MATHAÏOS 2:11 - Khasi CL Bible (BSI)

¹¹ Ki la leit rung shapoh ka ïing, bad haba ki la ïohi ïa u khunlung lem bad ka kmie jong u ka Mari, ki la dem khohsiew bad ki la mane ïa u. Ki la sei ïa ki jingai sngewbha jong ki da ka ksiar, ka jingiwbih bad ka Mirr, bad ki la ai ïa ki ha u.

KA BAIBL

¹¹ Haba ki la ïawan ruh ha ka ïing, ki la ïohi ïa uta u khunlung lem bad ka Mari ka kmie jong u; haba ki la ïadem ki la ïamane ruh ïa u; bad haba ki la ïalaw ïa ki jingsong jong ki, ki la ïatyrwa ai ki jingai ha u, ïa ka ksiar, bad ïa ka jingiwbih, bad ïa ka mirr de.

MATHAÏOS 2:11 Mawu Ofanana

JENESIS 43:11

U Jakob u ong ha ki, “Lada kumta te, to leit rah ïa ki jingmih kiba kynsai tam jong kane ka ri ha ki byrni jong phi kum ka jingai sngewbha ïa uta u lat: khyndiat ka jingiwbih, khyndiat ka ngap, ki musli musla, ka mirr, ki jait soh-ot, bad ki almond.

1 SYIEM 10:10

Ka la ai sngewbha ïa u syiem Solomon da ki jingai kiba ka la wanrah palat saw hajar kilo ka ksiar bad shikatdei eh ki jingiwbih bad ki mawlynnai. Kat kita ki jingiwbih ba ka ai ïa u ka long kaba bun tam ba um pat ju ïoh ha kano kano ka por.

1 SYIEM 10:2

Ka wan ïalam shibun ki nongbud lem bad ki ut kiba kit ki jingiwbih, ki mawlynnai, bad shibun ka ksiar. Ynda ka ïakynduh ïa u Solomon, ka kylli ïa u ïa ki jingkylli baroh kat kiba ka lah ban pyrkhat.

SALM 2:12

to khynñiuh bad to nguh dem ïa u, lym kumta ïa ka jingbitar jong u yn pynkhie kynsan, bad phin ïap kyndit. Suk kita baroh kiba leit sha u ban ïoh ka jingïada.

SALM 45:8

Ki jaiñphong jong me ki iw da ka jingiwbih jong ka mirr bad ka alos; ki nongput nongtem ki pynsngewtynnat ïa me ha ki ïingsyiem ba la pyniphuh iphieng da ki bniat hati.

SALM 72:10

Ki syiem jong ka Spain bad jong ki dewlynnong kin tyrwa ha u ki jingai sngewbha; ki syiem jong ka Sheba bad Seba kin wanrah ha u ki jingainguh.

SALM 72:15

To u syiem un im slem! Ai ba yn ai ha u ïa ka ksiar na Arabia; ai ba yn pynlong jingduwai na ka bynta jong u ha ki por baroh; ai ba ki jingkyrkhu jong U Blei kin long halor jong u borabor!

SALM 95:6

Ale, to ngin ïadem ngon bad mane ïa u; to ngin ïadem khohsiew ha khmat U Trai, U Nongthaw jong ngi!

EKSODOS 30:23

“Shim ïa ki jingiwbih musla kiba kynsai tam — hynriew kilo ka mirr ba la pynum, lai kilo ka siasia kaba sma iwbih, lai kilo ka um pai kaba iwbih,

EKSODOS 30:34

U Trai u ong ha u Moses, “Shim mar katjuh na kine ki jingiwbih suhsieng — ka stakte, ka onikha, ka galbanum, bad ka jingiwbih basngur.

JINGRWAI SOLOMON 3:6

Kaei kane kaba wan na ri shyiap kum u rishot tdem, kaba iw da ka jingiwbih bad ka mirr, ka jingiwbih ba la die da ki nongkhaïi?

