MALAKHI 1:6 - Khasi CL Bible (BSI)

⁶ U Trai Badonbor Baroh u ong ha ki lyngdoh, “U khun u burom ïa la u kpa, bad u shakri u burom ïa la u kynrad. Nga long u kpa jong phi — balei phim burom ïa nga? Nga long u kynrad jong phi — balei phim ñiewkor ïa nga? Phi ñiewbeiñ ïa nga, bad pynban phi kylli, ‘Da kumno ngi ñiewbeiñ ïa me?’

KA BAIBL

⁶ “U khun u burom ïa la u kpa, bad u shakri ïa la u kynrad: te lada nga long u kpa, hangno ka burom jong nga? bad lada nga long u kynrad, hangno ka jingsheptieng ïa nga?” ong U Trai ki paid ha phi, “ko ki lyngdoh, kiba ibeiñ ïa ka kyrteng jong nga.” Phi te phi ong, “Ha kaba kumno ngi la ibeiñ ïa ka kyrteng jong me?”

MALAKHI 1:6 Mawu Ofanana

SALM 123:2

Kumba u shakri u shaniah ha la u kynrad, kumba ka shakri ka shaniah ha la ka kynrad, kumta ngin ïai peit sha me, A Trai U Blei jong ngi, haduh ba men da leh-isynei ïa ngi.

EKSODOS 20:12

“Burom ïa la u kpa bad ïa la ka kmie, ba phi lah ban im slem ha ka ri kaba nga ai ha phi.

PROBERB 17:6

Ki riewtymmen ki sngewsarong ïa la ki jong ki ksiew, kumba ki khynnah ki sngewsarong ïa la ki jong ki kpa.

PROBERB 30:11

Don ki briew kiba tim ïa la ki kpa bad ki bym ju pyn-i ïa la ka jingïaroh ïa la ki kmie.

PROBERB 30:17

Uno uno uba leh biria ïa la u kpa lane uba ñiewbeiñ ïa la ka kmie ha ka jinglong tymmen jong ka u dei ban shah bam ha ki pukni ne shah khlaw ki khmat ha ki tyngab khlaw.

ISAÏAH 1:2

U Trai u ong, “Ko ka pyrthei bad ka sahit bneng, shahshkor ïa kaei kaba nga ong! Ki khun kiba nga la pynheh pynsan ki la ïeng ïaleh pyrshah.

ISAÏAH 43:23

Phim shym la wallam ha nga ïa ki jingainguh thang ki langbrot jong phi; phim shym la burom ïa nga da ki jingkñia jong phi. Ngam shym la bankhia ïa phi da kaba dawa ki jingainguh lane pynbtai ïa phi da kaba pan jingiwbih.

ISAÏAH 45:10

Hato uno uno un nud ban ong ïa la ki kmie ki kpa, “Balei phi pynlong ïa nga kumne?”

ISAÏAH 64:7

Ym don uwei ruh uba phai sha me ha ka jingduwai; ym don uwei ruh uba leit sha me ban ïoh jingïarap. Me la buhrieh ïa lade na ngi bad iehnoh ïa ngi namar ki pop jong ngi.

ISAÏAH 64:8

Hynrei, A Trai, me long u Kpa jong ngi. Ngi long kum ka dewbyrtha, bad me long kum u nongthaw khiew.

JEREMAÏAH 23:11

U Trai u ong, “Ki nongïathuhlypa bad ki lyngdoh ki long ki bymriewblei; nga la lap ïa ki ba ki leh bymman ha ka Templ hi.

JEREMAÏAH 3:4

“Bad mynta pha ong ha nga, ‘Me long u kpa jong nga, bad me la ieit ïa nga naduh ba nga dang khunlung.

JEREMAÏAH 31:9

Ki briew jong nga kin wan phai da kaba ïam, da kaba duwai katba nga ïalam ban wan phai pat. Ngan ïalam ïa ki sha ki wahduid, ha ka lynti kaba beit ha kaba kin ym jynthut. Nga long kum u kpa ïa ki Israel, bad u Ephraim u long u khun banyngkong eh jong nga.”

JEREMAÏAH 35:16

Ki khun ki ksiew u Jonadab ki la kohnguh ïa ka hukum kaba u kpa tymmen jong ki u la ai ha ki, hynrei ma phi phim shym la kohnguh ïa nga.

ESEKIEL 22:26

Ki lyngdoh ki pynkheiñ ïa ka aiñ jong nga bad kim burom ïa kaei kaba khuid. Kim pynïapher hapdeng kaei kaba khuid bad kaei ka bymkhuid. Kim hikai ïa ka jingïapher hapdeng kiba khuid bad kiba jakhlia, bad kim suidñiew ïa ka Sabbaton. Kaba mih ka long ba ki paid Israel kim ñiewkor ïa nga.

HOSIA 12:8

‘Ngi long kiba riewspah’ ki ong. ‘Ngi lah lum kyrhai ka spah. Bad ym don uwei ruh ban mudui ïa ngi ba ngi ïoh spah da ka lynti bymhok.’

HOSIA 4:6

Ki briew jong nga ki shu jot ei namar kim pdiang ïa nga. Phi ki lyngdoh phim suidñiew ban pdiang ïa nga bad phi la kyntait ïa ka jinghikai jong nga, bad kumta nga la kyntait noh ïa phi bad ngan ym pdiang ïa ki khun jong phi kum ki lyngdoh jong nga.

