LEBITIKOS 5:7 - Khasi CL Bible (BSI)

⁷ Lada u briew um kotbor ban wallam da ka langbrot ne da ka blang, un wanrah sha U Trai ar tylli ki paro ne ar tylli ki lyngdkhur kum ka jingpli ïa la ka pop, kawei na ka bynta ka jingkñia namar ka pop bad kawei pat na ka bynta ka jingkñia ainguh thang.

KA BAIBL

⁷ “ ‘Te lada ka kti jong u kam lah kot haduh i khun langbrot, ka dei ba un wan ai ha U Trai namar ka jingpalat jong u ba u la leh, da ar tylli ki lyngdkhur, lane ar tylli ki sohlyngngem; kawei ïa ka ban long ka jingkñia namar ka pop, bad kawei pat ïa ka ban long ka jingkñia ainguh thang.

LEBITIKOS 5:7 Mawu Ofanana

LEBITIKOS 12:6

Ynda ka por pynkhuid ïa ka, ka la kut, la ka long na ka bynta u khun ne ka khun, ka dei ban wallam sha u lyngdoh ha ka jingkhang jong ka Ïingjaiñ ka Jingdon Ryngkat U Trai ïa u khunlangbrot uba shisnem kum ka jingainguh thang bad ïa ka lyngdkhur ne ka paro kum ka jingainguh namar ka pop.

LEBITIKOS 12:8

Lada kata ka kynthei kam lah ban ai ïa u khunlangbrot, kan wallam ar tylli ki lyngdkhur ne ar tylli ki paro, kawei na ka bynta ka jingkñia ainguh thang bad kawei pat na ka bynta ka jingkñia ainguh namar ka pop bad u lyngdoh un pynlong ka jinglehniam ban shim noh ïa ka jingbymkhuid jong ka, bad kan sa long kaba la pynkhuid.

LEBITIKOS 14:30

Nangta un kñia ïa kawei na kita ki paro lane ki lyngdkhur

LEBITIKOS 14:31

kum ka jingkñia namar ka pop, bad ïa kata kawei pat kum ka jingainguh thang ryngkat bad ka jingainguh bam. Kumne keiñ uta u lyngdoh un pyndep ïa ka niam ka rukom kaba ïadei bad ka jingpynkhuid.

LEBITIKOS 15:30

U lyngdoh un kñia ïa kawei na ki kum ka jingkñia namar ka pop bad kawei pat kum ka jingainguh thang, bad ha kata ka rukom un pyndep ïa ka jinglehniam kaba ïadei bad ka jingpynkhuid ïa ka.

LEBITIKOS 16:5

Ki Israel ki dei ban ai ïa u Aaron ar tylli ki 'langsohmoh ban pynlong ka jingkñia namar ka pop, bad uwei u langbrot na ka bynta ka jingkñia thang.

LEBITIKOS 27:8

Lada uta u briew uba ai ïa ka kular um kotbor ban siew ïa kata ka dor kumba la pynshong, yn wan ïalam ïa uta u briew sha u lyngdoh, bad u lyngdoh un pynduna ïa ka dor kat kum ka bor ba u briew u lah ban siew.

LEBITIKOS 5:11

Lada u briew um kotbor ban wanrah ar tylli ki paro ne ar tylli ki lyngdkhur, un wallam shi kilo u 'purew kum ka jingkñia namar ka pop. Um dei ban theh kano kano ka umphniang Olib ne kano kano ka jingiwbih halor jong u, namar ka dei ka jingkñia namar ka pop, ym ka jingkñia bam.

LEBITIKOS 7:1

Kine harum ki long ki jingbuhbeit ryntih kiba ïadei bad ki jingkñia namar ki jingleh palat, kiba khuid bha.

LEBITIKOS 9:3

Nangta ong ïa ki paid Israel ban wallam ïa uwei u 'langsohmoh ban pynlong ka jingkñia namar ka pop, uwei u khun masi uba shisnem, bad uwei u khunlangbrot uba shisnem, ki bym don kano kano ka jingduna, ban pynlong ka jingkñia ainguh thang,

JINGKHEIÑ 5:6

ïa kine ki jingbthah na ka bynta ki Israel. Haba uno uno na phi u lyndet ïa U Trai bad u leh bymdei ïano ïano,

JINGKHEIÑ 6:10

Ha ka sngi kaba phra un wallam ar tylli ki paro ne ki lyngdkhur sha u lyngdoh ha ka jingkhang ka Ïingjaiñ ka Jingdon Ryngkat U Trai.

JINGKHEIÑ 6:11

U lyngdoh un ainguh ïa kawei na ki kum ka jingkñia namar ka pop, bad ïa kawei pat kum ka jingainguh thang, khnang ban pyndep ïa ka jinglehniam ka jingpynkhuid ïa u namar ba u la ktah ïa ka metïap. Ha kata kajuh ka sngi, un pynkyntang biang ïa la u shñiuh,

MATHAÏOS 10:16

“To shahshkor! nga phah noh ïa phi kum ki langbrot sha ka kynhun ki suri. Phi dei ban phikir kum ki bseiñ bad kiba jemnud kum ki paro.

MATHAÏOS 21:12

U Jisu u la leit shapoh ka Templ bad u la beh noh ïa baroh kito kiba ïadie bad kiba ïathied hangta. U la pynkylla khongpong ïa ki miej jong ki nongïapeiñ sbai bad ïa ki jaka shong jong kito kiba die paro,

MATHAÏOS 3:16

Hadien ba U Jisu u la shah pynbaptis, u la wan kiew noh na ka um. Nangta ïa ka bneng la plie ha u, bad u la ïohi ïa U Mynsiem jong U Blei uba wan hiar kum ka paro bad ka da wan shong halor jong u.

LOUKAS 2:24

Ki la leit ruh ban ai jingkñia da shi jur ki lyngdkhur lane ar tylli ki khun paro, kumba la dawa da ka aiñ jong U Trai.

2 KORINTH 8:12

Lada phi thrang ban ai, U Blei un pdiang ïa ka jingai jong phi ha ka nongrim jong kaei kaba phi dei ban ai, ym halor kaei kaba phim don.