MARKOS 9:25 - Khasi CL Bible (BSI)

²⁵ U Jisu u la ïohi ba u paidbah u la nang kyntur ïa ki, kumta u la hukum ïa u mynsiem bymkhuid. “Mynsiem bakyllut bad bymnang kren,” u la ong, “Nga hukum ïa me ban mihnoh na u khynnah bad wat ju rung shuh hapoh jong u!”

KA BAIBL

²⁵ Te haba U Jisu u la ïohi ba u paidbah u ïaphet lang sha U, U la sneng ïa uta u mynsiem bymkhuid, U da ong ha u, “Ko mynsiem bymnangkren bad bakyllut, nga hukum ïa me, ‘To mih noh na u, wat leit bsut shuh ruh ha u.’ ”

MARKOS 9:25 Mawu Ofanana

SEKHARAÏAH 3:2

U angel jong U Trai u la ong ha u Soitan, “To U Trai un pynrem ïa me, ko Soitan! To U Trai, uba ieit ïa ka Jerusalem, un pynrem ïa me. Une u briew u long kum u dieng ïa uba la sei noh na ka ding.”

MATHAÏOS 12:22

Nangta katto katne ngut ki briew ki la wallam sha U Jisu ïa u briew uba la matlah bad u bymnang kren namar u la shongksuid. U Jisu u la pynkhiah ïa u briew, ba kumta u la lah ban kren bad ïohi.

MATHAÏOS 17:18

U Jisu u la hukum ïa u ksuid, bad u la mihnoh shabar jong u khynnah, bad ha kata ka khyllipmat la pynkhiah ïa u.

MARKOS 9:15

Haba ki briew ki la ïohi ïa U Jisu, ki la sngewlyngngoh shikatdei eh, bad ki la wan mareh sha u ban khublei ïa u.

MARKOS 9:24

U kpa mar kumta hi u la pyrta, “Nga don ka jingngeit, hynrei kam da biang. To ïarap ïa nga ba ngan don shuh shuh!”

MARKOS 9:26

U mynsiem bymkhuid u la lynñiar, u la pynring kyrthat jur ïa u khynnah, bad u la mihnoh. U khynnah u la i kum uba ïap, bad baroh ki la ïa-ong, “U la ïap!”

LOUKAS 11:14

U Jisu u dang beh noh ïa u ksuid u bym lah ban kren; bad haba u ksuid u la mihnoh, uta u briew u la sdang ban kren. Ki paidbah ki la sngewlyngngoh,

LOUKAS 4:35

U Jisu u la hukum ïa u mynsiem, “Sngap jar bad mihnoh na une u briew!” U mynsiem bymkhuid u la bret ïa uta u briew sha madan ha khmat jong ki, bad u la mihnoh na u, khlem pynmynsaw ei ei ïa u.

LOUKAS 4:41

Ki ksuid ruh ki la mihnoh na kiba bun ki briew, ki da lynñiar, “Me long U Khun jong U Blei!” U Jisu u la hukum ïa ki ksuid bad um shah ïa ki ban kren, namar ba ki la ithuh ba u la long U Messaïah.

LOUKAS 8:29

U la ong ïa kane namar U Jisu u la lah hukum ïa u mynsiem bymman ban mihnoh na u. Bunsien u la lympat ïa u, wat haba la set khop ïa u, ïa ki kti bad ki kjat jong u la teh da ki kynjri, u ju pyndkut ïa ki kynjri bad shah ïalam ha u ksuid sha ka ri shyiap.

LOUKAS 9:42

Katba uta u khynnah u dang wan, u mynsiem bymman u la shoh pynkyllon ïa u sha madan bad u la bret ïa u ha ka jingkhie ring. U Jisu u la ai hukum ïa u mynsiem bymman, U la pynkhiah ïa uta u khynnah, bad U la ai pat ïa u ha u kpa jong u.

KI KAM 16:18

Ka la leh ïa kane bun sngi, haduh ba u Paul u la sngew salia eh ba u la phai sawdong bad u la ong ha uta u mynsiem bymman, “Ha ka kyrteng jong U Jisu Khrist nga hukum ïa me ban mihnoh na ka!” Uta u mynsiem bymman u la mihnoh na ka ha kata hi ka khyllipmat.

JUDAH 1:9

Wat u Mikhael, u angel rangbah um shym la leh ïa kane. Ha ka jingïakajia jong u bad u Soitan, mynba ki la ïania shaphang uei u ban ïoh ïa ka met u Moses, u Mikhael um shym nud ban pynrem ïa u Soitan da ki ktien ban krenbeiñ, hynrei u la ong, “U Trai un da sneng ïa me!”