MATHAÏOS 23:23 - Khasi CL Bible (BSI)

²³ “A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi ai sha U Blei ïa kaba shiphew wat jong ki jhur pynbang jingbam, kum u pudina, u dill, bad u kumin, hynrei phim suidñiew ban kohnguh ïa ki jinghikai badonkam shisha jong ka Hukum, kum ka jinglehhok bad ka jingisynei bad ka jingbeit. Ïa kine phi dei ban leh, khlem da klet ïa kiwei pat.

KA BAIBL

²³ “Kordit ïa phi, ki nongthoh bad ki Pharisi kiba arsap! naba phi ai ïa kaba shiphew na ka pudina, bad na ka dill, bad na ka kummin, bad phi iehnoh te ïa kita kiei kiei kiba kham khia ki jong ka hukum, ïa ka hok, bad ïa ka jingisynei, bad ïa ka jingngeit; ka la dei keiñ ïa phi ban leh ïa kine, bad ban ym iehnoh ïa kita kiwei.

MATHAÏOS 23:23 Mawu Ofanana

PROBERB 21:3

Leh ïa kaei kaba dei bad kaba beit; kaba kham pynsngewbha ïa U Trai ban ïa kaba wallam sha u ïa ki jingkñia.

ISAÏAH 28:25

Shisien ba u la pynkhreh ïa ka khyndew, u bet ïa ki symbai jong ki jingthung kum ïa u dil bad u kumin. U bet ha ki laiñ ïa u kew bad u barli, bad sawdong ha ki rud jong ka, u bet da kiwei pat ki symbai.

JEREMAÏAH 22:3

“Ma nga, U Trai, nga hukum ïa phi ban leh ïa kaei kaba hok bad kaba beit. Ïada ïa u briew uba shah thok na uta uba shukor ïa u. Wat lehbeiñ ne banbeiñ ïa ki nongwei, ki khunswet, ne ki riewkynthei, bad wat pynïap ïa ki briew kiba lui lui ha kane ka jaka kaba khuid.

HOSIA 6:6

Nga kwah ïa ka jingieit baneh jong phi, ym ka jingkñia da ki mrad. Nga kham kwah ba ki briew jong nga kin ithuh ïa nga ban ïa ki jingainguh thang sha nga.

LEBITIKOS 27:30

Kawei na ka shiphew na ka jingmih baroh na ka khyndew, la ka dei u kew ne u soh, ka long ka jong U Trai.

MIKAH 6:8

Em, U Trai u la ïathuh ïa ngi ïa kaei kaba bha. Kaei kaba u dawa na ngi ka long kane: Ban leh ïa kaei kaba hok, ban pyn-i ïa ka jingieit baneh, bad ban im ha ka jingïasyllok basngewrit bad U Blei jong ngi.

MATHAÏOS 12:7

Ka Jingthoh Bakhuid ka ong, ‘Dei ka jingbhasbun kaba nga kwah, ym ïa ka jingkñia ïa ki mrad.’ Lada phi la tip kaei ka jingmut jong kane, phin ym da la pynrem ïa ki briew ki bym shym shah pynrem;

MATHAÏOS 23:13

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi khang ïa ka jingkhang sha ka Hima ki bneng na khmat ki briew, hynrei ma phi da lade hi phim leit rung shapoh, lymne ba phi shah shapoh ïa kito kiba pyrshang ban rung!

MATHAÏOS 9:13

Khie leit bad to wad kaei ka jingmut ha ka Jingthoh Bakhuid kaba ong: ‘Dei ïa ka jingsbun ba nga kwah, ym ki jingkñia ïa ki mrad.’ Ngam shym la wan ban khot ïa ki briew badonburom, hynrei ïa kiba la shah kyntait.”

LOUKAS 11:42

“A katno kaba shyrkhei ïa phi ki Pharisi! Phi ai sha U Blei ïa kawei na ki shiphew jong ki jhur pynbang jingbam, kum u pudina bad u rue bad baroh kiwei pat ki jait jhur, hynrei phi leh klet ïa ka jinglehhok bad ka jingieit ïa U Blei. Ïa kine phi la dei ban leh, khlem da leh klet ïa kiwei pat.

LOUKAS 18:12

Nga shahjingit ar sien shi taïew, bad nga ai ha me kawei na ki shiphew jong ki jingïoh jong nga baroh.’

1 SAMUEL 15:22

Te u Samuel u ong, “Kaei kaba U Trai u kham sngewbha: ka jingkohnguh ne ki jingainguh bad ki jingkñia? Ka kham bha ban kohnguh ïa u ban ïa kaba kñia ha u ïa ka langbrot kaba kynsai tam.