LOUKAS 13:6 - Khasi CL Bible (BSI)

⁶ Nangta U Jisu u la ïathuh ha ki ïa kane ka pharshi: “La don shisien uwei u briew uba la don uwei u diengsoh Dumbur uba mih ha ka bri sohwaiñ jong u. U la leit khmih soh Dumbur ha u hynrei um shem ei ei.

KA BAIBL

⁶ U la kren ïa kane ka pharshi: “Uwei u briew u la don u dieng Dumbur ïa uba u la thung ha ka brisoh jong u; bad u la wan wad soh ha u, te um shem ei ei.

LOUKAS 13:6 Mawu Ofanana

JEREMAÏAH 2:21

Nga la thung ïa me kum ïa u dieng sohwaiñ ba la jied na u symbai uba bha tam. Hynrei ha khmih me la kylla long uei! Me la long kum u dieng sohwaiñ uba pyut bad u bymdondor ei ei.

JEREMAÏAH 8:13

“Nga la kwah ban lumlang ïa ki briew jong nga, kumba u briew u lumlang ïa ka jingot jong u; hynrei ki long kum u dieng sohwaiñ khlem ki sohwaiñ, kum u diengsoh Dumbur khlem ki soh Dumbur; wat ki sla ki la jlop. Namar kata, nga la shah ïa kiba nabar ban shim noh ïa ka ri.”

LOUKAS 13:5

Em, ym kumta! Bad nga ong ha phi ba lada phim phai noh na ki pop jong phi, phi baroh phin ïap kum ma ki.”

LOUKAS 3:9

U sdie u la khreh ban khet ïa ki dieng na ki thied; ïa uno uno u dieng baroh u bym sei u soh babha yn khet noh bad bret ha ka ding.”

ÏOANNIS 15:16

Phim shym la jied ïa nga; nga la jied ïa phi bad nga la thung ïa phi ban leit bad ban seisoh shibun, u jait soh uba ïaineh. Bad kumta U Kpa un ai ha phi ïa kaei kaei kaba phi pan na u ha ka kyrteng jong nga.

GALATIA 5:22

Hynrei U Mynsiem u pynmih ïa ka jingieit, ka jingkmen, ka jingsuk, ka jingïaishah, ka jinglehsbun, ka jingbha, ka jingïaineh, ka jingsngewrit, bad ka bor halor lade.

PHILIPPI 4:17

Ym dei tang namar ba nga shu kwah ban ïohpdiang ïa ki jingai sngewbha jong phi; pynban, nga kwah ban ïohi ba la pynlang ïa ka jingïohnong ha ka jingbuh jingkheiñ jong phi.

NONGBISHAR 9:11

Hynrei u dieng Dumbur u ong, ‘Na ka bynta ban synshar ïa phi, ngan hap ban sangeh ban pynmih ki soh thiang babha.’