MARKOS 6:14 - Khasi CL Bible (BSI)

¹⁴ Mynta u syiem Herod u la ïohsngew shaphang kane baroh, namar ka nam U Jisu ka la phriang kylleng. Katto katne ngut ki briew ki ïa-ong, “U Ïoannis u Nongpynbaptis u la im pat! Dei na kata ka daw balei u don ïa kane ka bor ban leh ki kambah.”

KA BAIBL

¹⁴ U Herod syiem te u la ïohsngew shaphang jong U, naba la bna ka nam jong U, bad u la ong, “U Ïoannis uba ju pynbaptis, u la mihpat na ki baïap, te namar kata keiñ, kine ki borbah ki ïatrei ha u.”

MARKOS 6:14 Mawu Ofanana

2 KHRONIKL 26:15

Ha Jerusalem, ki nongshna tiar jong u ki shna ïa ki tiar ki tar ban siat ïa ki khnam bad kawang ïa ki maw kiba heh na ki kut bad ki kyndong jong ka kynroh ka nongbah. Ka nam jong u ka la phriang kylleng sawdong, bad u la long uba khlaiñbor katta katta namar ka jingïarap ba u ïohpdiang na U Blei.

2 KHRONIKL 26:8

Ki Ammon ki siew khajna ha u Ussaïah, bad u kylla long uba khlaiñbor haduh katta kata ba ka nam jong u ka phriang wat shaduh sha Ijipt.

MATHAÏOS 9:31

Hynrei ki la leit noh bad pynphriang ïa ka khubor shaphang U Jisu ha kylleng jong kata ka bynta jong ka ri.

MARKOS 1:28

Bad kumta ka khubor shaphang U Jisu ka la phriang stet kylleng ka probins jong ka Galilaïa.

MARKOS 1:45

Hynrei uta u briew u la leit bad u la sdang ban pynphriang ïa ka khubor kylleng. Ha ka jingshisha, u la ïathuh ha baroh haduh ba U Jisu um lah shuh ban rung shapoh shnong ha kaba paw paidbah. Hynrei, U la shong noh ha ki jaka kynjah, bad ki briew ki la ïawan sha u na kylleng.

MARKOS 8:28

“Katto katne ngut ki ong ba me long u Ïoannis u Nongpynbaptis,” ki la jubab; “kiwei pat ki ong ba me long u Elijah, katba kiwei pat ki ong ba me long uwei na ki nongïathuhlypa.”

LOUKAS 13:31

Ha kata ka por katto katne ngut ki Pharisi ki la wan sha U Jisu bad ki la ong ha u, “Me dei ban phet noh nangne bad leit shawei pat, namar u Herod u kwah ban pynïap ïa me.”

LOUKAS 3:1

Ka la long ka snem kaba khatsan jong ka jingsynshar u Patsha Tiberios; u Pontios Pilat u la long u lyngskor jong ka Judia, U Herod u la long u nongsynshar jong ka Galilaïa, bad u Philip u para jong u, u la long u nongsynshar jong ka thain Ituria bad Trakhonitis; u Lysanias u la long u nongsynshar jong ka Abilene,

LOUKAS 7:17

Kane ka khubor shaphang U Jisu ka la phriang kylleng jong ka ri bad sha ki thain kiba don sawdong.

LOUKAS 9:19

“Katto katne ngut ki ong ba me dei u Ïoannis u Nongpynbaptis,” ki la jubab. “Kiwei pat ki ong ba me dei u Elijah, katba kiwei pat ki ong ba me dei uwei na ki nongïathuhlypa na mynbarim uba la mihpat.”

1 THESSALONI 1:8

Naba ym dei tang ba ka khubor shaphang U Trai ka la mih na phi sha kylleng ka Makedonia bad Akhaïa, hynrei ka khubor shaphang ka jingngeit jong phi ha U Blei ka la par kylleng. Ym don shuh kano kano te ba ngi donkam ban ong.

HEBRU 2:4

Ha kajuh ka por, U Blei ruh u la ai shuh ïa la ki sakhi ha ki, da kaba leh bun ki kambah bad ki kamphylla bad da kaba ïasam ïa ki jingai U Mynsiem Bakhuid kat kum ka mon jong u.