ïa phi ïa ki jingïathuhkhana ba shu thaw. La kham slem mynta U Nongbishar jong ki u la long uba la kloi, bad u Nongpynjot jong ki u la long u bym ju ïohthiah!

NONGBISHAR 16:5

Ki san ngut ki syiem Philistia ki leit sha ka bad ki ong, “Khroh ïa u Samson ban ïathuh ha pha balei ba u long uba khlaiñbor bad kumno ngin lah ban jop ïa u, khum ïa u bad pynlong ba un ym lah leh ei ei shuh. Uwei pa uwei na ngi un ai ïa pha mar shihajar shispah tylli ki sbai rupa.”

NONGBISHAR 17:10

U Mikah u ong, “Shong noh bad nga. Long u nongaibuit bad u lyngdoh jong nga, bad ngan ai ïa phi shiphew ki sbai rupa shisnem, ki jaiñ bad ka jingbam ïa phi.”