LEBITIKOS 4:31 - Khasi CL Bible (BSI)

³¹ Nangta un weng ïa ka khleiñ jong ka baroh, kumba ju weng ïa ka khleiñ na ki mrad ba la pynïap na ka bynta ki jingainguh ïasyllok, bad un thang ïa ka ha ka duwan, khnang ba ka jingiw na ka kan pynsngewbha ïa U Trai. Ha kane ka rukom u lyngdoh un ai ïa ka jingkñia namar ka pop jong uta u briew, bad yn map ïa u.

KA BAIBL

³¹ Bad un weng noh ïa ka khleiñ jong ka baroh, kumba ju weng ïa ka khleiñ na ka jingkñia bapynïasuk; hadien kata, uta u lyngdoh un thang ïa ka halor kata ka duwan, ïa ka ban long ka jingiw baiwbih ha U Trai; bad uta u lyngdoh un pynlong ka jingpynïasuk na ka bynta jong u, ynda kumta, yn map noh ïa u.

LEBITIKOS 4:31 Mawu Ofanana

JENESIS 8:21

Ka jingiw jong ka jingkñia ainguh ka la pynsngewbha ïa U Trai, bad U la ong ha lade, “Lano lano ruh ngan ym buh ïa ka pyrthei hapoh ka jingtim namar kaei kaba ki briew ki leh; nga tip ba naduh ba ki dang samla, ki jingpyrkhat jong ki, ki long kiba sniew. Lano lano ruh ngan ym pynjot shuh ïa ki jingthaw ba-im baroh, kumba nga la leh ha kane ka sien.

ESRA 6:10

Ïa kane dei ban leh khnang ba ki lah ban ai ki jingkñia ba pdiang hun ha U Blei jong ka Bneng bad duwai ïa ka jingkyrkhu jong u halor jong nga bad ki khun shynrang jong nga.

Ka Kitab U Job 42:8

Mynta shim hynñiew tylli ki masi lyngraw bad hynñiew tylli ki langbrot shynrang bad leit sha u Job bad ai ïa ki kum ka jingkñia na ka bynta ïa lade. U Job un duwai na ka bynta jong me, bad ngan jubab ïa ka jingduwai jong u bad ngan ym pynjahburom ïa me kumba ka dei hok ïa me. Mem shym la kren ïa ka jingshisha shaphang jong nga kumba u la leh.”

EKSODOS 29:18

Thang ïa uta u langbrot baroh uwei ha kata ka duwan kum ka jingainguh bam. Ka jingiwbih jong kane ka jingainguh ka pynsngewbha ïa nga.

ISAÏAH 42:21

U Trai u long U Blei uba kwah eh ban pynim, kumta u kyntiew ïa ki aiñ bad ki jinghikai jong u, bad u kwah ba ki briew jong u ki burom ïa ki.

ISAÏAH 53:10

U Trai u ong, “Ka dei ka mon jong nga ba un shah pynshitom; ka jingïap jong u ka long ka jingkñia ban wanrah ïa ka jingmap-ei. Bad kumta un ïohi ïa la ki khun ki ksiew; un ïoh ïa ka jingim kaba jlan, bad lyngba jong u ïa ka jingthmu jong nga yn pyndep.

LEBITIKOS 1:13

Uta u briew u dei ban sait ïa ki snier bad ïa ki kjat-dien, bad u lyngdoh un ai ïa kata ka jingkñia sha U Trai, bad thang ïa ka baroh halor ka duwan. Ka jingiw jong kane ka jingainguh bam ka long kaba pynsngewbha ïa U Trai.

LEBITIKOS 1:17

Un bat na ki thapniang jong ka bad un kad ïa ka met jong ka khlem da pyndkut ïa kita ki thapniang, bad nangta un thang tylli ïa ka ha ka duwan. Ka jingiw jong kane ka jingainguh bam ka long kaba pynsngewbha ïa U Trai.

LEBITIKOS 1:9

Uta u briew un sait ïa ki snier bad ki kjat-dien, bad u lyngdoh uba ïarap un thang ïa ka jingkñia baroh halor ka duwan. Ka jingiw jong ka jingainguh bam ka long kaba pynsngewbha ïa U Trai.

LEBITIKOS 14:18

Ïa ka umphniang kaba dang sah ha ka sla'ti un kyllan ha ka khlieh jong uta u briew. Kumne keiñ u lyngdoh un pyndep ïa ka rukom lehniam kaba ïadei bad ka jingpynkhuid.

LEBITIKOS 15:15

U lyngdoh un kñia ïa kawei na ki kum ka jingkñia namar ka pop bad ïa kawei pat kum ka jingainguh thang. Ha kane ka rukom un pyndep ïa ka jinglehniam kaba ïadei bad ka jingpynkhuid ïa uta u briew.

LEBITIKOS 19:22

bad da uta, u lyngdoh un pyndep ïa ka jinglehniam ka jingpynkhuid ban weng noh ïa ka pop jong uta u briew, bad U Blei un map ïa u.

