LOUKAS 13:27 - Khasi CL Bible (BSI)

²⁷ Hynrei un ong biang, ‘Ngam ithuh nangno phi ïawan. Khie leit noh na nga, phi baroh ki briew kiba bymman!’

KA BAIBL

²⁷ Hynrei, un ong, ‘Nga ong ïa phi, ngam ithuh ïa phi, phi nangno; khie leit noh na nga, phi baroh ki nongkam bymman.’

LOUKAS 13:27 Mawu Ofanana

SALM 1:6

Ïa kiba hok la ïalam lynti bad ïada da U Trai, hynrei kiba sniew ki don ha ka lynti sha ka jingjot jong ki.

SALM 101:8

Na kawei ka sngi sha kawei pat ngan pynjot ïa u bymman ha ka ri jong ngi; ngan beh noh ïa baroh ki briew kiba sniew na ka nongbah jong U Trai.

SALM 119:115

Khie leit noh na nga, phi ki briew kiba pop. Ngan kohnguh ïa ki hukum jong U Blei jong nga.

SALM 125:5

Hynrei haba me pynshitom ïa ki bymman, to pynshitom ruh ïa kito kiba lyndet ïa ki lynti jong me. To long ka jingsuk ïa ki Israel!

SALM 28:3

Wat pynrem ïa nga ryngkat bad ki bymman, lem bad kito kiba leh ïa kaba sniew — kito ki briew kiba ki ktien jong ki, ki long kiba sngewieit, hynrei kiba don ka jingbishni ha la ki dohnud.

SALM 5:6

Me pynjot ïa ki nongkren lamler baroh bad me isih ïa riewlehbor, ïa ki riewshukor.

SALM 6:8

Kiar noh na nga, phi ki riewbymman! U Trai u shahshkor ïa ka jingïam jong nga;

HOSIA 9:12

Hynrei wat la ki ïoh pynheh pynsan ïa la ki khun, ngan shim noh ïa ki bad ngan ym pynsah im uwei ruh. Haba ngan iehnoh noh ïa kine ki briew, kiei kiei kiba shyrkhei kin wan jia ha ki.”

MATHAÏOS 25:12

‘Da lei lei ruh em! ngam ithuh ïa phi,’ u nongleitkurim u la jubab.”

MATHAÏOS 25:41

“Nangta un ong ha kito kiba ha ka liang kadiang jong u, ‘Khie leit noh na nga, phi kiba hapoh ka jingtim jong U Blei! Khie leit noh sha ka ding bymjukut ïa kaba la pynkhreh na ka bynta u Ksuid bad ki angel jong u!

LOUKAS 13:25

U kynrad jong ka ïing un khie bad un khang ïa ka jingkhang; nangta haba phi ïeng shabar bad sdang ban tied ha ka jingkhang bad ong, ‘To plie ïa ka jingkhang na ka bynta jong ngi, ko kynrad!’ Un jubab ïa phi, ‘Ngam ithuh ïa phi nangno phi ïawan!’

1 KORINTH 8:3

Hynrei ïa u briew uba ieit ïa U Blei la ithuh da u.

GALATIA 4:9

Hynrei mynta ba phi la ithuh ïa U Blei — lane, nga dei ban ong, mynta ba U Blei u la ithuh ïa phi — kumno ka long kata ba phi dang kwah ban phai pat sha kita ki bor mynsiem kiba tlot bad kiba isangsot? Balei phi kwah ban long mraw pat sa shisien ha ki?

2 TIMOTHI 2:19

Hynrei ïa ka nongrim baskhem kaba U Blei u la buh ym lah ban pynkhih; bad halor jong ka la thoh ïa kine ki ktien: “U Trai u ithuh ïa kito kiba dei ki jong u” bad “Baroh kiba ong ba ki dei ki jong U Trai ki dei ban phai noh na kaba leh bymdei.”