MATHAÏOS 1:2 - Khasi CL Bible (BSI)

^2-6 Naduh u Abraham haduh u syiem Dabid, ïa kine harum ki kpa tymmen la thoh kyrteng: U Abraham, u Isaak, u Jakob, u Judah bad ki para shynrang jong u; nangta u Peres bad u Serah (ka kmie jong ki ka dei ka Tamar), u Hesron, u Ram, u Amminadab, u Nahshon, u Salmon, u Boas (ka kmie jong u ka dei ka Rahab), u Obed (ka kmie jong u ka dei ka Ruth), u Jesse, bad u syiem Dabid. Na u Dabid haduh ka por ha kaba ïa ki paid Israel la ringmraw sha Babilon, ïa kine harum ki kpa tymmen la thoh kyrteng:

KA BAIBL

² U Abraham u la pynkha ïa u Isaak; bad u Isaak u la pynkha ïa u Jakob; bad u Jakob u la pynkha ïa u Juda bad ïa ki para jong u;

MATHAÏOS 1:2 Mawu Ofanana

JENESIS 25:19

Kane ka dei ka khana shaphang u Isaak u khun jong u Abraham.

JENESIS 25:26

Ïa uba ar la kha da kaba u batskhem triang ïa ka khongdong'jat jong u Iso; kumta la khot kyrteng ïa u, u Jakob. U Isaak u la dap hynriewphew snem ka rta mynba la kha ïa ki.

1 KHRONIKL 1:28

U Abraham u don ar ngut ki khun shynrang, u Isaak bad u Ishmael.

1 KHRONIKL 1:34

U Isaak u khun jong u Abraham u don ar ngut ki khun shynrang: u Iso bad u Jakob.

ISAÏAH 41:8

“Hynrei me, ko Israel u shakri jong nga, me long u paidlang ba nga la jied, ki khun ki ksiew u Abraham, u paralok jong nga.

ISAÏAH 51:2

Puson halor u kpa tymmen jong phi, u Abraham, bad ka Sarah, na kiba phi hiarpateng. Mynba nga la khot ïa u Abraham, u la long uba khlem khun, hynrei nga la kyrkhu ïa u bad nga la ai ki khun ïa u; Nga la pynroi ïa ki khun ki ksiew jong u.

MATHAÏOS 1:1

Kane ka dei ka thup kyrteng jong ki kpa tymmen U Jisu Khrist, uba hiarpateng na u Dabid, uba long uba hiarpateng na u Abraham.

KI KAM 7:8

Nangta U Blei u la ai ha u Abraham ïa ka jinglehniam ka jingotsher kum ka dak jong ka jutang. Kumta u Abraham u la otsher ïa u Isaak hadien shi taïew naduh ba la kha ïa u; u Isaak u la otsher ïa u Jakob u khun jong u bad u Jakob u la otsher ïa ki khat-ar ngut ki khun shynrang jong u, ki kpa tymmen kiba pawnam jong ka jaitbynriew jong ngi.

HEBRU 11:11

Dei ka jingngeit kaba la pynlong ïa u Abraham ban ïoh long u kpa, wat haba u la tymmen bha bad ka Sarah hi kam lah ban ïoh khun. U la shaniah ba U Blei un bat ïa la ka kular.

HEBRU 7:14

Ka long kaba la tip bha ba ïa u la kha kum u dkhot jong ka jait Judah; bad u Moses um shym kdew ïa kane ka jait haba u la kren shaphang ki lyngdoh.

JINGPYNPAW 7:5

Ki la long na ki khat-ar jait ki Israel, khat-ar hajar ngut na kawei kawei ka jait: ka jait Judah, ka jait Reuben, ka jait Gad, ka jait Asher, ka jait Naphtali, ka jait Manasseh, ka jait Simeon, ka jait Lebi, ka jait Issakhar, ka jait Sebulun, ka jait Joseph, bad ka jait Benjamin.