MARKOS 13:19 - Khasi CL Bible (BSI)

¹⁹ Namar ka jingshitom jong kita ki sngi kan long kaba kham sniew, ban ïa kaei kaei kaba ka pyrthei ka la ju tip naduh myn nyngkong eh ba U Blei u la thaw ïa ka pyrthei haduh ka por ba mynta. Lymne yn ym don shuh hadien kum kata kaei kaei.

KA BAIBL

¹⁹ naba kin long ki sngi ki jingjynjar, kat ki bym pat ju la long la myndanglong ka pyrthei ïa kaba U Blei u la thaw, haduh mynta, kat kita ruh kin ym long shuh.

MARKOS 13:19 Mawu Ofanana

SNGEWSYNEI 1:12

“Khmih sha nga!” ka pyrta sha uwei pa uwei uba ïaid lynti najan. “Ym don mano mano ba don ka jingpang kum ka jong nga, ka Jingpang kaba U Trai u la wallam halor jong nga ha ka por ka jingbitar jong u.

SNGEWSYNEI 2:13

Ko Jerusalem, ko Jerusalem ba-ieit, kaei pat ngan ong? Kumno ngan pyntngen ïa pha? Ym don mano mano ba la ju shahshitom kum kane. Ka jingjot jong pha ka long ka bym don pud kum ka duriaw-bah; ym don shuh kano kano ka jingkyrmen kaba lah ban long.

SNGEWSYNEI 4:6

Ïa ki briew jong nga la pynshitom wat kham jur ban ïa ki nongshong shnong jong ka Sodom, kiba la ïashem da ka jingkyllon kaba kynsan ha ki kti jong U Blei.

DANIEL 12:1

U angel uba kup ki jaiñ linen u la ong, “Ha kata ka por, u Mikhael, u angel uba khraw, uba ïada ïa ki briew jong me, un mihpaw. Nangta kan don ka por ki jingjynjar, kaba kham sniew tam naduh ba ki jaitbynriew ki mih. Haba kata ka por ka wan, baroh ki briew jong ka jaitbynriew jong me kiba ïa ki kyrteng jong ki la thoh ha ka kitab ka jong U Blei yn pynim.

DANIEL 9:12

Me la leh ïa kaei kaba me la ong ba men leh ha ngi bad ha ki nongsynshar jong ngi. Me la pynshitom ïa ka Jerusalem kham jur ban ïa kano kano kawei pat ka nongbah ha ka pyrthei,

DANIEL 9:26

Bad ha kaba kut jong kata ka por ïa u nongïalam ba la jied jong U Blei yn pynïap khlem bishar hok. Ïa ka nongbah bad ïa ka Templ yn pynjot da ka kynhun shipai kaba hiarthma jong u nongsynshar badonbor. Kaba kut kan wan kum ka jingshlei um, ka da wallam ïa ka thma bad ïa ka jingpynjot kaba U Blei u la lah pynkhreh.

JOEL 2:2

Kan sa long ka sngi kaba dum bad kaba pynlong jingkhuslai, ka sngi kaba ïong bad ba-dum lyoh. Ka kynhun bakhraw jong ki puit ka tur kum ka jingdum kaba pyiar halor ki lumbah. Ym ju don mynno mynno ruh kum kane, bad yn ym don shuh lano lano ruh.

MATHAÏOS 24:21

Namar ka jingjynjar ha kata ka por kan kham shyrkhei ban ïa kano kano kaba la ju jia, naduh kaba sdang jong ka pyrthei haduh kane ka sngi. Lymne ba yn don pat kano kano kum kane.

MARKOS 10:6

Hynrei ha kaba nyngkong, ha ka por ka jingpynlong, ‘U Blei u la thaw ïa ki, shynrang bad kynthei,’ kumba ka Jingthoh Bakhuid ka ong.

MARKOS 13:18

To duwai ha U Blei ba kine kiei kiei kin ym jia ha ka por tlang!

MARKOS 13:20

Hynrei U Trai u la pynduna ïa ka jingjlan jong kita ki sngi; lada um shym la leh kumta, yn ym don u ban lait im. Hynrei, na ka bynta ki briew ba la jied jong u, u la pynduna ïa kita ki sngi.

DEUTERONOMI 28:59

un phah ha phi bad ha ki khun ki ksiew jong phi ïa ki jingpang bym lah pynkoit bad ïa ki jingïapthem kiba sngewtriem bad kiba neh slem.

DEUTERONOMI 4:32

“Phai sha ka mynnor, sha kata ka por shuwa ban kha ïa phi, ter shi ter haduh kata ka por mynba U Blei u la thaw ïa u briew ha ka pyrthei. Wad ha ka pyrthei baroh kawei. Hato kaei kaei kaba khraw kat kane ka la ju jia mynshuwa? Don mo u briew uba la ju ïohsngew ïa kaei kaei kaba kat kane?

JINGPYNPAW 7:14

Nga la jubab ïa u, “Ngam tip, ko kynrad. Phi te phi tip.” U la ong ha nga, “Kine ki long ki briew kiba la lait na kata ka jingpynshitom kaba triem. Ki la sait ïa la ki jaiñkup bad ki la pynlieh ïa ki da ka snam jong uta U Khunlangbrot.