MARKOS 9:18 - Khasi CL Bible (BSI)

¹⁸ Haba u mynsiem u tur ïaleh ïa u, u bret ïa u sha madan, bad u sei tyrtho ha ka shyntur, u kyr-iat ki bniat, bad u eh tnen baroh shi rynïeng. Nga la ong ïa ki synran jong me ban beh noh ïa u mynsiem bymkhuid, hynrei kim shym la lah.”

KA BAIBL

¹⁸ shaei shaei ruh ba u lap ïa u, u lympat ïa u, te u sei tyrtho, bad u kyr-iat ïa la ki bniat, bad u nangswai ruh: nga la ong te ha ki synran jong me ba kin beh noh ïa u, te kim lah satia.”

MARKOS 9:18 Mawu Ofanana

Ka Kitab U Job 16:9

Ha ka jingbitar U Blei u la pyndkut ïa ki kti ki kjat jong nga; u peit ïa nga da ka jingisih.

SALM 112:10

Ki bymman ki ïohi ïa kane bad ki bitar; u peit bitar ha ka jingisih bad ki jah noh; ka jingkyrmen jong ki ka duh noh junom.

MATHAÏOS 15:22

Ka kynthei nong Kanaan kaba shong ba sah ha kata ka thain ka la wan sha u. “Ko khun u Dabid!” ka la pyrta jam. “To isynei ïa nga, ko Kynrad! Ka khun jong nga ka don u ksuid bad ka don ha ka jinglong bashyrkhei.”

MATHAÏOS 17:16

Nga la wallam ïa u ha ki synran jong me, hynrei kim lah ban pynkhiah ïa u.”

MATHAÏOS 8:12

Hynrei ïa kito kiba dei ban don hapoh ka Hima yn bret noh sha ka jingdum, ha kaba kin lynñiar bad kyr-iat la ki bniat.”

MARKOS 11:23

Nga ong skhem ha phi ba uno uno uba ong ha une u lum ban ïeng bad pynnoh ïa lade sha ka duriaw bad u bym don jingartatien ha ka dohnud jong u, hynrei ba u da ngeit ïa kaei kaba u ong kan long, yn leh na ka bynta jong u.

MARKOS 9:17

Uwei u briew hapdeng u paidbah u la jubab, “Ko Nonghikai, nga la wallam ïa u khun jong nga sha me, namar u don u mynsiem bymkhuid ha u bad um nang kren.

MARKOS 9:19

U Jisu u la ong ïa ki, “Haduh katno phi long ki briew ki bymngeit! Haduh katno ngan don bad phi? Haduh katno ngan ïaishah bad phi? Wallam ïa u khynnah ha nga!”

MARKOS 9:20

Ki la wallam ïa u ha U Jisu. Tang shu ïohi ïa U Jisu, u mynsiem bymkhuid u la pynring kyrthat ïa uta u khynnah, haduh ba u la kyllon ha madan bad u la tyllun, u da sei tyrtho ha ka shyntur,

MARKOS 9:26

U mynsiem bymkhuid u la lynñiar, u la pynring kyrthat jur ïa u khynnah, bad u la mihnoh. U khynnah u la i kum uba ïap, bad baroh ki la ïa-ong, “U la ïap!”

KI KAM 7:54

Katba ki dkhot jong ka Dorbar ki pynshahshkor ïa u Stephan, ki la bitar shla bad ki la kyr-iat bniat ïa u ha ka jingbitar.

JUDAH 1:13

Ki long kum ki jingat phyllung ba khih phaloh jong ka duriaw, da ki jingleh bakhlemrain jong ki, ki pynpaw kum ki sboh sabon. Ki long kum ki khlur ba ïaid sakma, ïa kiba U Blei u la buh lypa ïa ka jaka kaba dum tliw tliw junom.