LEBITIKOS 6:16 - Khasi CL Bible (BSI)

^16-17 Ki lyngdoh kin bam ïa kaba sah baroh. Yn pynlong ïa u kpu ba la shet khlem thiat bad ban bam ha ka jaka bakhuid, ka phyllaw jong ka Ïingjaiñ ka Jingdon Ryngkat U Trai. U Trai u la ai ha ki lyngdoh kum ka bynta jong ki na kata ka jingainguh bam. Ka long kaba khuid, kumba long ki jingainguh namar ka pop bad ki jingainguh namar ki jingleh palat.

KA BAIBL

¹⁶ Bad ïa kaba dang sah na ka kin ïabam u Aaron bad ki khun shynrang jong u: bad u kpu bakhlem thiat ka dei ban bam ïa ka ha ka jaka kyntang; ha phyllaw Ka Tabernakl ka jingïaseng kin ïabam ïa ka.

LEBITIKOS 6:16 Mawu Ofanana

2 KHRONIKL 31:14

U Kore u khun jong u Imnah, u Lebi uba long u rangbah ap phira ha ka Khyrdop Mihngi jong ka Templ, u long u khlieh ha ka jingpdiang ïa ki jingai ba ai sha U Trai bad ha kaba sam ïa ki.

EKSODOS 12:8

Ha kata ka miet, ïa ka doh dei ban syang, bad bam ïa ka lem bad u kpu khlem thiat bad ki jhur kthang.

ESEKIEL 44:29

Ki jingkñia ainguh, ki jingkñia pop bad ki jingkñia na ka bynta ban siew pat, kin long ki jingbam jong ki lyngdoh, bad ki kin ïoh ïa kiei kiei baroh ha Israel ïa kiba la pynkyrpang na ka bynta jong nga.

LEBITIKOS 2:3

Kaba sah na kata ka jingainguh bam ka long ka jong ki lyngdoh; ka long kaba khuid bha, namar la shim ïa ka na ka jingbam ba la ainguh sha U Trai.

LEBITIKOS 5:13

Ha kane ka rukom u lyngdoh un ai ïa ka jingkñia namar ka pop ba uta u briew u la leh, bad yn map ïa u. U purew uba dang sah un long jong u lyngdoh, kumba ka long ha ka jingkñia ainguh bam.

LEBITIKOS 6:23

Ym dei ban bam ïa kano kano ka bynta jong ka jingainguh bam ba u lyngdoh u wanrah, ïa baroh dei ban thang lut khoit.

LEBITIKOS 6:26

U lyngdoh uba kñia ïa uta u mrad un bam ïa u ha ka jaka bakhuid, ha ka phyllaw jong ka Ïingjaiñ ka Jingdon Ryngkat U Trai.

JINGKHEIÑ 18:8

U Trai u ong ha u Aaron, “Da kynmaw ba nga la ai ha me ïa ki jingainguh kiba kyrpang kiba la ai ïa nga ki bym dei kiba la thang kum ki jingkñia. Nga la ai ïa ki ha me bad ha ki khun ki ksiew jong me kum ka bynta ba la ai ha me junom la junom.

1 KORINTH 5:8

To ngin rakhe ïa ka Jingkhawai Niam, te, ym da u kpu uba don u thiat uba rim jong ka pop bad ka jingbymman, hynrei da u kpu u bym don thiat, u kpu jong ka jingkhuid bad ka jingshisha.