LEBITIKOS 2:2

U lyngdoh uba ïarap un shim shi kham uta u 'purew bani ryngkat bad ka umphniang bad ka jingiwbih baroh bad un thang ïa ka halor ka duwan kum ka dak ba la ainguh ïa ka sha U Trai. Ka jingiw jong kane ka jingainguh bam ka long kaba pynsngewbha ïa U Trai.

LEBITIKOS 2:9

Uta u lyngdoh un shim khyndiat na ka kum ka dak ba la ainguh ïa ka sha U Trai, bad un thang ïa ka halor ka duwan. Ka jingiw jong kane ka jingainguh bam ka long kaba pynsngewbha ïa U Trai.

LEBITIKOS 4:19

Nangta un shim ïa ka khleiñ jong u baroh bad thang halor ka duwan.

LEBITIKOS 4:26

Nangta un thang ïa ka khleiñ jong u baroh halor ka duwan, kumba ju thang ïa ka khleiñ jong ki mrad ba la pynïap na ka bynta ki jingainguh ïasyllok. Ha kane ka rukom u lyngdoh un ai ïa ka jingkñia namar ka pop jong uta u nongsynshar, bad yn map ïa u.

LEBITIKOS 4:35

Nangta un weng ïa ka khleiñ jong ka baroh, kumba ju weng ïa ka khleiñ na ki langbrot ba la pynïap na ka bynta ki jingainguh ïasyllok, bad un thang ïa ka ha ka duwan lem bad ki jingainguh bam ba ai sha U Trai. Ha kane ka rukom u lyngdoh un ai ïa ka jingkñia namar ka pop jong uta u briew bad yn map ïa u.

LEBITIKOS 5:10

Nangta un kñia ïa kaba ar kum ka jingainguh thang, kat kum ki jingbuhbeit ryntih. Ha kane ka rukom u lyngdoh un ai ïa ka jingkñia na ka bynta ka pop jong uta u briew bad yn map ïa u.

LEBITIKOS 5:6

bad kum ka bainong namar ka pop jong u, u dei ban wallam sha U Trai ïa ka langbrot ne ka blang kynthei kum ka jingainguh. U lyngdoh un ai ïa ka jingkñia namar ka pop jong uta u briew.

JINGKHEIÑ 15:25

U lyngdoh un pyndep ïa ka jinglehniam ka jingpynkhuid ïa ka kynhun, bad yn sa map ïa ki, namar ka jingbakla ka long kaba khlem da mut khnang bad ba ki la wallam ruh ïa ka jingkñia namar ka pop kum ka jingainguh bam sha U Trai.

MATHAÏOS 3:17

Nangta ka sur ktien ka la ong na bneng, “Une u long U Khun uba ieit eh jong nga, ha uba nga sngewbha eh.”

EPHESOS 5:2

Ïa ka jingim jong phi dei ban synshar da ka jingieit, kumba U Khrist u la ieit ïa ngi bad u la aiti ïa la ka jingim na ka bynta jong ngi kum ka jingainguh ba-iwbih bad ka jingkñia ba pynsngewbha ïa U Blei.

HEBRU 1:3

U pynpaw ïa ka jingtyngshaiñ ka burom U Blei bad u ïasyriem thik bad ka dur U Blei hi, uba kyrshan ïa ka pyrthei da ka ktien badonbor jong u. Hadien ba u la ïohpdiang ka jingmap ïa ki pop u khunbynriew, u la shong ha bneng ha ka liang kamon jong U Blei, U Bakhrawbor Tam.

HEBRU 10:12

Hynrei U Khrist u la ainguh shisien kñia namar ki pop, ka jingainguh kaba dap biang junom, bad hadien u la shong ha ka liang kamon jong U Blei.

HEBRU 10:14

Te da kawei ka jingkñia, u la pynjanai ha la ka rta ïa kito kiba la pynkhuid na ka pop.

HEBRU 9:12

Haba U Khrist u la ïaid lyngba kane ka ïingjaiñ bad rung tang shisien shapoh ka Jaka Bakyntang Tam, um shym la shim ïa ka snam ki blang bad ki masi kyrtong ban ainguh kum ka jingkñia; hynrei, u shim ïa la ka jong ka snam, bad pynïoh ïa ka jingim bymjukut na ka bynta jong ngi.

1 ÏOANNIS 1:7

Hynrei, lada ngi ïaid ha ka jingshai — kumba ma u, u long ha ka jingshai — te ngi don ka jingïasyllok paralok hi, bad ka snam U Jisu, U Khun jong u, ka pynkhuid ïa ngi na ka pop baroh.

JINGPYNPAW 5:9

Ki la rwai ka jingrwai bathymmai: “Me long uba dei hok ban shim ïa ka kot kli bad ban pynpait ïa ki jingpyndait jong ka. Naba la pynïap ïa me, bad da ka jingïap ba aiti lut jong me me la siew kuna na ka bynta ki briew jong U Blei na kawei pa kawei ka jait, ka jait ktien, ka hima bad ka jaitbynriew.