MATHAÏOS 25:6 - Khasi CL Bible (BSI)

⁶ “Ka la da shiteng synñia haba ka jingpyrta ka la sawa jam, ‘U nongleitkurim u la don hangne! To wan bad ïashem ïa u!’

KA BAIBL

⁶ Hynrei, mynshiteng synñia la long ka jingpyrta, ‘Ha khmih, u wan u nongleit-kurim! to mih ban leit tan ïa u.’

MATHAÏOS 25:6 Mawu Ofanana

SALM 96:13

haba U Trai un wan ban synshar ïa ka pyrthei. Un synshar ïa ki jaitbynriew jong ka pyrthei da ka hok bad ka jinglehhok.

SALM 98:9

namar u wan ban synshar ïa ka pyrthei. Un synshar ïa ki jaitbynriew ka pyrthei da ka hok bad ka jinglehhok.

ISAÏAH 25:9

Haba kane kan jia, baroh kin ong, “U long U Blei jong ngi! Ngi la buh ïa ka jingshaniah jong ngi ha u, bad u la pyllait im ïa ngi. U long U Trai! Ngi la buh ïa ka jingshaniah ha u, bad mynta ngi kmen namar ba u la pynim ïa ngi.”

AMOS 4:12

“Kumta te, ko ki paid Israel, ngan pynshitom ïa phi. Bad namar ba ngan leh ïa kane, to pynkhreh ban mad ïa ka jingbishar jong nga!”

MATHAÏOS 24:31

Ka turoi bakhraw kan sawa, bad un phah ïa ki angel jong u sha ki sawlyer jong ka pyrthei, ban kin lumlang ïa ki briew kiba la jied jong u na kawei ka tduh jong ka pyrthei sha kawei pat.

MATHAÏOS 24:44

Kumta te, phi dei ban long kiba ïai pynkhreh, namar ba U Khun U Briew un wan ha ka kynta kaba phim shym khmih lynti ïa u.

MATHAÏOS 25:1

“Ha kata ka por ka Hima ki bneng kan long kumne. Shisien la don shiphew ngut ki theisotti kiba la rah ïa la ki sharak bad ki la mih ban ïashem ïa u nongleitkurim.

MATHAÏOS 25:31

“Haba U Khun U Briew un wan kum u Syiem bad ki angel baroh lem bad u, un shong halor ka khet syiem jong u,

MATHAÏOS 25:5

U nongleitkurim u la slem ban wan, kumta ki theisotti ki la sdang ban kohnguh samthiah.

MATHAÏOS 25:7

Ki shiphew ngut ki theisotti ki la khie joit bad ki la pynkhreh ïa la ki sharak.

LOUKAS 12:20

Hynrei U Blei u la ong ha u, ‘A me uba bieit! Ha kane hi ka miet men hap ban iehnoh ïa la ka jingim; te mano ban ïoh ïa kine kiei kiei baroh kiba me la buh na ka bynta ïa lade?’ ”

LOUKAS 12:46

nangta u kynrad un wan phai pat ha kawei ka sngi haba u shakri um shym khmih lynti ïa u bad ha ka por kaba um tip. U kynrad un ot lyngkhot lyngkhai ïa u bad un pynlong ïa u ban ïoh bynta ïa ka kupar jong ki bymkohnguh.

1 THESSALONI 4:16

Kan don ka jingpyrta da ka hukum, ka sur jong u angel rangbah, ka jingriew ka turoi jong U Blei, bad U Trai hi da lade un sa wan hiar na bneng. Kito kiba la ïap da kaba ngeit ha U Khrist kin ïamih pat shuwa;

2 PETROS 3:10

Hynrei ka Sngi jong U Trai kan wan kum u nongtuh. Ha kata ka Sngi, ki bneng kin jah noh lem bad ka jingsawa kaba jam, ki metbneng kin ing duh bad yn pynjot, bad ka pyrthei lem bad kiei kiei baroh kiba don ha ka kin jah rngai.

JINGPYNPAW 16:15

“To shahshkor! Nga wan kum u nongtuh! Suk uta uba peitmat bad uba sumar ïa la ki jaiñkup, khnang ba un ym ïaid lyngkhuit kylleng bad shah pynlehrain ha khmat ki briew!”