MARKOS 4:39 - Khasi CL Bible (BSI)

³⁹ U Jisu u la ïeng bad u la hukum ïa ka lyer, “Long jai jai!” bad u la ong ïa ki jingat phyllung, “Long jai jai!” Ka lyer ka la kynjah jar bad ka la don ka jingjai jai kaba khraw.

KA BAIBL

³⁹ Haba u la khie te, u la sneng ïa ka lyer, bad u la ong ha ka duriaw, “Long jai jai, wat khih shuh.” Kumta, kata ka lyer ka la jem jai, bad ka la long kaba jai jai eh.

MARKOS 4:39 Mawu Ofanana

Ka Kitab U Job 38:11

Nga ong ïa ka, “Haduh hangne phan ïoh poi, bad ym palat! Hangne ki jingat phyllung bakhlaiñ jong pha ki dei ban sangeh.”

SALM 107:29

U pynjai jai ïa ka 'erïong kaba jur, bad ki jingat phyllung ki long jai jai.

SALM 148:8

phi ka leilieh bad u phria, ka ïor bad ki lyoh, ki lyer bakhlaiñ kiba kohnguh ïa ka hukum jong u.

SALM 29:10

U Trai u synshar halor ki um kiba jylliew; u synshar kum u syiem junom.

SALM 65:7

Me pynjai jai ïa ka jingkyrhuh jong ki duriaw bad ïa ka jingsawa jong ki jingat phyllung; me pynjai jai ïa ka jingkhihwin jong ki jaitbynriew.

SALM 89:9

Me synshar halor ka duriaw badonbor; me pynjai jai ïa ki jingat phyllung ba khih bitar.

EKSODOS 14:16

Rah ïa la u diengduh bad bat ïa u halor ka duriaw. Ka um kan sa kad arliang, bad ki Israel kin lah ban ïaid lyngba ïa kata ka duriaw halor ka khyndew kaba rkhiang.

EKSODOS 14:22

Ïa ki um la kad arliang, bad ki Israel ki ïaid lyngba ïa kata ka duriaw ha ka khyndew kaba rkhiang, katba kita ki um ki long kum ki kynroh ha baroh arliang.

PROBERB 8:29

bad pynbeit ïa ki um ka duriaw ba kin ym kiew palat ban ïa kaba u la ong. Nga la don hangta mynba u buh ïa ki nongrim ka pyrthei.

JEREMAÏAH 5:22

Nga long U Trai; balei phim sheptieng ïa nga? Balei phim khynñiuh ha khmat jong nga? Nga la buh ïa u shyiap kum u pud jong ka duriaw, u pud uba neh ba kam lah ban jam palat. Ka duriaw ka lah ban kynting, hynrei kam lah ban leit palat ïa u; ki jingat phyllung ki lah ban kyrhuh, hynrei kim lah ban ksam lyngba.

SNGEWSYNEI 3:31

U Trai u dap da ka jingisynei bad un ym kyntait ïa ngi junom.

NAHUM 1:4

U hukum ïa ka duriaw, bad ka rngad! U pynlong ïa ki wah ban tyrkhong. Ki pyntha jong ka Bashan ki swai, u lumbah Karmel u kylla bthuh, bad ki syntiew jong u Lebanon ki jlop.

MATHAÏOS 8:26

“Balei ba phi sheptieng haduh katne?” U Jisu u la jubab. “Katno kaba rit ka jingngeit phi don!” Nangta u la khie joit bad u la hukum ïa ki lyer bad ïa ki jingat phyllung ban sangeh, bad ka la don ka jingjai jai kaba khraw.

MARKOS 4:38

U Jisu u don ha ka bynta kaba shadien jong ka lieng, u da ïohthiah, ka khlieh jong u ha ka syngkhlieh. Ki synran ki la kyrsiew ïa u bad ki la ong, “Ko Nonghikai, hato mem sngewlem ïa ngi ba ngin sa ïap?”

MARKOS 9:25

U Jisu u la ïohi ba u paidbah u la nang kyntur ïa ki, kumta u la hukum ïa u mynsiem bymkhuid. “Mynsiem bakyllut bad bymnang kren,” u la ong, “Nga hukum ïa me ban mihnoh na u khynnah bad wat ju rung shuh hapoh jong u!”

LOUKAS 4:35

U Jisu u la hukum ïa u mynsiem, “Sngap jar bad mihnoh na une u briew!” U mynsiem bymkhuid u la bret ïa uta u briew sha madan ha khmat jong ki, bad u la mihnoh na u, khlem pynmynsaw ei ei ïa u.

LOUKAS 4:39

U la leit bad ïeng harud ka jingthiah jong ka bad u la hukum ïa ka jingpang shit ban mihnoh na ka. Ka jingpang shit ka la iehnoh ïa ka, bad ka la khie joit shisyndon bad ka la sdang ban shakri ïa ki.

LOUKAS 8:24

Ki synran ki la leit sha U Jisu bad ki la kyrsiew ïa u, da kaba ong, “Kynrad, Kynrad! Ngi la jan ïap!” U Jisu u la khie joit bad u la hukum ïa ka lyer bad ïa ka um ba khie 'erïong; ki la sangeh bad ka la don ka jingjai jai kaba khraw.