MATHAÏOS 1:1 - Khasi CL Bible (BSI)

¹ Kane ka dei ka thup kyrteng jong ki kpa tymmen U Jisu Khrist, uba hiarpateng na u Dabid, uba long uba hiarpateng na u Abraham.

KA BAIBL

¹ Ka kitab ka jingkha ïa U Jisu Khrist, uba u khun u Dabid, uba u khun u Abraham.

MATHAÏOS 1:1 Mawu Ofanana

JENESIS 12:3

“Ngan kyrkhu ïa kito kiba kyrkhu ïa me, Hynrei ngan tim ïa kito kiba tim ïa me. Bad da me ngan kyrkhu ïa ki jaitbynriew baroh.”

JENESIS 2:4

Bad kata ka long kumno ba la pynlong ïa ka pyrthei. Mynba U Trai U Blei u la thaw ïa ka pyrthei,

JENESIS 22:18

Ki jaitbynriew baroh kin sa kyrpad ïa nga ban kyrkhu ïa ki kumba nga la kyrkhu ïa ki khun ki ksiew jong me — baroh namar ba me la kohnguh ïa ka hukum jong nga.”

JENESIS 5:1

Kane ka dei ka thup kyrteng jong ki khun ki ksiew u Adam. (Mynba U Blei U la thaw ïa ki briew, u la thaw ïa ki ha ka dur jong U hi.

SALM 132:11

Me la pynlong ïa ka jingkular bakyntang ha u Dabid — ka jingkular kaba men ym shim pat: “Ngan pynlong syiem ïa uwei na ki khun shynrang jong me, bad un synshar hadien jong me.

SALM 89:3

Me la ong, “Nga la pynlong ka jutang bad u briew uba nga la jied, nga la kular ha u Dabid u shakri jong nga,

SALM 89:36

Un ïai don ki nonghiarpateng, bad ngan ap phira ïa ka hima jong u. Katba ka sngi ka dang tyngshaiñ

ISAÏAH 11:1

Ka pateng longsyiem jong u Dabid ka long kum u dieng ba la khet; hynrei kumba ki tnat bathymmai ki khie lung na ka dyngkhong, kumta u syiem bathymmai un mih napdeng ki khun ki ksiew jong u Dabid.

ISAÏAH 53:8

La kem ïa u bad la bishar bad ïalam noh ban shah pynïap, bad ym don ba salia ïa kaei ka ban jia ïa u. La pynïap ïa u na ka bynta ki pop jong ki briew jong ngi.

JEREMAÏAH 23:5

U Trai u ong, “Ka por kan wan haba ngan jied kum u syiem ïa uba hiarpateng na u Dabid uba hok. Uta syiem u ban synshar da ka jingstad, bad u ban leh ïa kaei kaba dei bad kaba hok ha kylleng ka ri.

JEREMAÏAH 33:26

Bad kumba, shisha, nga la leh ïa kane, kumta ngan pynneh ïa la ka jutang bad ki khun ki ksiew u Jakob bad u shakri jong nga u Dabid. Ngan jied ïa uwei na ki nonghiarpateng u Dabid ban synshar halor ki khun ki ksiew u Abraham, u Isaak, bad u Jakob. Ngan isynei ïa ki briew jong nga bad pynlong ïa ki ban roi kyrhai pat.”

AMOS 9:11

U Trai u ong, “Ka sngi ka la poi haba ngan pynïeng pat ïa ka hima u Dabid kaba long kum ka ïing kaba la khyllem ha ki jingjot. Ngan shna pynbha ïa ki kynroh jong ka bad ngan pynïeng pat ïa ka. Ngan tei pat ïa ka bad ngan pynlong ïa ka kumba ka la ju long mynshuwa.

SEKHARAÏAH 12:8

Ha kata ka por U Trai un ïada ïa kito kiba shong basah ha Jerusalem, bad wat kiba tlot tam napdeng jong ki kin long kiba khlaiñ kumba long u Dabid. Ki khun ki ksiew jong u Dabid kin ïalam ïa ki kum u angel jong U Trai, kum U Blei hi da lade.

MATHAÏOS 1:18

Kane ka long kumno ka jingkha ïa U Jisu Khrist ka la jia. Ka kmie jong u ka Mari ka la ïatehktien bad u Joseph, hynrei ha shuwa ba kin ïashongkurim, la shem ïa ka ba ka la punkhun na U Mynsiem Bakhuid.

