LOUKAS 5:12 - Khasi CL Bible (BSI)

¹² Shisien U Jisu u la don ha kawei ka shnong ha kaba la don u briew uba la pang 'ñiangthohlieh. Haba u la ïohi ïa U Jisu u la pyndem khrup ïa lade ha madan bad u la kyrpad ïa u, “Ko kynrad, lada me mon, me lah ban pynlong ïa nga uba khuid!”

KA BAIBL

¹² Ka la jia ruh, ba haba U don ha kawei na kita ki shnong, ha khmih ruh u briew uba la dap da ka jingpang 'thohlieh: te haba u la ïohi ïa U Jisu u la dem khrup, bad u la kyrpad ïa U, u da ong, “A Trai, lada me mon, me lah ban pynkhuid ïa nga.”

LOUKAS 5:12 Mawu Ofanana

JENESIS 18:14

Hato don kaei kaei kaba eh ïa U Trai? Kumba nga la ong, ngan sa wan biang hadien khyndai bnai, bad ka Sarah kan sa ïoh khun shynrang.”

1 SYIEM 18:39

Haba ki paidbah ki ïohi ïa kane, ki ïadem khrup ha khyndew bad ki ïa-pyrta jam, “U Trai u long U Blei; U Trai tang ma u, u long U Blei!”

2 SYIEM 5:1

U Naaman, u rangbah ai hukum jong ka kynhun shipai Syria, u long u briew ïa uba la burom shikatdei eh bad ñiewkor shibun da u syiem Syria, namar lyngba u Naaman, U Trai u la ai ka jingjop ïa ki shipai Syria. U la long u shipai bakhraw, hynrei u don ka jingpang 'ñiangthohlieh.

2 SYIEM 5:27

Bad mynta ka jingpang jong u Naaman kan wan halor jong me, bad ma me bad ki khun ki ksiew jong me kin ïoh ïa ka shi junom!” Haba u Gehasi u la mihnoh, u la ïoh ïa ka jingpang — ka sniehdoh jong u ka la lieh kum ka ïor.

2 SYIEM 7:3

Saw ngut ki rangbah kiba pang 'ñiangthohlieh ki don shabar ki khyrdop jong ka Samaria, bad ki ïa-ong para ma ki, “Balei ngin shu ap hangne haduh ba ngin da ïap?

1 KHRONIKL 21:16

Haba u Dabid u ïohi ïa u angel uba ïeng ha shiteng suiñ, u da bat ïa la ka waitlam ha la ka kti, uba la pynkhreh ban pynjot thiaw ïa ka Jerusalem. Nangta u Dabid bad ki nongïalam jong ki paidbah — baroh na ki, kiba la phong ki jaiñ khain — ki dem pynrit, bad la ki khlieh kiba kynduh ha madan.

SALM 50:15

Khot kyrpad ïa nga haba ka jingeh ka wan; ngan pyllait ïa phi, bad phin ïaroh ïa nga.”

SALM 91:15

Haba ki khot ïa nga, ngan jubab ïa ki; haba ki don ha ka jingjynjar, ngan long ryngkat bad ki. Ngan pyllait im ïa ki bad ngan pyndonburom ïa ki.

EKSODOS 4:6

U Trai u kren biang ha u Moses, “Bsuh ïa la ka kti shapoh ka jaiñkup jong me.” U Moses u la kohnguh; bad ynda u sei pat ïa la ka kti, ka la ïoh jingpang kaba la tap da ki jingthohlieh, kum ka ïor.

LEBITIKOS 13:16

Hynrei haba kata ka prum ka la jem bad ka la kylla lieh biang, uta u briew u dei ban leit sha u lyngdoh, u ban khmih bniah biang ïa u.

LEBITIKOS 9:24

Kynsan U Trai u phah ïa ka ding, bad ka bam duh ïa ka jingkñia ainguh thang bad ïa ki bynta bakhleiñ baroh ha ka duwan. Haba ki paidbah ki ïohi ïa kata, ki la ïa-pyrta jam, bad ki ïadem ngon haduh khyndew.

MATHAÏOS 26:6

U Jisu u la don ha Bethania ha ka ïing jong u Simon, u briew uba la pang 'ñiangthohlieh.

MATHAÏOS 9:28

Haba U Jisu u la rung shapoh ka ïing, ki ar ngut ki rangbah kiba matlah ki la ïawan sha u, bad u la kylli ïa ki, “Hato phi ngeit ba nga lah ban pynkhiah ïa phi?” “Ho-oid, Kynrad!” ki la jubab.

MARKOS 5:23

bad u la kyrpad rit ïa u, “Ka khun rit jong nga ka pang jur. To sngewbha ban wan bad buh ïa la ki kti halor jong ka, khnang ba kan khiah bad ïoh im.”

LOUKAS 17:16

U la dem khrup ïa lade ha khyndew ha ki kjat jong U Jisu bad u la ainguh ïa u. Uta u briew u dei u nong Samaria.

LOUKAS 5:13

U Jisu u la kner ïa la ka kti bad u la ktah ïa u. “Nga mon,” u la jubab. “To long khuid!” Mar kumta hi ka jingpang ka la iehnoh ïa uta u briew.

DEUTERONOMI 24:8

“Haba phi pang 'ñiangthohlieh, phi dei ban leh thik kumba ki lyngdoh Lebi ki ong ïa phi, bad bud ïa ki jinghikai ïa kiba nga la ai ha ki.

HEBRU 7:25

Bad kumta u long uba lah, mynta bad borabor, ban pynim ïa kita kiba wan sha U Blei da u, namar u im junom ban ïasaid bad U Blei na ka bynta jong ki.

JOSHUA 5:14

“Ngam dei uno uno,” uta u briew u jubab. “Nga don hangne kum u rangbah ai hukum jong ka kynhun ïapom U Trai.” U Joshua u dem mane ngon ha khyndew bad u ong, “Bah, nga long u shakri jong phi. Aïu phi kwah ïa nga ban leh?”