MARKOS 10:33 - Khasi CL Bible (BSI)

³³ “Sngap,” u la ong ïa ki, “ngi dang leit kiew sha Jerusalem ha kaba ïa U Khun U Briew yn sa aiti ha ki rangbah lyngdoh bad ki nonghikai ka Hukum. Kin rai pynrem ban pynïap ïa u bad nangta kin aiti ïa u sha ki Jentil,

KA BAIBL

³³ “Naba, ha khmih, ngi ïaleit kiew sha Jerusalem, te ïa U Khun u briew yn sa ai noh ha ki rangbah lyngdoh bad ha ki nongthoh; bad kin pynrem ïa u ïa ka ban ïap, bad kin ai noh ruh ïa u ha ki Jentil:

MARKOS 10:33 Mawu Ofanana

MATHAÏOS 27:2

Ki la teh ïa u ha ki kynjri, ki la ïalam ïa u, bad ki la aiti ïa u ha u Pilat, u lyngskor ka hima Rom.

MARKOS 8:31

Nangta U Jisu u la sdang ban hikai ïa ki synran jong u: “U Khun U Briew u dei ban shahshitom shibun bad ban shah kyntait da ki tymmen ki san, ki rangbah lyngdoh, bad da ki nonghikai ka Hukum. Un sa shah pynïap, hynrei hadien lai sngi yn sa pynmihpat ïa u.”

MATHAÏOS 26:66

Kaei phi ïa-pyrkhat?” Ki la jubab, “U long uba shah pynrem bad u dei ban ïap.”

MATHAÏOS 16:21

Naduh kata ka por U Jisu u la sdang ban kren shai ha la ki synran, “Nga dei ban leit sha Jerusalem bad shahshitom shibun na ki tymmen ki san, ki rangbah lyngdoh bad ki nonghikai ka Hukum. Ïa nga yn pynïap, hynrei hadien lai sngi yn sa pynmihpat ïa nga.”

JAKOB 5:6

Phi la pynrem bad phi la pynïap ïa ki briew kiba lui lui, bad kim shym pyneh ïa phi.

KI KAM 20:22

Bad mynta, da kaba kohnguh ïa U Mynsiem Bakhuid ngan leit sha Jerusalem, khlem da tip aïu kan jia ïa nga hangta.

KI KAM 13:27

Naba ki briew kiba shong ha Jerusalem bad ki nongsynshar jong ki kim tip ba u long U Nongpynim, lymne ba ki la shemphang ïa ki kyntien jong ki nongïathuhlypa ïa kiba la pule man ka sngi Sabbaton. Pynban ki la pynlong ïa ki kyntien jong ki nongïathuhlypa ban urlong shisha da kaba pynrem ïa U Jisu.

ÏOANNIS 19:11

U Jisu u la jubab, “Me don ka bor halor jong nga tang namar ba la ai ha me da U Blei. Kumta u briew uba aiti noh ïa nga ha me u long uba la rem na ka pop kaba kham khraw.”

ÏOANNIS 18:28

Dang step phyrngab la ïalam ïa U Jisu na ka ïing u Kaïaphas sha ka ïing jong u lyngskor. Ki nongsynshar jong ki Jiw kim shym la rung shapoh ka ïing, naba ki kwah ban sumar khuid ïa lade kat kum ka jinglehniam, khnang ba ki lah ban bam ïa ka Jingkhawai Niam Ka Jinglait.

LOUKAS 23:21

Hynrei ki la pyrta biang, “Sahnarphna ïa u! Sahnarphna ïa u!”

LOUKAS 9:22

U la ong ruh ha ki, “U Khun U Briew u dei ban shahshitom shibun bad ban shah kyntait da ki tymmen ki san, ki rangbah lyngdoh, bad da ki nonghikai ka Hukum. Un shah pynïap, hynrei hadien lai sngi yn sa pynmihpat ïa u.”

MARKOS 15:1

Dang step eh ki rangbah lyngdoh ki la ïakynduh kyrkieh bad ki rangbah nongïalam, ki nonghikai jong ka Hukum, bad ïa ka Dorbar baroh kawei, bad ki la shna ïa ki jingthmu jong ki. Ki la teh kynjri ïa U Jisu, ki la ïalam noh ïa u, bad ki la aiti ïa u sha u Pilat.

MARKOS 14:64

Phi la ïohsngew ïa ka jingkrenbeiñ Blei. Kaei ka jingrai jong phi?” Baroh ki la rai pyrshah ïa u: U long ba la rem bad dei ban pynïap noh ïa u.

MARKOS 9:31

“Ïa U Khun U Briew yn sa ai noh ha ki briew ki ban pynïap ïa u. Pynban hadien lai sngi, un sa mihpat.”

ISAÏAH 53:3

Ngi la ñiewbeiñ ïa u bad ngi la kyntait ïa u; u la shah ïa ka jingshitom bad jingpang. Ym don mano mano wat ban peit ïa u — ngi la leh bymsalia ïa u kum u bym long ei ei.

MARKOS 9:12

Ka jingjubab jong u ka long, “U Elijah u wan shisha nyngkong khnang ban pynkhreh ïa kiei kiei baroh. Pynban balei ba ki Jingthoh Bakhuid ki ong ba U Khun U Briew un hap shahshitom shibun bad shah kyntait?

ÏOANNIS 18:32

(Kane ka la jia, khnang ba ki ktien jong U Jisu kin urlong da shisha, ki ktien kiba u pyndonkam mynba u la pynpaw ïa ka jingïap kaba kumno u dei ban ïap.)