MARKOS 11:18 - Khasi CL Bible (BSI)

¹⁸ Ki rangbah lyngdoh bad ki nonghikai ka Hukum ki la ïohsngew ïa kane, kumta ki la sdang ban ïawad da kano ka lad ban pynïap noh ïa U Jisu. Ki la sheptieng ïa u, namar uta u paidbah baroh u la sngewphylla ïa ka jinghikai jong u.

KA BAIBL

¹⁸ Ki nongthoh bad ki rangbah lyngdoh te ki la ïohsngew ïa kata, bad ki la ïawad dong kumno ba kin pynïap noh ïa U, namar ki la sheptieng ïa U. Hynrei, u paidbah baroh u la kyndit thred na ka jinghikai jong U.

MARKOS 11:18 Mawu Ofanana

1 SYIEM 21:20

Haba u Ahab u ïohi ïa u Elijah, u ong “Me u nongshun jong nga, me la lap mo ïa nga?” “Ho-oid, nga la lap,” u Elijah u jubab, “Me la aiti lut ïa lade ban leh ïa kaei ka bymdei ha khmat U Trai.

1 SYIEM 22:18

U Ahab u ong ha u Jehoshaphat, “Hato ngam shym la ïathuh ïa phi ba um ju ïathuhlypa ei ei kaba bha ïa nga? Ka long borabor kaba sniew!”

1 SYIEM 22:8

U Ahab u jubab, “Don sa uwei, u Mikaïah u khun jong u Imlah. Hynrei nga isih ïa u, namar um ju ïathuhlypa ïa kaba bha shaphang jong nga, borabor ka dei tang ïa kaba sniew suda.” “Phim dei ban ong kumta!” U Jehoshaphat u jubab.

ISAÏAH 49:7

U Blei Bakhuid bad u nongpynim ki Israel u ong ïa uta uba shah ibeiñ, ïa uba la isih da ki jaitbynriew bad uba long u shakri jong ki nongsynshar: “Ki syiem kin ïohi ba la pyllait ïa me bad kin ïeng ban pynpaw ïa ka jingñiewburom jong ki; ki khun syiem ruh kin ïohi ïa kata, bad kin dem khrup ban pyndonburom ïa me.” Kane kan jia namar U Trai u la jied ïa la u shakri; U Blei bakhuid jong ki Israel u bat ïa la ki kular.

MATHAÏOS 21:15

Ki rangbah lyngdoh bad ki nonghikai ka Hukum ki la bitar haba ki la ïohi ïa kiei kiei kiba phylla kiba u la leh bad ba ki khynnah ki ïa-pyrta ha ka Templ, “To ïaroh ïa U Khun u Dabid!”

MATHAÏOS 7:28

Haba U Jisu u la dep kren ïa kine kiei kiei, u paidbah u la sngewphylla ïa ka rukom kaba u la hikai.

MARKOS 1:22

Ki briew kiba la ïohsngew ïa u ki la sngewlyngngoh ïa ka rukom ba u la hikai, namar um long kum ki nonghikai ka Hukum; hynrei u la hikai da ka bor.

MARKOS 11:32

Hynrei lada ngi ong, ‘Na u briew’ ” (Ki la sheptieng ïa u paidbah, namar baroh ki la ngeit ba u Ïoannis u la long u nongïathuhlypa.)

MARKOS 12:12

Ki nongïalam jong ki Jiw ki la pyrshang ban kem ïa U Jisu, namar ki la tip ba u la ong ïa kane ka pharshi pyrshah ïa ki. Hynrei ki la sheptieng ïa u paidbah, kumta ki la iehnoh ïa u bad ki la leit noh.

MARKOS 3:6

Kumta ki Pharisi ki la mihnoh na ka synagog bad mar kumta hi ki la ïakynduh bad katto katne ngut ki dkhot ka kynhun u Herod, bad ki la thaw ki jingthmu ban pynïap noh ïa U Jisu.

MARKOS 6:20

U Herod u la sheptieng ïa u Ïoannis namar u la tip ba u Ïoannis u long u briew uba bha bad uba khuid, bad kumta u ju da ïa u. U ju sngewbha ban sngap ïa u, wat la u shitom jingmut shikatdei eh man ka por ba u ïohsngew ïa u.

LOUKAS 19:47

Man ka sngi, U Jisu u la hikai ha ka Templ. Ki rangbah lyngdoh, ki nonghikai ka Hukum, bad ki nongïalam jong ki paidbah ki la kwah ban pynïap ïa u,

LOUKAS 2:47

Baroh kiba la ïohsngew ïa u ki la sngewlyngngoh ïa ki jingjubab bastad jong u.

LOUKAS 20:19

Ki nonghikai ka Hukum bad ki rangbah lyngdoh ki la pyrshang ban kem ïa U Jisu hangta hi, namar ki la tip ba u la ïathuh ïa kane ka pharshi pyrshah ïa ki; hynrei ki la ïasheptieng ïa ki paidbah.

LOUKAS 4:22

Baroh ki la sngewhun ïa u bad ki la sngewphylla ha ki kyntien basngewtynnat kiba u la kren. Ki la ong, “Hato une um dei u khun jong u Joseph?”

ÏOANNIS 7:1

Hadien kane, U Jisu u la nang ïaid ha ka Galilaïa; um shym kwah ban leit sha Judia, namar ba ki nongsynshar jong ki Jiw hangta ki la ïakwah ban pynïap ïa u.

ÏOANNIS 7:19

U Moses u la ai ha phi ïa ka Hukum, hato ym dei kumta? Hynrei ym don uwei na phi uba kohnguh ïa ka Hukum. Balei ba phi pyrshang ban pynïap ïa nga?”

ÏOANNIS 7:46

Ki nongap phira ki la jubab, “Ym pat ju don uno uno u ban kren kum une u briew!”

KI KAM 24:25

Hynrei katba u Paul u dang batai shaphang ka jingbha, ka bor halor lade, bad ka Sngi ka Jingbishar ka ban sa wan, u Pheliks u la sheptieng bad u la ong, “Mynta me lah ban leit noh shuwa. Ngan sa phah khot pat haba nga ïohlad.”