MARKOS 14:11 - Khasi CL Bible (BSI)

¹¹ Ki la sngewkmen ban ïohsngew ïa kaei kaba u don ban ong, bad ki la kular ban ai pisa ïa u. Kumta u Judas u la sdang ban wad ïa ka lad kaba biang ban aiti noh ïa U Jisu sha ki.

KA BAIBL

¹¹ Te haba ki la ïohsngew, ki la ïakmen, bad ki la ïakular ban ai tyngka ha u; u te u la wad kumno un ïoh lad kaba bit ban ai noh ïa U.

MARKOS 14:11 Mawu Ofanana

1 SYIEM 21:20

Haba u Ahab u ïohi ïa u Elijah, u ong “Me u nongshun jong nga, me la lap mo ïa nga?” “Ho-oid, nga la lap,” u Elijah u jubab, “Me la aiti lut ïa lade ban leh ïa kaei ka bymdei ha khmat U Trai.

2 SYIEM 5:26

Hynrei u Elisha u ong, “Hato ngam shym la don hangta ha ka mynsiem haba u briew u hiar na ka kali ïapom jong u ban ïashem ïa me? Kane kam dei ka por ban pdiang ïa ka tyngka bad ki jaiñ, ki brisoh olib bad ki bri sohwaiñ, ki langbrot bad ki masi lane ki shakri!

HOSIA 7:3

U Trai u ong, “Ki briew ki shukor ïa u syiem bad ki rangbah synshar jong u da ki buit bymman jong ki.

MATHAÏOS 26:14

Nangta uwei na ki khat-ar ngut ki synran — uta uba kyrteng u Judas Iskariot — u la leit sha ki rangbah lyngdoh,

MATHAÏOS 26:15

bad u la kylli, “Phin ai aïu ïa nga lada nga shetkylla ïa U Jisu ha phi?” Ki la ñiew laiphew tylli ki sbai rupa bad ki la ai ïa kita ha u.

MARKOS 14:10

Te u Judas Iskariot, uwei na ki khat-ar ngut ki synran, u la mihnoh ban leit sha ki rangbah lyngdoh khnang ban shetkylla ïa U Jisu ha ki.

MARKOS 14:12

Ha ka sngi nyngkong jong ka Jingkhawai Niam U Kpu Bakhlem Thiat, ka sngi ha kaba la pynïap ïa ki khunlangbrot na ka bynta ka Jingkhawai Niam Ka Jinglait, ki synran U Jisu ki la kylli ïa u, “Hangno me kwah ïa ngi ban leit bad ban pynkhreh ïa ka jingbam na ka bynta ka Jingkhawai Niam Ka Jinglait?”

LOUKAS 22:3

Nangta u Soitan u la rung hapoh u Judas, ïa uba la khot u Iskariot, uba long uwei na ki khat-ar ngut ki synran.

1 TIMOTHI 6:10

Naba ka jingieit ïa ka spah ka long ka thymmei jong ki jait jingsniew baroh. Don kiba da kwah eh ban ïoh ïa ka haduh ba ki la ïaid sakma na ka jingngeit bad ki pait dohnud na ki jingsngewsih babun.

JUDAH 1:11

Katno ka long kaba kordit ïa ki! Ki la bud ha ka lynti kaba u Kain u la ïaid. Na ka bynta ka tyngka, ki la aiti ïa lade sha ka jingbakla kaba u Balaam u la leh. Ki la ïaleh pyrshah kumba u Korah u la ïaleh pyrshah, bad kum ma u, la pynjot ïa ki.