HOSIA 5:1

“To shahshkor ïa kane, phi ki lyngdoh! To pynleit jingmut, phi ki paid Israel! To shahshkor, phi kiba na ka longïing u syiem! La khmih lynti ïa phi ban bishar da ka hok — Kumta ka jingbishar kan wan hap ha phi! Phi la long ka jingriam ha Mispah, ka jar ba la pynap ha u lum Tabor,

LEBITIKOS 19:3

Uwei pa uwei na phi u dei ban burom ïa la ka kmie bad ïa la u kpa, bad u dei ban rakhe ïa ka Sabbaton, kumba nga la hukum. Nga long U Trai U Blei jong phi.

SEPHANAÏAH 3:4

Ki nongïathuhlypa ki long ki bym don jingkitkhlieh bad kiba shetkylla; ki lyngdoh ki pyntngit ïa kaei kaba kyntang, bad ki pynwan ïa ka aiñ jong U Blei sha ka jingmyntoi jong ki hi.

MALAKHI 2:1

U Trai Badonbor Baroh u ong ha ki lyngdoh, “Kane ka hukum ka long na ka bynta jong phi:

MALAKHI 2:10

Hato baroh na ngi ngim don ujuh u kpa? Hato ym dei ujuh U Blei uba la thaw ïa ngi baroh? Te balei ngi pynkheiñ ïa la ki jingkular iwei ïa iwei pat, bad balei ngi ñiewbeiñ ïa ka jutang kaba U Blei u la pynlong bad ki kpa tymmen jong ngi?

MALAKHI 2:8

“Hynrei mynta ma phi ki lyngdoh phi la phai noh na ka lynti kaba dei. Ki jinghikai jong phi ki la ïalam ïa kiba bun ban leh ïa ka bym dei. Phi la pynkheiñ ïa ka jutang kaba nga la pynlong bad phi.

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

MATHAÏOS 15:4

Namar U Blei u la ong, ‘To burom ïa la u kpa bad ïa la ka kmie,’ bad ‘Uno uno uba tim ïa la u kpa lane ïa la ka kmie u dei ban shah pynïap.’

MATHAÏOS 15:6

Ha kane ka rukom phi ñiewbeiñ ïa ka hukum jong U Blei, khnang ban bud ïa la ka jong ka jinghikai.

MATHAÏOS 19:19

burom ïa la u kpa bad ïa la ka kmie; bad to ieit ïa la u paramarjan kumba me ieit ïa lade.”

MATHAÏOS 6:9

Kane keiñ, ka long kumno phi dei ban duwai: “ ‘Ko Kpa jong ngi uba ha bneng: Ai ba ka kyrteng bakhuid jong me kan long kaba la pyndonburom;

MATHAÏOS 7:21

“Ym u briew baroh uba khot ïa nga, ‘A Trai, A Trai’ u ban ïohrung shapoh Ka Hima ki bneng, hynrei tang kito kiba leh ïa kaei kaba U Kpa jong nga uba ha bneng u kwah ïa ki ban leh.

MARKOS 10:19

Me tip ïa ki hukum: ‘Wat pynïap; wat klim; wat tuh; wat kynnoh bym dei ïano ïano; wat thok; burom ïa u kpa jong me bad ïa ka kmie jong me.’ ”

MARKOS 7:10

Naba u Moses u la hukum, ‘Burom ïa la u kpa bad ïa la ka kmie,’ bad, ‘uno uno uba tim ïa la u kpa bad ïa la ka kmie yn pynïap.’

LOUKAS 10:29

Hynrei u nonghikai ka Hukum u la kwah ban pynksan ïa lade, kumta u la kylli ïa U Jisu, “Uei u paramarjan jong nga?”

LOUKAS 18:20

Me tip ïa ki hukum: ‘Wat klim; wat pynïap briew; wat tuh; wat mudui lamler ïano ïano; burom ïa la u kpa bad ïa la ka kmie.’ ”

LOUKAS 6:36

Long kiba sngewsynei kumba U Kpa jong phi u long uba sngewsynei.

LOUKAS 6:46

“Balei ba phi khot ïa nga, ‘A Trai, A Trai,’ bad pynban phim leh ïa kaei kaba nga ong ha phi?

EPHESOS 6:2

“To burom ïa la u kpa bad ïa la ka kmie,” kaba long ka hukum kaba nyngkong kaba don ka jingkular ha ka:

DEUTERONOMI 1:31

bad ha ka ri shyiap. Phi la ïohi kumno u la bah ïa phi khlem jingmynsaw baroh shi lynter lynti haduh kane ka jaka, kumba u kpa u bah ïa la u khun.’

DEUTERONOMI 32:6

Pleng da kumne mo phi siew kylliang ïa U Trai, a, phi ka jaitbynriew kaba bieit bad kaba anna? Hato um dei u kpa jong phi, uba la thaw ïa phi, uba la seng ïa phi kum kawei ka jaitbynriew?

DEUTERONOMI 5:16

“ ‘Burom ïa la u kpa bad ïa la ka kmie, kumba nga, U Trai U Blei jong phi, nga hukum ïa phi, khnang ba phin manbha bad im slem ha kata ka ri ba nga ai ha phi.

1 PETROS 1:17

Phi khot ïa u, U Kpa, haba phi duwai ha U Blei, uba bishar ïa ki briew baroh da kajuh ka jingthew, katba kum kaei kaba uwei pa uwei u la leh; kumta te, to pynlut ïa kaba sah ka jingim jong phi hangne ha ka pyrthei ha ka jingtiengburom ïa U.