LOUKAS 2:14 - Khasi CL Bible (BSI)

¹⁴ “Ka burom ïa U Blei ha ki bneng kiba hajrong tam, bad ka jingsuk ha ka pyrthei ha kito kiba u sngewbha!”

KA BAIBL

¹⁴ “Ka burom ha U Blei ha kiba jrong tam eh, bad ha ka pyrthei ka jingsuk hapdeng ki briew ha kiba U sngewbha eh.”

LOUKAS 2:14 Mawu Ofanana

ISAÏAH 44:23

To risa da ka jingkmen, phi ki bneng! To risa, ko ki jaka bajylliew jong ka pyrthei! To risa da ka jingkmen, ko ki lumbah, bad man la u dieng jong ka khlaw! U Trai u la pyn-i ïa ka jingkhraw jong u da kaba u pynim ïa ki briew jong u ki Israel.

ISAÏAH 49:13

To rwai, ko ki bneng! Pyrta da ka jingkmen, ko ka pyrthei! To ai ba ki lumbah kin win ha ka jingrwai! U Trai un pyntngen ïa la ki briew; un don jingisynei ha ki briew jong u kiba jynjar.

ISAÏAH 57:19

Nga ai jingsuk ïa baroh, ïa kiba hajan bad ïa kiba sha jngai! Ngan pynkhiah ïa ki briew jong nga.

MIKAH 5:5

Haba ki Assyria ki hiarthma ïa ka ri jong ngi bad tur lyngba ki jingïada jong ngi, ngin phah ïa ki nongïalam bakhlaiñ tam ban ïaleh ïa ki.

MATHAÏOS 21:9

Ki paidbah kiba la ïaid ha khmat jong U Jisu bad kito kiba la bud nadien ki la sdang ban pyrta, “To ïaroh ïa U khun u Dabid! U Blei u kyrkhu ïa uta uba wan ha ka kyrteng jong U Trai! To ïaroh ïa U Blei!”

LOUKAS 1:79

bad ban tyngshaiñ na bneng halor kito baroh kiba im ha ka syrngiew ba-dum jong ka jingïap, ban ïalam ïa ki sien jam jong ngi ha ka lynti jong ka jingsuk.”

LOUKAS 19:38

“U Blei u kyrkhu ïa u syiem uba wan ha ka kyrteng jong U Trai! Ka jingsuk ha ki bneng bad ka burom ïa U Blei!”

LOUKAS 2:13

Kynsan ka kynhun bah jong ki angel ka bneng, ka la mihpaw lem bad u angel, ki da rwai ki jingïaroh ïa U Blei:

LOUKAS 2:15

Haba ki angel ki la leit noh pat na ki sha bneng, ki nongaplangbrot ki la ïa-ong para ma ki, “Ïa ngin ïaleit sha Bethlehem bad ban ïohi ïa kane kaei kaei kaba la lah jia, kaba U Trai u la ïathuh ha ngi.”

LOUKAS 3:22

bad U Mynsiem Bakhuid u la hiar halor jong u ha ka dur kum ka paro. Bad ka sur ka la wan na bneng, “Me long u khun ba-ieit jong nga. Nga la sngewbha bad me.”

ÏOANNIS 14:27

“Ïa ka jingsuk nga iehnoh ha phi, ïa ka jingsuk jong nga hi, nga ai ha phi. Ngam ai ïa ka kumba ka pyrthei ka ai. Wat sngewkhuslai bad sngewdiaw; wat sngewsheptieng.

ÏOANNIS 17:4

Nga la pynpaw ïa ka burom jong me ha ka pyrthei; nga la pyndep ïa ka kam kaba me la ai ha nga ban leh.

ÏOANNIS 3:16

Naba U Blei u la ieit katta katta ïa ka pyrthei kat haduh ba u la aiti noh ïa U Khun ba tang marwei jong u, ba uno uno uba ngeit ha u un ym ïap noh hynrei un ïoh ïa ka jingim bymjukut.

KI KAM 10:36

Phi tip ïa ka khubor kaba u la phah sha ki paid Israel, da kaba pynbna ïa ka Khubor Babha jong ka jingsuk lyngba U Jisu Khrist, uba long U Trai jong baroh.

Ka Shithi U Paul Sha Ki Nong Rom 5:1

Mynta ngi don ka jingïadei bad U Blei lyngba ka jingngeit, ngi don ka jingïasuk bad U Blei lyngba U Jisu Khrist uba U Trai jong ngi.

EPHESOS 1:6

To ngin ïaroh ïa U Blei namar ka jingaiei ba-dap da ka burom jong u, ïa ka jingai ei u la ai ha ngi ha U Khun uba ieit jong u!

EPHESOS 1:9

U Blei u la leh ïa kata ha ka jingstad bad jingïohi jong u baroh ïa kaei kaba u la thmu, bad u la pynpaw shynna ha ngi ïa ka jingthmu ba la buhrieh ïa kaba u la lah thmu lypa ban pyndep da U Khrist.

EPHESOS 2:4

Hynrei ka jingisynei U Blei ka shlei katta katta, bad ka jingieit jong u ïa ngi ka long kaba khraw katta katta,

EPHESOS 2:7

U la leh ïa kane ban pynpaw ha ki por baroh ki ban sa wan ïa ka jingkhraw tam eh ka jingaiei jong u ha ka jingieit ïa kaba u la pyn-i sha ngi ha U Khrist Jisu.

PHILIPPI 2:11

bad baroh kin pynbna shynna ba U Jisu Khrist u long U Trai, ïa ka burom U Blei uba U Kpa.

PHILIPPI 2:13

namar U Blei u trei borabor hapoh jong phi, ban pynlong ïa phi kiba don ka mon bad kiba lah ban kohnguh ïa ka jingthmu jong u hi.

KOLOSSAI 1:20

Da U Khun, te, U Blei u la kut jingmut ban wallam pat ïa ka jingpynlong baroh kawei sha lade hi. U Blei u la pynïasuk da ka jingïap U Khun jong u kum ka jingkñia halor ka diengphna bad kumta u la wallam pat sha lade hi ïa kiei kiei baroh, kiba ha ka pyrthei bad kiba ha bneng.

2 THESSALONI 2:16

Ai ba U Jisu Khrist Uba U Trai jong ngi da lade hi bad U Blei uba U Kpa jong ngi, uba la ieit ïa ngi, bad ha ka jingaiei jong u un ai ha ngi ka jingshlur baneh bad ka jingkyrmen baskhem,

JINGPYNPAW 5:13

Bad nga la ïohsngew ïa ki jingthaw baroh ha bneng, ha khyndew, ha ka pyrthei shapoh, bad ha ka duriaw — baroh kiei kiei kiba im ha ka pyrthei — bad ki ïarwai: “Ha uta uba shong halor ka khet bad ha U Khunlangbrot, long ka jingïaroh bad ka jingpyndonburom, ka burom bad ka bor, junom la junom!”