MARKOS 16:15 - Khasi CL Bible (BSI)

¹⁵ U la ong ïa ki, “Leit sha ka pyrthei baroh kawei bad ïalap ïa ka Gospel sha ki jaitbynriew baroh.

KA BAIBL

¹⁵ U la ong ruh ha ki, “To leit sha ka pyrthei baroh, bad to ïalap ïa ka gospel ha ki bynriew baroh;

MARKOS 16:15 Mawu Ofanana

SALM 22:27

Baroh ki jaitbynriew kin kynmaw ïa U Trai. Na ki bynta baroh jong ka pyrthei kin phai sha u; baroh ki kynja bynriew kin mane ïa u.

SALM 96:3

Pynbna ïa ka burom jong u sha ki hima, ïa ki kam radbah jong u sha ki jaitbynriew baroh.

SALM 98:3

U bat ïa la ka kular ha ki paid Israel da ka jingïaineh bad jingieit baneh ïa ki. Ki briew baroh kiba don sawdong ki la ïohi ïa ka jingjop U Blei jong ngi.

ISAÏAH 45:22

“To phai sha nga mynta bad ban im, ko ki briew baroh kylleng ka pyrthei! Nga long tang ma nga U Blei.

ISAÏAH 49:6

U Trai u la ong ha nga, “Nga don ka kam kaba kham khraw ïa me, ko shakri jong nga. Ym tang ba men rah pat sha ka jingkhraw ïa ki paid Israel kiba la lait im, hynrei ngan pynlong ruh ïa me ka jingshai sha ki jaitbynriew — khnang ba ka pyrthei baroh kan ïohlait im.”

ISAÏAH 52:10

U Trai un pyndonkam ïa ka bor bakhuid jong u; un pynim ïa la ki briew, bad ka pyrthei baroh kan ïohi ïa kata.

MATHAÏOS 28:19

Kumta, khie leit, sha ki briew baroh kylleng bad pynlong ïa ki, ki synran jong nga: To pynbaptis ïa ki ha ka kyrteng jong U Kpa, U Khun, bad U Mynsiem Bakhuid,

MARKOS 13:10

Hynrei shuwa ba ka jingkut kan wan, ïa ka Gospel yn ïalap ha ki jaitbynriew baroh.

ÏOANNIS 15:16

Phim shym la jied ïa nga; nga la jied ïa phi bad nga la thung ïa phi ban leit bad ban seisoh shibun, u jait soh uba ïaineh. Bad kumta U Kpa un ai ha phi ïa kaei kaei kaba phi pan na u ha ka kyrteng jong nga.

ÏOANNIS 20:21

U Jisu u la ong pat ha ki, “To ka jingsuk kan long lem bad phi. Kumba U Kpa u la phah ïa nga, kumta ruh nga phah ïa phi.”

KI KAM 1:2

Ha shuwa ban shim noh shajrong ïa u, u la ai ki jingbthah da ka bor U Mynsiem Bakhuid ha ki rangbah kiba u la jied kum ki apostol jong u.

KI KAM 1:8

Hynrei haba U Mynsiem Bakhuid u wan ha phi, yn pyndap ïa phi da ka bor, bad phin long ki sakhi jong nga ha Jerusalem, ha baroh ka Judia bad Samaria, bad shaduh kiba kut jong ka pyrthei.”

Ka Shithi U Paul Sha Ki Nong Rom 10:18

Hynrei nga kylli: Hato ka long kaba shisha ba kim shym la ïohsngew ïa ka khubor? Da shisha ki la ïohsngew — naba kumba ka Jingthoh Bakhuid ka ong: “Ka jingsawa jong ka sur jong ki ka la leit sha ka pyrthei baroh; ki ktien jong ki, ki la poi shaduh kiba kut ka pyrthei.”

Ka Shithi U Paul Sha Ki Nong Rom 16:26

Mynta pat, ïa kata ka jingshisha la pynmih ha kaba paw lyngba ki jingthoh jong ki nongïathuhlypa; bad da ka hukum jong U Blei bymjukut, ïa ka la pyntip sha baroh ki jaitbynriew, khnang ba baroh ki lah ban ngeit bad kohnguh.

EPHESOS 2:17

Kumta U Khrist u la wan bad u la ïalap ïa ka Khubor Babha jong ka jingsuk sha baroh — sha phi ki Jentil, kiba la jngai bah na U Blei, bad sha ki Jiw, kiba long hajan ïa u.

KOLOSSAI 1:23

Phi dei, da shisha, ban ïaineh ha ka nongrim kaba skhem bad kaba thikna, bad phim dei ban shah ïa lade ban shah pynkhynñiuh na ka jingkyrmen kaba phi la ïoh myn haba phi la ïohsngew ïa ka gospel. Ka dei na kane ka gospel ba ma nga u Paul, nga la kylla long u shakri — kane ka gospel kaba la ïalap ha uwei pa uwei ha ka pyrthei.

KOLOSSAI 1:6

Ka gospel ka ïai wallam ki jingkyrkhu bad ka par kylleng ka pyrthei, kumba ka la long hapdeng jong phi naduh kata ka sngi kaba phi la ïohsngew nyngkong shaphang ka jingaiei jong U Blei bad phi la tip ïa ka kumba ka long shisha.

1 ÏOANNIS 4:14

Bad ngi la ïohi bad ïathuh ha kiwei ba U Kpa u la phah ïa la U Khun ban long U Nongpynim jong ka pyrthei.

JINGPYNPAW 14:6

Nangta nga la ïohi ïa uwei pat u angel uba her shajrong eh ha suiñ, lem bad ka khubor bymjukut jong ka Khubor Babha ban pynbna ha ki briew ka pyrthei, ha kawei pa kawei ka jaitbynriew, ka jait, ka ktien bad ka kynja bynriew.