LOUKAS 4:7 - Khasi CL Bible (BSI)

⁷ Kane baroh kan long ka jong me, te, lada me mane ïa nga.”

KA BAIBL

⁷ lada ma me, namar kata, men mane dem ha khmat jong nga, baroh kan long ka jong me.”

LOUKAS 4:7 Mawu Ofanana

SALM 72:11

Ki syiem baroh kin dem ngon ha khmat jong u, ki jaitbynriew baroh kin shakri ïa u.

ISAÏAH 45:14

U Trai u ong ïa ki Israel, “Ka spah ki Ijipt bad ki Sudan kan long ka jong phi, bad ki rangbah bajrong jong ka Seba kin long ki mraw jong phi; kin bud ïa phi ha ki kynjri. Kin dem ngon ha phi bad kin phla, ‘U Blei u don ryngkat bad phi — tang ma u, u long U Blei.

ISAÏAH 46:6

Ki briew ki plied ïa la ki pla pisa bad ki theh shabar ïa ka ksiar; ki thew ïa ka rupa ha ki tarajur. Ki ainong ïa u bania ban shna durblei; nangta ki dem ngon bad mane ïa ka!

MATHAÏOS 2:11

Ki la leit rung shapoh ka ïing, bad haba ki la ïohi ïa u khunlung lem bad ka kmie jong u ka Mari, ki la dem khohsiew bad ki la mane ïa u. Ki la sei ïa ki jingai sngewbha jong ki da ka ksiar, ka jingiwbih bad ka Mirr, bad ki la ai ïa ki ha u.

LOUKAS 17:16

U la dem khrup ïa lade ha khyndew ha ki kjat jong U Jisu bad u la ainguh ïa u. Uta u briew u dei u nong Samaria.

LOUKAS 4:6

“Ngan ai ha me ïa kane ka bor baroh bad ïa kane ka spah baroh,” u Soitan u la ong ïa u. “La ai ïa kane baroh ha nga, bad nga lah ban ai ïa ka ha uno uno uba nga jied.

LOUKAS 4:8

U Jisu u la jubab, “Ka Jingthoh Bakhuid ka ong, ‘To mane ïa U Trai uba U Blei jong me bad shakri tang ïa u!’ ”

LOUKAS 8:28

Haba u la ïohi ïa U Jisu, u la kyang jam, u la pyndem ïa lade ha ki kjat jong u, bad u la pyrta, “Ko Jisu, U Khun jong U Blei Uba Hakhlieh Tam Eh! Me kwah aïu bad nga? Nga kyrpad ïa me, wat pynshitom ïa nga!”

JINGPYNPAW 22:8

Ma nga, u Ïoannis, nga la ïohsngew bad la ïohi ïa kine kiei kiei baroh. Bad haba nga la dep ïohsngew bad ïohi ïa ki, nga la dem khrup ha ki kjat jong u angel uba la pyn-i ha nga ïa kine kiei kiei, bad nga la jan mane ïa u.

JINGPYNPAW 4:10

Haba ki leh kumta, kita ki arphew saw ngut ki nongsharai balang ki la dem khrup ha khmat uta uba shong halor ka khet, bad mane ïa u, uba im junom la junom. Ki bret ïa ki pansngiat jong ki ha khmat jong ka khet bad ki ong,

JINGPYNPAW 5:8

Katba u dang leh kumta, kita ki saw tylli ki jingthaw ba-im bad ki arphew saw ngut ki nongsharai balang ki la dem khrup ha khmat U Khunlangbrot. Uwei pa uwei u la don ka duitara bad ki pliang ksiar ba la pyndap da ka jingiwbih, kiba long ki jingduwai jong ki briew jong U Blei.