LOUKAS 12:28 - Khasi CL Bible (BSI)

²⁸ U long U Blei uba pynkup ïa u phlang khlaw — u phlang uba don hangne mynta bad uba jah noh la shai, ïa uba la thang noh ha ka lawar ding. Hato Un ym jin da la thikna ban pynkup jaiñ ïa phi? A katno kaba rit ka jingngeit phi don!

KA BAIBL

²⁸ Lada U Blei te u pynkup kumta ïa u phlang, uba mynta u long, lashai te la bred ha ka lawar ding, kaba katno tam un pynkup ïa phi, A phi kiba rit ka jingngeit?

LOUKAS 12:28 Mawu Ofanana

ISAÏAH 40:6

Ka sur ka pyrta jam, “To pynbna ïa ka khubor!” “Ka khubor aïu ngan pynbna?” nga kylli. “To pynbna ba ki briew baroh ki long kum u phlang; kin ym neh skhem ban ïa ki syntiew khlaw.

MATHAÏOS 14:31

Shisyndon U Jisu u la kner bad u la batskhem ïa u bad U la ong, “Katno kaba rit ka jingngeit me don! Balei ba me artatien?”

MATHAÏOS 16:8

U Jisu u la tip ïa kaei kaba ki la ïakren, kumta u la kylli ïa ki, “Balei ba phi ïakren para ma phi shaphang ka jingbymdon jingbam ei ei? Katno kaba rit ka jingngeit phi don!

MATHAÏOS 17:17

U Jisu u la jubab, “A katno ki bymngeit bad kiba bakla phi ki briew phi long! Sa katno nga dei ban dang don bad phi? Sa katno ngan dang ïaishah ïa phi? To wallam ïa u khynnah shane sha nga!”

MATHAÏOS 17:20

“Ka la long namar phim don ka jingngeit kaba biang,” la jubab U Jisu. “Nga pynthikna ïa phi ba lada phi don ka jingngeit kaba heh kat u symbai tyrso, phi lah ban ong ïa une u lumrit, ‘Khie leit noh nangne shatai!’ bad un leit. Phi lah ban leh ïa kano kano!”

MATHAÏOS 6:30

U long U Blei uba pynkup ïa u phlang khlaw — u phlang uba don hangne mynta bad u bym don shuh lashai, uba la thang duh ha ka lawar ding. Hato un ym da la kham leh thikna ban pynkup jaiñ ïa phi? Katno kaba rit ka jingngeit phi don!

MATHAÏOS 8:26

“Balei ba phi sheptieng haduh katne?” U Jisu u la jubab. “Katno kaba rit ka jingngeit phi don!” Nangta u la khie joit bad u la hukum ïa ki lyer bad ïa ki jingat phyllung ban sangeh, bad ka la don ka jingjai jai kaba khraw.

LOUKAS 8:25

Nangta u la ong ha ki synran jong u, “Hangno ka jingngeit jong phi?” Hynrei ki la sngewlyngngoh bad sheptieng, bad ki la ong uwei ïa uwei pat, “Une u briew uba kumno? U ai hukum ïa ki lyer bad ïa ki jingat phyllung, bad ki kohnguh ïa u!”

HEBRU 6:7

U Blei u kyrkhu ïa ka khyndew kaba kjit noh ïa u slap uba hap bunsien ha ka bad kaba pynmih ïa ki jingthung kiba ai jingmyntoi na ka bynta kita kiba rep ha ka.

1 PETROS 1:24

Kumba ka Jingthoh Bakhuid ka ong: “Ki briew baroh ki long kum u phlang, bad ka burom jong ki baroh kum ki 'tiewkhlaw. U phlang u ïapstai noh, bad ki syntiew ki tlor noh,