LEBITIKOS 7:16 - Khasi CL Bible (BSI)

¹⁶ Lada u briew u wanlam ïa ka jingainguh ïasyllok ban pyndep ïa la ka jingkular lane kum ka jingainguh mon sngewbha jong u hi, ym da donkam ban bam lut ïa ka ha kajuh ka sngi ba la kñia; hynrei ïa kaba sah lah ban bam ha ka sngi kaba bud.

KA BAIBL

¹⁶ Hynrei, lada ka jingkñia ka jingainguh jong u ka long ka kular, lane ka jingainguh sngewbha, ka dei ban bam ïa ka ha kata ka sngi ba u ainguh ïa la ka jingkñia: bad ha kaba lashai ruh yn bam ïa kaba sah tam na ka,

LEBITIKOS 7:16 Mawu Ofanana

SALM 116:14

Ha ka jingïaseng lang jong ki briew jong u baroh ngan ai ha u ïa kaei kaba nga la kular.

SALM 116:18

Ha ka jingïaseng lang jong ki briew jong me baroh, ha ka jaka kyntang jong ka Templ jong me ha Jerusalem, ngan ai ha me ïa kaei kaba nga la kular. A to ïaroh ïa U Trai!

SALM 66:13

Ngan wallam ki jingainguh thang sha ka ïing jong me, ngan ai ha me ïa kaei kaba nga la kular.

EKSODOS 35:29

Ki paid Israel baroh, shynrang bad kynthei, kiba sngewkynduh ki wallam mon sngewbha ïa ka jingainguh jong ki sha U Trai na ka bynta kata ka kam kaba u la hukum ïa u Moses ban leh.

PROBERB 7:14

“Nga la ai ki jingainguh mynta, bad nga don ki doh kñia.

ESEKIEL 46:12

“Haba u khun syiem uba synshar u kwah ban ai ka jingainguh da ka mon sngewbha sha U Trai, da ka jingainguh ban shu thang tylli ne ka jingainguh ïasyllok, ka khyrdop bashaphang mihngi kaba ïalam sha ka phyllaw kaba shapoh, yn plie na ka bynta jong u. Un pynlong ïa ka jingainguh ha kajuh ka rukom ba u leh ha ka sngi Sabbaton, bad ïa ka khyrdop yn khang hadien ba u mih biang shabar.”

LEBITIKOS 22:23

Phi lah ban kñia ainguh ïa u jingri uba raid lane u bym shong beit ka met ka phad kum ka jingainguh sngewbha, hynrei yn ym pdiang ïa u haba pyndep ïa kano kano ka jingkular.

LEBITIKOS 22:29

Haba phi pynlong ïa ka jingkñia ainguh sngewbha sha U Trai, bud beit ïa ki rukom lehniam khnang ba yn pdiang hun ïa phi.

LEBITIKOS 23:38

Kine ki Jingkhawai Niam ki long nalor ki Sabbaton ba ju rakhe, bad kine ki jingainguh ki long nalor ki jingai kiba phi ju ai, ki jingainguh ban pyndep ïa ka kular, bad ki jingainguh mon sngewbha jong phi sha U Trai.

NAHUM 1:15

Ha khmih, u nonglamktien u wan halor ki lumbah lem bad ka khubor kaba bha! U don ha la ka lynti ban pynbna ïa ka jingjop! Ko ki paid Judah, to rakhe ïa ki Jingkhawai Niam jong phi bad to ai ha U Blei ïa kaei kaba phi la kular kyntang ha u. U bymman da lei lei ruh un ym hiarthma shuh ïa ka ri jong phi. La pynjot thiaw ïa ki baroh!

JINGKHEIÑ 15:3

Ïa u masi, u langbrot, ka langbrot lane ka blang lah ban wanrah ha U Trai kum ka jingainguh thang lane kum ka jingkñia ha kaba pyndep ïa ka jingsmai lane kum ka jingainguh mon sngewbha lane kum ka jingainguh ha ki Jingkhawai Niam kiba man ka por; ka jingiw jong kine ki jingainguh bam ka pynsngewbha ïa U Trai.

DEUTERONOMI 12:11

U Trai un jied tang kawei ka jaka ha kaba yn mane ïa u, bad hangta phi dei ban wanrah sha u ïa kata baroh kaba nga la hukum: ïa ki jingainguh thang bad ki jingkñia jong phi, ïa kawei na ka shiphew bad ki jingainguh jong phi, bad ïa kita ki jingai sngewbha ba phi la kular sha U Trai.

DEUTERONOMI 12:17

Phim bit ban bam ha ki jaka ba phi shong ïa kata kaba phi wanrah sha U Trai, la ka dei kaba shiphew na u kew, na ka waiñ, ne na ka umphniang Olib jong phi; lane kiba la kha nyngkong na ki masi bad ki langbrot jong phi, ki jingai sngewbha ba phi la kular ha U Trai, ki jingainguh mon sngewbha jong phi, lane kiwei kiwei pat ki jingainguh.

DEUTERONOMI 12:26

Leit rah ïa ki jingainguh jong phi bad ïa ki jingai sngewbha ba phi la kular sha U Trai tang sha kata ka jaka mane Blei.

DEUTERONOMI 12:6

Shata phi dei ban leit rah ïa ki jingainguh thang bad ki jingkñia jong phi, ïa kawei-na-kaba-shiphew jong phi, bad ïa ki jingainguh jong phi, ïa ki jingai sngewbha ba phi kular ïa U Trai, ïa ki jingainguh mon sngewbha jong phi, bad ïa kiba la kha nyngkong na ki masi bad ki langbrot jong phi.