MATHAÏOS 13:32 - Khasi CL Bible (BSI)

³² U long u symbai uba rit tam na ki symbai baroh, hynrei haba u la san, u long u jingthung uba heh tam na baroh ki jingthung. U kylla long u dieng, ba kumta ki sim ki wan bad thaw ïa ki skum jong ki ha ki tnat jong u.”

KA BAIBL

³² uba long kham rit shisha ïa ki symbai baroh, hynrei, ynda u la san u long kham khraw ïa ki jhur bad u long dieng, katba ki sim bneng ki wan bad ki shongtngen ha ki tnat jong u.”

MATHAÏOS 13:32 Mawu Ofanana

SALM 104:12

Halor ki dieng ba don hajan, ki sim ki thaw ïa ki skum jong ki bad ki rwai.

ESEKIEL 31:6

Baroh ki jait sim ki thaw skum ha ki tnat jong u; ki mradkhlaw ki kha ïa la ki khun ha ki jingkah jong u; ki jaitbynriew ka pyrthei ki shong jahthait hapoh ka syrngiew jong u.

DANIEL 4:12

Ki sla jong u ki long kiba itynnat, bad la pynshlei ïa u da ki soh — kiba kyrhai na ka bynta ka pyrthei baroh kawei ban bam. Ki mradkhlaw ki pynjahthait ha ka syrngiew jong u, ki sim ki shna ïa ki skum ha ki tnat jong u, bad baroh ki jait jingthaw ba-im ki la bam ïa u soh jong u.

SEKHARAÏAH 4:10

Ki la noh mynsiem namar ka jingsuki jong ka jingïaid ka kam. Hynrei kin ïohi ba u Serubbabel u dang ïai tei ïa ka Templ, bad kin long kiba kmen.” U angel u la ong ha nga, “Ki hynñiew tylli ki sharak ki long ki hynñiew tylli ki khmat jong U Trai kiba khmih halor ka pyrthei baroh.”

MARKOS 4:30

“Kaei ngin ong, ka Hima U Blei ka long kaba kumno?” U Jisu u kylli. “Ka pharshi kaba kumno ngin pyndonkam ban batai ïa ka?

MARKOS 4:32

Hadien katto katne por u san bad u long uba heh tam na ki jingthung baroh. U pynmih ki tnat kiba heh haduh ba ki sim ki wan bad thaw skum ha ka jingkah syrngiew jong u.”

LOUKAS 13:18

U Jisu u la kylli, “Ka Hima U Blei ka long kum kaei? Bad kaei ngan ïanujor ïa ka?

KI KAM 1:15

Hadien khyndiat sngi, ka la don ka jingïalang jong ki riewngeit, kumba shispah arphew ngut baroh, bad u Petros u la ïeng ban kren.

KI KAM 21:20

Hadien ba la ïohsngew ïa u, ki baroh ki la ïaroh ïa U Blei. Nangta ki la ong, “Ko Paul, phi lah ban ïohi katno hajar ngut ki Jiw ki la kylla long ki parabangeit, bad katno ma ki baroh ki bat pyrkhing ïa ka Hukum.

JINGPYNPAW 11:15

Nangta u angel uba hynñiew u la put ïa la ka turoi, bad la don ki sur kiba jam ha bneng, kiba ong, “Ka bor ban synshar halor ka pyrthei ka long mynta ka jong U Trai jong ngi bad jong U Messaïah jong u, bad un synshar junom la junom!”