MARKOS 4:15 - Khasi CL Bible (BSI)

¹⁵ Katto katne ngut ki briew ki long kum ki symbai kiba hap ha ka lynti ïaid; ki tang shu ïohsngew ïa ka khubor, u Soitan u wan bad u shim noh ïa ka.

KA BAIBL

¹⁵ Kine te long kita kiba harud lynti, ha kaba la bet ïa ka ktien; hynrei, haba ki la ïohsngew, kumne kumne ruh u Soitan u wan, bad u rong noh ïa kata ka ktien ba la bet ha ki dohnud jong ki:

MARKOS 4:15 Mawu Ofanana

JENESIS 19:14

Nangta u Lot u la leit sha ki rangbah kiba la ïatehktien bad ki khun kynthei jong u, bad u ong, “To pynkloi bad mihnoh nangne; naba U Trai un sa pynjot thiaw ïa kane ka jaka.” Hynrei ki pyrkhat ba u shu kren biria.

ISAÏAH 53:1

Ki briew ki jubab, “Uei uba lah ban ngeit ïa kaei kaba ngi ïathuh mynta? Uei uba lah ban ïohi ïa ka kti U Trai ha kane?

SEKHARAÏAH 3:1

Ha kawei pat ka jingïohipaw, U Trai u la pyn-i ha nga ïa u Joshua u rangbah lyngdoh uba ïeng ha khmat u angel jong U Trai. Bad hangta hajan jong u Joshua la ïeng u Soitan, uba la khreh ban wallam ka jingmudui pyrshah ïa u.

MATHAÏOS 13:19

Kito kiba ïohsngew ïa ka khubor shaphang ka Hima hynrei ki bymshemphang ïa ka, ki long kum ki symbai kiba la hap ha shi lynter ka lynti ïaid kjat. Uta u Basniew u wan bad u knieh noh ïa kaei kaba la bet hapoh jong ki.

MATHAÏOS 22:5

Hynrei kiba la shah khot sngewbha kim suidñiew bad ki la leit sha la ki kam ki jam: Uwei sha ka lyngkha jong u, uwei pat sha ka dukan jong u,

MATHAÏOS 4:10

Te U Jisu u la jubab, “Khie leit noh, ko Soitan! Ka Jingthoh Bakhuid ka ong, ‘To mane ïa U Trai U Blei jong me bad shakri tang ïa u hi!’ ”

MARKOS 4:14

U nongbet u bet ïa ka khubor U Blei.

MARKOS 4:16

Kiwei pat ki briew ki long kum ki symbai kiba hap ha ka khyndew ba long maw. Ki tang shu ïohsngew ïa ka khubor, ki pdiang ïa ka da kaba kmen.

MARKOS 4:4

Katba u bet ïa u symbai ha ka lyngkha, katto katne na u, u la hap ha ka lynti ïaid, bad ki sim ki la wan bad bam ïa u.

LOUKAS 8:12

Ki symbai kiba hap ha shi lynter ka lynti ïaid kjat ki ïeng na ka bynta kito kiba ïohsngew; hynrei u Ksuid u wan bad u shim noh ïa ka khubor na ki dohnud jong ki khnang ban khang ïa ki na kaba ngeit bad ïohlait im.

KI KAM 17:32

Haba ki la ïohsngew ba u Paul u kren shaphang ka jingmihpat na ka jingïap, katto katne na ki, ki la rkhiebeiñ ïa u, hynrei kiwei pat ki la ong, “Ngi kwah ban ïohsngew ba men kren biang ïa kane.”

KI KAM 5:3

U Petros u la ong ha u, “Ko Ananias, balei me la shah ïa u Soitan ban bat synshar ïa me bad pynlong ïa me ban lamler ïa U Mynsiem Bakhuid da kaba bat noh katto katne ka pisa kaba me la ïohpdiang na kaba die ïa ka jaka?

2 THESSALONI 2:9

Uta u Basniew un wan ha ka bor u Soitan bad un leh shibun ki kambah bad ki kamphylla kiba bakla,

HEBRU 12:16

Wat ai ba uno uno un long uba im thala lane u bym kynja mynsiem, kum u Iso, uba tang namar shisien ka jingbam u la die noh ïa ki hok jong u kum u hynmen.

HEBRU 2:1

Namar kata ngi dei ban kham batskhem ïa kita ki jingshisha ïa kiba ngi la ïohsngew, kumta ba ngin ym shah rong noh.

1 PETROS 5:8

To leh adkar, to sharai! U nongshun jong phi, u Ksuid, u shang kylleng kum u sing bakyrhuh, da kaba wad ïa uno uno ba un nguid tylli.

JINGPYNPAW 12:9

Ïa u Ïakjakor uba heh la bret shabar — ïa uta u bseiñ na mynbarim, ïa uba la khot u Ksuid, lane u Soitan, uta uba la shukor ïa ka pyrthei baroh kawei. La bret arsut ïa u sha ka khyndew, bad ïa ki angel baroh jong u lem bad u.

JINGPYNPAW 20:10

Nangta ïa u Ksuid, uba la shukor ïa ki, la bret sha ka pung ka ding bad u kyndok, ha kaba la lah bret ïa u mradkhlaw bad ïa u nongïathuhlypa lamler, bad kin shah pynkordit mynsngi bad mynmiet junom la junom.

JINGPYNPAW 20:7

Hadien ba ki shihajar snem ki la kut, yn pyllait ïa u Soitan na ka byndi jong u,