MALAKHI 3:4 - Khasi CL Bible (BSI)

⁴ Nangta ki jingainguh ïa kiba ki paid Judah bad Jerusalem ki wallam sha U Trai kin long kiba pynsngewbha ïa u, kumba ki ju long ha ki por kiba la leit.

KA BAIBL

⁴ Kumta, ka jingainguh u Judah bad ka Jerusalem kan long kaba sngewbha ha U Trai, kum ha kita ki sngi ki bamynshuwa, bad kum ha kita ki snem kiba mynbarim.

MALAKHI 3:4 Mawu Ofanana

1 KHRONIKL 15:26

Ki la kñia hynñiew tylli ki masi lyngraw bad hynñiew tylli ki langbrot, ban pynthikna ba U Blei un ïarap ïa ki Lebi kiba rah ïa ka Synduk ka Jutang.

1 KHRONIKL 21:26

U la tei hangta ïa ka duwan ha U Trai bad u la ai ki jingainguh thang bad ki jingainguh ïasyllok. U la duwai, bad U Trai u la jubab ïa u da kaba phah ïa ka ding na bneng ban thang ïa ki jingainguh halor ka duwan.

2 KHRONIKL 1:6

Ha khmat jong ka Ïingjaiñ, u syiem u la mane ïa U Trai da kaba ai ki jingkñia ha ka duwan rnong; u la phah pynïap shihajar tylli ki jingri bad thang tylli halor jong ka.

SALM 51:17

Ka jingkñia jong nga ka long ka mynsiem kaba sngewrit, A Blei; men ym kyntait ïa ka dohnud kaba sngewrit bad ba la kylla-kaba-mut.

SALM 51:19

Te men ïoh ka jingsngewbha da ki jingkñia kiba dei bad da ki jingainguh thang jong ngi; bad ïa ki masi kyrtong yn kñia halor ka duwan jong me.

ISAÏAH 56:7

“Ngan ïalam ïa phi sha Seïon, sha u lum bakyntang jong nga, ngan ai ha phi ka jingkmen ha ka ïing jingduwai jong nga; bad pdiang ïa ki jingkñia kiba phi ai ha ka duwan jong nga. Ïa ka ïing jong nga yn khot ka ïing jingduwai na ka bynta ki briew jong ki ri baroh.”

SEKHARAÏAH 8:3

Ngan wan phai pat sha Jerusalem, ka nongbah bakhuid jong nga, bad ban shong ban sah hangta. Ïa ka yn tip kum ka nongbah baïaineh, bad ïa u lum jong U Trai Badonbor Baroh yn khot u lum bakyntang.