LEBITIKOS 9:10 - Khasi CL Bible (BSI)

¹⁰ Nangta u thang ha ka duwan ïa ka khleiñ, ïa ki khyllai, bad ïa ka bynta bakynsai tam jong u dohnud, kumba U Trai u la hukum ïa u Moses.

KA BAIBL

¹⁰ hynrei, u la thang halor kata ka duwan ïa ka khleiñ, bad ïa ki khyllai, bad ïa ka sbiar kaba halor u dohnud kiba na ka jingkñia namar ka pop; kumba u la lah hukum U Trai ïa u Moses.

LEBITIKOS 9:10 Mawu Ofanana

SALM 51:17

Ka jingkñia jong nga ka long ka mynsiem kaba sngewrit, A Blei; men ym kyntait ïa ka dohnud kaba sngewrit bad ba la kylla-kaba-mut.

EKSODOS 29:13

Nangta pat, weng noh ïa ka khleiñ baroh kaba sop ïa ki snier, ïa u dohnud, bad ïa ki khyllai baroh ar lem bad ka khleiñ kaba sop ïa ki, bad thang ïa ki ha kata ka duwan kum ka jingainguh ïa nga.

PROBERB 23:26

Ko khun, to shahshkor bha, bad shah ba ka jingim jong nga kan long ka nuksa ïa phi.

ISAÏAH 53:10

U Trai u ong, “Ka dei ka mon jong nga ba un shah pynshitom; ka jingïap jong u ka long ka jingkñia ban wanrah ïa ka jingmap-ei. Bad kumta un ïohi ïa la ki khun ki ksiew; un ïoh ïa ka jingim kaba jlan, bad lyngba jong u ïa ka jingthmu jong nga yn pyndep.

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

ISAÏAH 66:2

Ma nga hi nga la thaw ïa ka pyrthei baroh kawei! Nga shem sngewbha bad kito kiba sngewrit bad kiba kylla-kaba-mut, kiba sheptieng ïa nga bad kiba kohnguh ïa nga.

LEBITIKOS 9:11

Hynrei ïa ka doh bad ïa ka snieh u thang shabar ka jaka shong dara.

LEBITIKOS 9:9

Ki khun shynrang jong u ki wanrah ïa ka snam, bad u wieh ïa la ka shynriah'ti ha ka, bad u tah ïa ka ha ki reng kiba ha ki dong jong ka duwan, bad u theh ïa kaba sah baroh ha trai ka duwan.