LOUKAS 18:12 - Khasi CL Bible (BSI)

¹² Nga shahjingit ar sien shi taïew, bad nga ai ha me kawei na ki shiphew jong ki jingïoh jong nga baroh.’

KA BAIBL

¹² Nga shah jingit ar sien shi taïew; nga ai kaba shiphew na kiei kiei baroh katba nga don.’

LOUKAS 18:12 Mawu Ofanana

2 SYIEM 10:16

da kaba ong, “Wan bad nga bad khmih da lade haduh katno nga long uba la aiti ha U Trai.” Bad ki la ïashong lang haduh Samaria.

ISAÏAH 1:15

“Haba pha rah ïa la ki kti ha ka jingduwai, ngan ym khmih ïa pha. Kam pher haduh katno pha duwai, ngan ym shahshkor, namar ïa ki kti jong pha la tap da ka snam.

MALAKHI 3:8

Nga kylli ïa phi, hato ka long kaba dei ba u briew un shukor ïa U Blei? Ha ka jingshisha ym dei, pynban phi shukor ïa nga. ‘Da kumno?’ phi kylli. Ha kaba ïadei shaphang kawei-na-kaba-shiphew bad ki jingainguh.

JINGKHEIÑ 18:24

Ki Lebi kin ym don ka jingdon jingem baneh ha Israel, namar nga la ai ha ki kum ka bynta jong ki ïa ka kaba shiphew ba ki Israel ki wanrah sha nga kum ka jingai kaba kyrpang. Dei namar kata ba nga la ïathuh ïa ki ba kin ym don ka jingdon jingem baneh ha Israel.”

JINGKHEIÑ 23:4

bad U Blei u ïakynduh ïa u. U Balaam u ong ha u, “Nga la tei hynñiew tylli ki duwan bad nga la kñia uwei u masi kyrtong bad uwei u langbrot ha kawei kawei na ki.”

MATHAÏOS 5:20

Kumta, nga ong ïa phi, ba phin lah ban rung shapoh ka Hima ki bneng tang lada phi ïaineh skhem kham palat ban ïa ki nonghikai Aiñ bad ki Pharisi ha kaba leh ïa kaei kaba U Blei u dawa.

MATHAÏOS 6:1

“Da pynthikna ba phin ym leh ïa ki kam niam jong phi ha kaba paw khnang ba ki briew kin ïohi ïa kaei kaba phi leh. Lada phi leh ïa kine kiei kiei ha kaba paw, phin ym ïoh kano kano ka nong na U Kpa jong phi uba ha bneng.

MATHAÏOS 6:16

“Bad haba phi shahjingit, wat leh 'mat sngewsih kumba ki riewarsap ki leh. Kim kheiñ ïa kaba paw shabar jong ki khnang ba baroh kin ïohi ba ki shahjingit. Nga pynthikna ïa phi, ki la ïoh lypa ïa ka jingsiew kaba pura.

MATHAÏOS 6:5

“Haba phi duwai, wat long kum ki riewarsap! Ki ieit ban ïeng bad duwai ha ki synagog bad ha ki kyndong surok, khnang ba baroh kin ïohi ïa ki. Nga pynthikna ïa phi, ki la ïoh lypa ïa ka jingsiew kaba pura.

MATHAÏOS 9:14

Nangta ki nongbud jong U Ïoannis u Nongpynbaptis ki la wan sha U Jisu, ki da kylli, “Balei ba ma ngi bad ki Pharisi ngi shahjingit bunsien, hynrei ki synran jong me kim ju shahjingit da lei lei?”

LOUKAS 11:42

“A katno kaba shyrkhei ïa phi ki Pharisi! Phi ai sha U Blei ïa kawei na ki shiphew jong ki jhur pynbang jingbam, kum u pudina bad u rue bad baroh kiwei pat ki jait jhur, hynrei phi leh klet ïa ka jinglehhok bad ka jingieit ïa U Blei. Ïa kine phi la dei ban leh, khlem da leh klet ïa kiwei pat.

LOUKAS 17:10

Ka long kumjuh bad phi; haba phi la pyndep ïa baroh kaba la bthah ïa phi ban leh, to ong, ‘Ngi long ki tang ki shakri, ngi la pyndep tang ïa ka kamram jong ngi.’ ”

Ka Shithi U Paul Sha Ki Nong Rom 3:27

Ïa kaei te, ngi lah ban sngewsarong? Yn don ei ei! Bad kaei ka daw na ka bynta kane? Hato ka dei ba ngi kohnguh ïa ka Hukum? Em, hynrei ka dei ïa kata kaba ngi ngeit.

1 KORINTH 1:29

Kane ka mut ba ym don uba lah ban sngewsarong ha khmat jong U Blei.

GALATIA 1:14

Nga la long uba ha khmat tam ïa kiba bun ki para Jiw kiba ïaryngkat rta bad nga ha kaba bud pyrkhing ïa ka niam Jiw, bad nga la kham pynleit jingmut shibun ha ki rukom pateng jong ki kpa tymmen jong ngi.

1 TIMOTHI 4:8

Ka jingpynmlien ïa ka met ka ai katto katne ka jingbha, hynrei ka jingpynmlien ba kynja mynsiem ka pynmyntoi ha ki liang baroh, namar ka kular ïa ka jingim ha ka mynta bad ha ka lawei.

1 SAMUEL 15:13

U Samuel u la leit sha u Saul, uba la khublei ïa u, da kaba ong, “U Trai u kyrkhu ïa phi, Samuel! Nga la kohnguh ïa ka hukum U Trai.”