ISAÏAH 60:6

Ki kynhun bah ki ut kin wan, na Midian bad na Ephah. Kin wan na Sheba, kin wanrah ïa ka ksiar bad ka jingiwbih. Ki briew kin ïathuh ïa ka khubor kaba bha ïa kaei kaba U Trai u la leh!

LEBITIKOS 6:15

Nangta un shim shi kham u 'purew bad ka umphniang, bad ïa ka jingiwbih halor jong ka, bad un thang ha ka duwan kum ka dak ba ïa kata baroh la kñia ainguh ha U Trai. Ka jingiw na kane ka jingainguh ka long kaba pynsngewbha ïa U Trai.

MALAKHI 1:11

Ki briew na kawei ka kut jong ka pyrthei sha kawei pat ki burom ïa nga. Ha man ki jaka ki thang jingiwbih sha nga bad ki ai ïa ki jingkñia ba pdiang hun. Baroh na ki, ki burom ïa nga!

MATHAÏOS 1:18

Kane ka long kumno ka jingkha ïa U Jisu Khrist ka la jia. Ka kmie jong u ka Mari ka la ïatehktien bad u Joseph, hynrei ha shuwa ba kin ïashongkurim, la shem ïa ka ba ka la punkhun na U Mynsiem Bakhuid.

MATHAÏOS 12:46

U Jisu u dang kren ha ki briew mynba ka kmie bad ki para shynrang jong u ki la wan poi. Ki la ïeng shabar, ki da kyrpad ban ïoh kren ïa u.

MATHAÏOS 14:33

Nangta ki synran hapoh ka lieng ki la mane ïa U Jisu. “Da shisha me long U Khun U Blei!” ki la pynbna.

MATHAÏOS 2:2

“Hangno u don u khunlung uba la kha ban long u syiem jong ki Jiw? Ngi la ïohi ïa u khlur jong u mynba u la mih ha ka phang mihngi, bad ngi la wan ban mane ïa u.”

LOUKAS 2:16

Kumta ki la leit kloi bad ki la shem ïa ka Mari bad u Joseph bad ki la ïohi ïa u khunlung uba thiah ha ka shyngoid.

LOUKAS 2:38

Ha kata ka kynta hi, ka la wan poi bad ka la ainguh ïa U Blei bad ka la kren shaphang u khunlung ha baroh kiba ap ïa U Blei ban pyllaitluid ïa ka Jerusalem.

ÏOANNIS 19:39

U Nikodemos, uba ha kaba nyngkong u la leit ban ïakynduh ïa U Jisu mynmiet, u la leit ryngkat bad u Joseph, u da rah bad u kumba laiphew kilo ki musla, ka jingkhleh lang jong ka mirr bad ka alos.

JINGPYNPAW 19:10

Nga la dem khrup ha ki kjat jong u ban mane ïa u, hynrei u la ong ha nga, “Wat leh kumne! Nga long u para shakri bad me bad kita ki parabangeit jong me, kito baroh kiba bat ïa ka jingshisha kaba U Jisu u la pynpaw. To mane ïa U Blei!” Naba ka jingshisha kaba U Jisu u la pynpaw ka long kata kaba pyrsad mynsiem ïa ki nongïathuhlypa.

JINGPYNPAW 5:8

Katba u dang leh kumta, kita ki saw tylli ki jingthaw ba-im bad ki arphew saw ngut ki nongsharai balang ki la dem khrup ha khmat U Khunlangbrot. Uwei pa uwei u la don ka duitara bad ki pliang ksiar ba la pyndap da ka jingiwbih, kiba long ki jingduwai jong ki briew jong U Blei.

1 SAMUEL 10:27

Hynrei don ki riewkai kiba ong, “Kumno da kum une u briew u lah ban lehbha ïa ngi?” Ki ibeiñ ïa u Saul bad kim shym wanrah ïa u kano kano ka jingai sngewbha.