LOUKAS 22:44 - Khasi CL Bible (BSI)

⁴⁴ Ha ka jinglyng-a kaba khraw u la duwai kham jur shuh shuh; ka syep jong u ka la long kum ki jingjaw ka snam kaba hap ha madan.

KA BAIBL

⁴⁴ Te ba U don ha ka jingpisa mynsiem bajur, U la duwai kham shitrhem shibun eh: te ka syep jong U ka la long kum ki jingjaw ka snam kaba lang, ki da hap ha ka khyndew.

LOUKAS 22:44 Mawu Ofanana

ISAÏAH 53:10

U Trai u ong, “Ka dei ka mon jong nga ba un shah pynshitom; ka jingïap jong u ka long ka jingkñia ban wanrah ïa ka jingmap-ei. Bad kumta un ïohi ïa la ki khun ki ksiew; un ïoh ïa ka jingim kaba jlan, bad lyngba jong u ïa ka jingthmu jong nga yn pyndep.

SNGEWSYNEI 1:12

“Khmih sha nga!” ka pyrta sha uwei pa uwei uba ïaid lynti najan. “Ym don mano mano ba don ka jingpang kum ka jong nga, ka Jingpang kaba U Trai u la wallam halor jong nga ha ka por ka jingbitar jong u.

LOUKAS 22:45

Haba u la ïeng joit na ka jingduwai jong u, u la leit pat sha ki synran bad u la shem ïa ki ba ki ïohthiah, kiba la shoh lwait da ka jingsngewsih jong ki.

ÏOANNIS 12:27

“Mynta ka mynsiem jong nga ka pisa — bad aïu ngan ong? Hato ngan ong, ‘Ko Pa, wat ai ba kane ka kynta kan wan ha nga?’ Hynrei dei na ka bynta kata nga la wan — khnang ba ngan ïoh ïaid lyngba kane ka kynta jong ka jingshah shitom.

Ka Shithi U Paul Sha Ki Nong Rom 8:32

Da shisha ym U Blei, u bym shym la tyngkai wat ïa la u jong U Khun hi, hynrei uba la ai sngewbha ïa u na ka bynta jong ngi baroh! U la ai ha ngi ïa la U Khun — hato un ym ai sngewbha ïa kiei kiei baroh?

HEBRU 5:7

Ha ka jingim jong u ha kane ka pyrthei, U Jisu u la duwai bad khot kyrpad da kaba pyrta jam bad ïam ha khmat U Blei, uba lah ban pyllait ïa u na ka jingïap. Namar ba u long uba sngewrit bad aiti lut, U Blei u la shahshkor ïa u.