MARKOS 13:22 - Khasi CL Bible (BSI)

²² Namar ki Messaïah balamler bad ki nongïathuhlypa balamler kin mih. Kin leh ïa ki kambah bad ki jingphylla khnang ban shukor wat ïa ki briew ba la jied jong U Blei, lada long kaba lah.

KA BAIBL

²² naba ki Khrist lamler bad ki nongïathuhlypa lamler kin mih, bad kin pyni ki dak bad ki jingphylla ïa ka ban shukor noh, lada lah, wat ïa kiba la jied.

MARKOS 13:22 Mawu Ofanana

MATHAÏOS 24:24

Naba ki Messaïah lamler bad ki nongïathuhlypa lamler kin ïamih, kin leh ïa ki kambah bakhraw bad ki kamphylla khnang ban shukor wat ïa ki briew kiba la jied jong U Blei, lada ka long kaba lah.

MATHAÏOS 7:15

“To sumar ïa lade na ki nongïathuhlypa balamler; ki wan sha phi ki da i kum ki langbrot ha kaba shabar, hynrei ha kaba shapoh ki long shisha kum ki suri barunar.

MARKOS 13:21

“Te, lada uno uno u ong ha phi, ‘Khmih, hangne u don U Messaïah!’ lane, ‘Khmih, hangtai u don!’ — wat ngeit ïa u.

MARKOS 13:23

Sumar bha ïa lade! Nga la ïathuh ïa kiei kiei baroh ha phi shuwa ba ka por kan poi.”

MARKOS 13:6

Shibun ki briew, ki ban kam ba ki kren na ka bynta jong nga, kin wan bad ong, ‘Nga long ma u!’ bad kin shukor ïa kiba bun ki briew.

ÏOANNIS 4:48

U Jisu u la ong ha u, “Ym don uwei ruh na phi u ban ngeit lymda u ïohi ïa ki kambah bad ki kamphylla.”

DEUTERONOMI 13:1

“U nongïathuhlypa ne u nongbatai ïa ki jingphohsniew u lah ban kular ïa ka kambah ne ka kamphylla,

2 TIMOTHI 2:19

Hynrei ïa ka nongrim baskhem kaba U Blei u la buh ym lah ban pynkhih; bad halor jong ka la thoh ïa kine ki ktien: “U Trai u ithuh ïa kito kiba dei ki jong u” bad “Baroh kiba ong ba ki dei ki jong U Trai ki dei ban phai noh na kaba leh bymdei.”

1 ÏOANNIS 2:18

Ko ki khun jong nga, kaba kut ka la jan! La ïathuh ha phi ba u Nongshun jong U Khrist un sa wan; bad mynta ki nongshun babun jong U Khrist ki la lah paw, bad kumta ngi tip ba kaba kut ka la jan.

1 ÏOANNIS 2:19

Kine ki briew da shisha kim don ha ka jingïasyllok jong ngi, bad kata ka long balei ba ki la iehnoh ïa ngi; lada ki la don ha ka jingïasyllok bad ngi, kin jin da la sah bad ngi. Hynrei ki mihnoh, ba kan paw shai ba ym don napdeng jong ki kiba dei shisha ki jong ngi.

1 ÏOANNIS 2:26

Nga thoh ïa kane sha phi shaphang kito kiba pyrshang ban shukor ïa phi.

JINGPYNPAW 13:8

Baroh ki briew kiba shong ha ka pyrthei kin mane ïa u, lait noh ïa kito kiba ïa ki kyrteng jong ki la thoh ha shuwa ka jingpynlong ïa ka pyrthei ha ka kitab jong kiba im kiba dei ki jong uta U Khunlangbrot ïa uba la shah pynïap.

JINGPYNPAW 17:8

Uta u mradkhlaw u la ju im shisien, hynrei um shym im shuh; u la jan wan kiew na ka liewlong khlem trai bad un mih ban shah pynjot. Ki briew kiba shong ha ka pyrthei kiba ïa ki kyrteng jong ki ym shym la thoh ha ka kitab jong kiba im ha shuwa ban pynlong ïa ka pyrthei, kin ïasngew kyndit lut katba ki dang khmih ïa u mradkhlaw. U la ju im shisien; mynta um shym im shuh, hynrei un wan mih biang.