MARKOS 8:17 - Khasi CL Bible (BSI)

¹⁷ U Jisu u la tip ïa kaei kaba ki dang ïakren, kumta u la kylli ïa ki, “Balei phi ïakren shaphang ka jingbymdon kpu? Hato phim pat tip lane sngewthuh? Hato ki jingmut jong phi ki dang dum?

KA BAIBL

¹⁷ Haba U Jisu te u la tip, u ong ha ki, “Balei phi ïakren naba phim don kpu? phim pat puson, lymne sngewthuh? phi dang don ka dohnud jong phi kaba eh?

MARKOS 8:17 Mawu Ofanana

ISAÏAH 63:17

Balei me shah ba ngin sakma na ki lynti jong me? Balei ba me pynlong mutlop ïa ngi ba ngin phai lyndet na me? To wan phai noh, na ka bynta kito kiba shakri ïa me, na ka bynta u paidlang uba la ju long u jong me.

MATHAÏOS 12:15

Haba U Jisu u la ïohsngew shaphang ka jingïasylla pyrshah ïa u, u la leit noh na kata ka jaka, bad bun ki briew ki la bud ïa u. U la pynkhiah ïa kito baroh kiba pang

MATHAÏOS 15:17

Hato phim shemphang? Kano kano kaba rung shapoh ka shyntur jong u briew ka leit shapoh ka kpoh jong u bad nangta pat shabar na ka met jong u.

MATHAÏOS 16:7

Ki la sdang ban ïakren para ma ki hi, “U ong ïa kane namar ngim shym la wanrah jingbam ei ei.”

MARKOS 16:14

Khatduh eh, U Jisu u la mihpaw ha ki khatwei ngut ki synran katba ki dang ïabam. U la kren tyngeh ïa ki, namar kim shym la don jingngeit bad namar ka jingmutlop palat ïa ka ban ngeit ïa kito kiba la lah ïohi ïa u ba u im.

MARKOS 2:8

Mar kumta hi U Jisu u la tip ïa kaei kaba ki dang ïa-pyrkhat, kumta u la ong ha ki. “Balei ba phi ïa-pyrkhat kum ïa kita kiei kiei?

MARKOS 3:5

U Jisu u la bitar katba u la peit sawdong ïa ki, hynrei ha ka kajuh ka por u la sngewsih na ka bynta jong ki, namar ba ki eh mynsiem bad leh bymdei. Te u la ong ha uta u briew, “Rah ïa la ka kti.” U la rah ïa ka, bad ka la khiah bha pat.

MARKOS 6:52

namar kim pat shym la sngewthuh ïa ka jingmut bashisha jong ka jingbsa ïa ki san hajar ngut; ki jingmut jong ki kim lah ban ïohkem ïa kata.

MARKOS 8:16

Ki la ïasdang ban ïakren para ma ki: “U ong ïa kane namar ngim don kpu.”

LOUKAS 24:25

Nangta U Jisu u la ong ha ki, “Katno kiba bieit phi long, katno phi long kiba suki ban ngeit ïa kaei kaei baroh kaba ki nongïathuhlypa ki la ong!

ÏOANNIS 16:30

Ngi tip mynta ba me tip ïa kiei kiei baroh; mem da donkam ba uno uno un kylli jingkylli ïa me. Kane ka pynlong ïa ngi ban ngeit ba me la wan na U Blei.”

ÏOANNIS 21:17

Ha ka sien kaba lai U Jisu u la ong, “Ko Simon, u khun jong u Jona, me ieit ïa nga?” U Petros u la sngewsih namar ba U Jisu u la kylli ïa u ha ka sien kaba lai, “Me ieit ïa nga?” kumta u la ong ha u, “Ko Trai, me tip ïa kiei kiei baroh; me tip ba nga ieit ïa me!” U Jisu u la ong ha u, “To sumar ïa ki langbrot jong nga.

JINGPYNPAW 2:23

Ngan pynïap ruh ïa ki nongbud jong ka, bad nangta ki balang baroh kin tip ba nga long uta uba tip ïa ki jingmut bad ki jingkwah jong uwei pa uwei. Ngan siew kylliang ïa uwei pa uwei na pha kat kum kaei kaba u la leh.