MATHAÏOS 1:2

Naduh u Abraham haduh u syiem Dabid, ïa kine harum ki kpa tymmen la thoh kyrteng: U Abraham, u Isaak, u Jakob, u Judah bad ki para shynrang jong u; nangta u Peres bad u Serah (ka kmie jong ki ka dei ka Tamar), u Hesron, u Ram, u Amminadab, u Nahshon, u Salmon, u Boas (ka kmie jong u ka dei ka Rahab), u Obed (ka kmie jong u ka dei ka Ruth), u Jesse, bad u syiem Dabid. Na u Dabid haduh ka por ha kaba ïa ki paid Israel la ringmraw sha Babilon, ïa kine harum ki kpa tymmen la thoh kyrteng:

MATHAÏOS 15:22

Ka kynthei nong Kanaan kaba shong ba sah ha kata ka thain ka la wan sha u. “Ko khun u Dabid!” ka la pyrta jam. “To isynei ïa nga, ko Kynrad! Ka khun jong nga ka don u ksuid bad ka don ha ka jinglong bashyrkhei.”

MATHAÏOS 3:16

Hadien ba U Jisu u la shah pynbaptis, u la wan kiew noh na ka um. Nangta ïa ka bneng la plie ha u, bad u la ïohi ïa U Mynsiem jong U Blei uba wan hiar kum ka paro bad ka da wan shong halor jong u.

MATHAÏOS 9:27

U Jisu u la mihnoh na kata ka jaka, bad katba u dang ïaid, ar ngut ki rangbah kiba matlah ki la sdang ban bud ïa u. “To isynei ïa ngi, ko khun u Dabid!” ki la pyrta.

LOUKAS 1:33

bad un long u syiem jong ki khun ki ksiew u Jakob junom; ka hima jong u kan ym kut shuh da lei lei!”

ÏOANNIS 7:42

Ka Jingthoh Bakhuid ka ong ba U Messaïah un long uba hiarpateng na u Syiem Dabid bad yn kha ïa u ha Bethlehem, ka shnong ha kaba u Dabid u la im.”

KI KAM 2:30

U la long u nongïathuhlypa, bad u la tip aïu U Blei u la kular ïa u: U Blei u la pynlong ka jingsmai ba un pynlong syiem ïa uwei na ki khun ki ksiew jong u Dabid, kumba u Dabid u la long.

Ka Shithi U Paul Sha Ki Nong Rom 1:3

Ka dei shaphang U Khun jong u, U Jisu Khrist uba U Trai jong ngi: Shaphang ka jinglongbriew jong u, ïa u la kha uba hiarpateng na u Dabid;

Ka Shithi U Paul Sha Ki Nong Rom 4:13

Mynba U Blei u la kular ïa u Abraham bad kiba hiarpateng na u ba ka pyrthei kan long ka jong u, u la leh kumta, ym namar ba U Abraham u la kohnguh ïa ka Hukum, hynrei namar u la ngeit bad la ñiew ïa u, uba hok da U Blei.

Ka Shithi U Paul Sha Ki Nong Rom 9:5

ki hiarpateng na ki kpa tymmen Hebru bapawnam; bad U Khrist, kum u briew, u long na ka jaitbynriew jong ki. To ai ba yn ïaroh junom ïa U Blei uba synshar halor baroh! Amen.

GALATIA 3:16

Mynta, U Blei u la pynlong ïa ki jingkular jong u ha u Abraham bad ha u nonghiarpateng jong u. Ka Jingthoh Bakhuid kam shym pyndonkam da ki kyntien “ki nonghiarpateng,” kaba thew shibun ki briew, hynrei ka pyndonkam da ka kyntien “u nonghiarpateng,” kaba mut tang uwei u briew, kaba mut U Khrist.

1 TIMOTHI 2:5

Naba don tang uwei U Blei, bad don uwei uba pynwan lang ïa U Blei bad ïa u khunbynriew, U Khrist Jisu uba long ruh u briew, uba la aiti ïa lade ban siewspah ïa ki briew baroh.

2 TIMOTHI 2:8

To kynmaw ïa U Jisu Khrist, uba la mihpat na ka jingïap, uba la hiarpateng na u Dabid, kumba la hikai ha ka Khubor Babha kaba nga ïalap.

JINGPYNPAW 22:16

“Nga, U Jisu, nga la phah ïa u angel jong nga ban pynbna ïa kine kiei kiei ha phi ha ki balang. Nga la hiarpateng na ka longïing jong u Dabid; nga long u khlur step uba phyrnai.”