MARKOS 1:41 - Khasi CL Bible (BSI)

⁴¹ U Jisu u la dap da ka jingsngewsynei bad u la kner ïa la ka kti bad u la ktah ïa u. “Nga mon,” u la jubab. “To long khuid!”

KA BAIBL

⁴¹ Te U Jisu haba U la sngewsynei, U la kner ïa la ka kti bad U la ktah ïa u, bad U ong ha u, “Nga mon; to men long khuid.”

MARKOS 1:41 Mawu Ofanana

JENESIS 1:3

Nangta U Blei u la hukum, “To long ka jingshai” — bad ka jingshai ka la long.

SALM 33:9

Haba u la kren, ïa ka pyrthei la pynlong; ha ka hukum jong u baroh ka la paw.

MATHAÏOS 9:36

Haba u la ïohi ïa ki paidbah, la pyndap ïa ka dohnud jong u da ka jingsngewsynei na ka bynta jong ki, namar ki la khuslai bad kim lah ban leh ei ei, kum ki langbrot khlem u nongsharai.

MARKOS 1:40

U briew uba pang na ka jingpang 'ñiangthohlieh u la wan ha U Jisu, u la dem khohsiew bad u la kyrpad ïa u ban ïarap. “Lada me mon,” u la ong, “me lah ban pynkhuid ïa nga.”

MARKOS 1:42

Mar kumta hi ka jingpang ka iehnoh ïa uta u briew, bad u la long khuid.

MARKOS 4:39

U Jisu u la ïeng bad u la hukum ïa ka lyer, “Long jai jai!” bad u la ong ïa ki jingat phyllung, “Long jai jai!” Ka lyer ka la kynjah jar bad ka la don ka jingjai jai kaba khraw.

MARKOS 5:41

U la shim ïa ka na ka kti bad u la ong ïa ka, “Talitha, koum,” kaba mut, “Ko Khynnah rit, nga ong ïa pha ban khie joit!”

MARKOS 6:34

Haba U Jisu la hiar na ka lieng, u la ïohi ïa une u paidbah babun, bad ïa ka mynsiem jong u la pyndap da ka jingsngewsynei ïa ki, namar ki la long kum ki langbrot khlem u nongsharai. Kumta u la sdang ban hikai bun kiei kiei ïa ki.

HEBRU 1:3

U pynpaw ïa ka jingtyngshaiñ ka burom U Blei bad u ïasyriem thik bad ka dur U Blei hi, uba kyrshan ïa ka pyrthei da ka ktien badonbor jong u. Hadien ba u la ïohpdiang ka jingmap ïa ki pop u khunbynriew, u la shong ha bneng ha ka liang kamon jong U Blei, U Bakhrawbor Tam.

HEBRU 2:17

Kane ka mut, ba u dei ban long uba syriem kum ki para jong u ha kiei kiei baroh, ba un ïoh long u rangbah lyngdoh uba lah ban shaniah bad uba sngewsynei ha ka jingshakri ïa U Blei, kumta ba yn ïohmap noh ïa ki pop ki briew.

HEBRU 4:15

U Rangbah Lyngdoh jong ngi um long uta u bym lah ban sngewlem ïa ki jingtlot jong ngi. Pynban, ngi don U Rangbah Lyngdoh uba la shah pynshoi ha kiei kiei baroh kum ma ngi, hynrei u bym shym la leh pop.